تم تغيير كراسي المكينة مجانا .. أكورد 2007 .. العضو 2 في 2013

**HeRCULeS.911** · 15-02-2013, 01:12 AM

السلام عليكم ورحمة الله و بركاتــــه ..

كيف الحال يا شباب ..

أول شي حاب أني أشكر العضو إحساس حساس .,.

لأنه قام بنبش الموضوع :d

و لأنه تجاوب معاي بالجوال لما استشرته .. فنصحني و الحمد لله خير النصيحة ..

و ثانيا حاب أشكر شباب هالمنتدى ..

ماقصرتو جميعا ..

بسم الله نبتدي بالموضوع بإختصار ..

شفت موضوع أخوي احساس حساس ..

و فعلا كانت الشروط مطابقة لسيارتي من ناحية الممشى والمديل ..

فراجعت الوكالة و كان ردهم انك ماتشمل الأستدعاء ..

فأرسلت ايميل للشركة الأم باليابان ..

وكان ردهم بالبداية أنه ضمان عبدالله هاشم 3 سنوات أو 60 ألف كم ..

فرديت عليه بأنه أنت تتكلم عن ضمان عبدالله هاشم ..!!

و أنا أتحدث عن استدعاء الشركة الأم باليابان ..بعد ما إعترفت بأنه عيب مصنعي ..

فأنا لا أطلب التغيير على حساب عبدالله هاشم .. بل على حساب الشركة الأم ..!!

فأنا لست مجبور أن أقوم بتحمل قيمة إصلاح قطع اعترفت شركتها المصنعة بأنها عيب مصنعي ..!!

فكأن الرد ثاني يوم مكالمة من مدير الشرق الأوسط .. و قام بالتفاهم معي و اأبسطني صراحة خخخخخخخخخخ

وطالبت بحقي و قام بالتجاوب ...

وحجز لي بنفسه و دخلت الوكالة و اخر كلام المعاملة هههههههههههههه

و الحمد لله رب العالمين ..

لولا الله ثم أنتم ومواضيعكم وتفاعلكم يا إخواني بمنتدى هوندا

لما عرفنا عن هالمواضيع .. وكمنا لقمة سائغة لجشع البعض ..

نصيحة .. :

لازم الواحد يشيك على السيارة .. صيانه شاملة كل 100 ألف ..

من تنظظيف بخاخات و ثلاجة و فلتر هوا ومكيف وتنظيف مواصير المكيف وتغيير صفاية البنزين ..

أشياء أساسية لاتستهينو بها ..

سألت عن قيمة برمجة المفتاح بالوكالة و قالو ب 60 ريال ..!!

فأنا كنت خايف أبرمج برا الوكالة .. لأنه صارت فيني حركة بسيارتي القديمة لما برمجت المفتاح خارج الوكالة ..

وجاب فيني العيد ..

فشفت موضوع لأحد الأخوان بالمنتدى عن مفاتيح ريموت للهوندا ..

فأنصح .. لمن يشتري مفتاح أن يقوم قصه بمحل مفاتيح معروف .. ويقوم ببرمجته بالوكالة ..

60 ريال و السيارة تخلص بعد 30 دقيقة ..

وصلى الله على نبينا محمد و على اله وصحبه أجمعين ..

والسلام عليكم ..

**.AcCoRd** · 15-02-2013, 05:22 AM

ماشاء الله تبارك الله
الله يبارك لك فيها

طيب يالغالي سيارتي اكورد 2007
ماشية 105 يعني انا ضمن الشروط
لكن السيارة خليجية وليست سعوديه
هل لو سويت لهم زحمة وراسلت الشركة يغيرونها ولا والكاله بتدققلى الموضوع ذا ويبان لها .

**إحساس حساس** · 15-02-2013, 12:40 PM

العفو خوي والف الف مبروك
من ابسط حقوقنا انا نبدل الكراسي خاصه انها عيب مصنعي
واي قطعه اخرى فيها عيب مصنعي باغيرها غصب عنهم
مايضيع حق وراه مطالب

حنا مشكلتنا إننا نسكت عن حقوقنا وهي من أبسط شي .. أتمنى من الكل عنده مشكله ولم يتم التجاوب معه من الوكاله دايركت يرسل ايميل للشركه الام وراح يتواصلون معاه الوكاله

ملاحظه// مدير الصيانه بفرع الدمام المدعو ب عبدالرحمن بوشبيت أول شي عاملني كاني جاي اشحذ منه ,, وبعد رفع الشكوى وارسال الايميل اتصل فيني واعتذر عن كل اللي صار وحجز لي موعد بنفسه,, ليش ربعنا تعاملهم سيئ كذا ليش مايبادر هو بحل المشكله دون مماطله أو تشاور

**HeRCULeS.911** · 15-02-2013, 04:55 PM

المشاركة الأصلية كتبت بواسطة .AcCoRd

ماشاء الله تبارك الله
الله يبارك لك فيها

طيب يالغالي سيارتي اكورد 2007
ماشية 105 يعني انا ضمن الشروط
لكن السيارة خليجية وليست سعوديه
هل لو سويت لهم زحمة وراسلت الشركة يغيرونها ولا والكاله بتدققلى الموضوع ذا ويبان لها .

يبارك بعمرك ياغالي ..

و الله ما أدري اذا يغيرونها لك أو لأ ..

بس لما شيكو عندهم رقم الشاصي .. قال سيارتك وارد السعودية ..

