ياهلا ومسهلا وحياكم الله جميعا , اولا احييكم السلام عليكم ورحمة الله وبركاته , والثانية كيف الحال , والثالثة فمان الله:d
اوكي اوكي راح ابطل سماجه << ابد يااخوان طبعن هذا اول موضوع اكتبه في هالمنتدى اللي انشالله افيد فيه واستفيد من اخواننا جميعا ملاك سيارات هوندا , والشي الثاني اللي دفعني اكتب هالموضوع او الاستفسار هي شغلة لو كانت فعلن زي ماهي تدور ببالي معناته راح تكون عيب في الاكورد 2013 , اللي هي بالنسبة للاكورد الـ v6 الفئة العادية وليست السبورت , لو تلاحظون يااخوان ان القير فيها فيه كذا نمرة كالتالي ( P+R+N+D+S ) طبعن هالنمر موجودة بالقير الـ 6 سلندر في نوعيها العادي والسبورت , السؤال الان في الفئة العادية ولما يكون القير على نمرة الـ S , كيف اقدر اتحكم بالغيارات 1,2,3...... مثل فئة السبورت من خلف الدركسون اتحكم فيها , طبعن انا اللي خلاني افكر بهالشغلة لاني كنت حاط عيني على فئة السبورت وبعدين فضلت الفئة العادية عشان تخشيبها الداخلي وترتيب وتناسق الوانها , وبما اني دايم اروح المنطقة الجنوبية واضطر انزل واطلع دايما من العقبة لذلك كان لابد لي افكر شلون اعتمد عالقير بدال الفرامل مثل باقي السيارات , وابي السيارة اللي راح اشتريها يكون فيها امكانية تثبيت النمرة على رقم واحد مثلن مهما ارتفع الار بي ام ماتغير هالنمرة , طبعن اتمنى من اصحاب السيارات الاكورد الـ 6 سلندر يتاكدون لي من هالشغلة , هل هناك طريقة بالقير تغنيني عن الازرار اللي خلف الدركسون او لا والسلام عليكم ورحمة الله وبركاته .
اتوقع وانا اخوك الـ s مهوب لازم يكون فيه تبديل خلف المقود بخصوص القير شكلك جديد او بالاصح ماقد جربت اكورد الاكورد ماشاء الله في الطلعه والنزله ووقت الدحدره مع ضغطة فرامل القير يرد نمره دايركت من نفسه حتى جربتها في الهدا مع اللفات الجامده يرد نمره بعد
حياك الله اخوي , بالنسبة للتجربة صحيح ماقد جربت الحقيقة لكني راح اجرب وودي اجرب وانا عندي معلومات كافية , الحاجة الثانية وفقك الله لا تقارن الهدا بعقبة الصما بالسودة , لان الهدا احسها تمشيه بالنسبة لذي , وكثير سيارات كثيييير اغلبها امريكي والماني يسخن فراملها وتولع بعضها نار بالعقبة خصوصا المصايفين يشدون عالفرامل مرة , لذلك انا متعود اثبت عالنمر بالقير وانتهينا , يخبط القيير ولا تخبط روحي :d, عالعموم برضو ابي واحد عنده هالقير ويتاكد اقل شي من كلام مندوب مبيعات امس قابلته في فرع خريص , قالي ان القير في وضع الاس ممكن يغير نمر (اعلى واقل) بشكل يدوي بالضرب الخفيف على عصا القير فوق وتحت ؟؟المشاركة الأصلية كتبت بواسطة تألمت بس تعلمت
الوضعية الرياضية في الستة سلندر العادية تغير من طريقة تعامل ناقل الحركة الآلي مع الوضعيات، فتأخذ كل نمرة وقت أطول منها في الوضعية العادية ويعطيك عزم أكبر في النمر المبكرة، كما تصبح جاهزية الناقل أعلى في تخفيض النمر عند الفرملة، وبالنسبة لضغط المحرك فيبقى فوق الـ2000 لتوفير استجابة أعلى.
أول مرة أسمع عن امكانية تغيير النمر في الستة العادية من عصا القير، ما أعرفه هو إذا كنت ترغب بالتحكم اليدوي بوضعيات ناقل الحركة (من المقود) فينبغي عليك التوجه إلى فئة V6 Sport بس كل شيء جائز.
كثر خيرك كفيت ووفيت , طبعن بالنسبة للحركة اللي قلتها عن طريق القير هاذي من مندوب مبيعات بالشركة قالها لي , فحبيت اتاكد منكم , وليست معلومة اكيدة انسبها لي ..
ضوابط المشاركة
رد مع اقتباس
مواقع النشر (المفضلة)