و يشملها الضمان ..

عندك المشرف بلال .. ان شاء الله يرد و يفيدك أكثر مني

وشكرا على مرورك ..

**HeRCULeS.911** · 15-02-2013, 04:58 PM

المشاركة الأصلية كتبت بواسطة إحساس حساس

العفو خوي والف الف مبروك
من ابسط حقوقنا انا نبدل الكراسي خاصه انها عيب مصنعي
واي قطعه اخرى فيها عيب مصنعي باغيرها غصب عنهم
مايضيع حق وراه مطالب

حنا مشكلتنا إننا نسكت عن حقوقنا وهي من أبسط شي .. أتمنى من الكل عنده مشكله ولم يتم التجاوب معه من الوكاله دايركت يرسل ايميل للشركه الام وراح يتواصلون معاه الوكاله

ملاحظه// مدير الصيانه بفرع الدمام المدعو ب عبدالرحمن بوشبيت أول شي عاملني كاني جاي اشحذ منه ,, وبعد رفع الشكوى وارسال الايميل اتصل فيني واعتذر عن كل اللي صار وحجز لي موعد بنفسه,, ليش ربعنا تعاملهم سيئ كذا ليش مايبادر هو بحل المشكله دون مماطله أو تشاور

ماقصرت يا قلبو .. وجزاك الله ألف خير ..

ومدير الفرع اللي رحت له كمان نزل يراضيني و التعامل 100 % فرررررق ...!!

عالعموم الحمد لله خلصنا منهم و وفرنا 2000 ريال ههههههههههههه

و منور الموضوع لبى روحك ..

**إحساس حساس** · 15-02-2013, 05:10 PM

علبة فيوز النور يتم تغييرها مجانا بسبب خلل مصنعي يسبب تعليق النور العالي
انا مركب كتاوت وزنون ماني فاضي لهم افك واركب من جديد ,, واخاف اركبها تصير لي مشاكل بالكهرباء لاني شفت ردود الاخوان بالمنتدى وطابت نفسي

اذا انت فاضي رح لهم وشف الوضع

**khaleel1413** · 15-02-2013, 07:00 PM

انا سيارتي موديل 2006 وماشية 124الف

هل تتوقع تمشي عالضمان ولا لا
لاني شاريها والخلل حق الكراسي موجود فيها وشكرا

**THE SILVER ACCORD** · 16-02-2013, 12:23 AM

وعليكم السلام ورحمة الله وبركاته

ما شاء الله الف مبروك وتستاهل كل خير

انا الحين أرسلت لأيميل هوندا اليابان

شكوى عن :

# عدم توفر زيت هوندا MTF للقير العادي .. بالوكاله
+ رفض توفيره للعملاء .. حتى لو طلبيه يرفضون
+ علمتهم أن الوكاله تقول استخدم زيت 5W30 ( زيت هوندا الجديد المصنوع بالسعوديه )

# عدم توفر ماء راديتر هوندا ( الأزرق الأصلي ) .. بالوكاله
+ الوكاله تبيع ماء راديتر كاسترول الأخضر

# البواجي اللي يبيعونها الوكاله ZFR6F-11 NGK .. تختلف شوي عن اللي بالكتالوج ( بواجي الأكورد 2007 ونازل )

بالكتالوج مكتوب

DENSO : KJ20DR-M11
NGK : ZFR6K-11

الوكاله ما ينفع معها إلا الشكاوي

واليابانيين

ياليت يسحبون الوكاله من عبدالله هاشم :d
ويصير فيه وكلاء لهوندا وموزعين قطع غيار معتمد .. يعني بدون احتكار عبدالله هاشم

بتقل أسعار سيارات هوندا وأسعار قطع الغيار

**HeRCULeS.911** · 16-02-2013, 01:37 AM

المشاركة الأصلية كتبت بواسطة إحساس حساس

علبة فيوز النور يتم تغييرها مجانا بسبب خلل مصنعي يسبب تعليق النور العالي
انا مركب كتاوت وزنون ماني فاضي لهم افك واركب من جديد ,, واخاف اركبها تصير لي مشاكل بالكهرباء لاني شفت ردود الاخوان بالمنتدى وطابت نفسي

اذا انت فاضي رح لهم وشف الوضع

كلام صحيح .. بس القطعة مو متوفرة بالمملكة ..

و انا بنزل عنها موضوع لما أغيرها ..

ان شاء الله

**HeRCULeS.911** · 16-02-2013, 01:38 AM

المشاركة الأصلية كتبت بواسطة khaleel1413

انا سيارتي موديل 2006 وماشية 124الف

هل تتوقع تمشي عالضمان ولا لا
لاني شاريها والخلل حق الكراسي موجود فيها وشكرا

مايشملها :(

لأنه فوق ال 120 ألف للأسف ..!!

**HeRCULeS.911** · 16-02-2013, 01:43 AM

المشاركة الأصلية كتبت بواسطة THE SILVER ACCORD

وعليكم السلام ورحمة الله وبركاته

ما شاء الله الف مبروك وتستاهل كل خير

انا الحين أرسلت لأيميل هوندا اليابان

شكوى عن :

# عدم توفر زيت هوندا MTF للقير العادي .. بالوكاله
+ رفض توفيره للعملاء .. حتى لو طلبيه يرفضون
+ علمتهم أن الوكاله تقول استخدم زيت 5W30 ( زيت هوندا الجديد المصنوع بالسعوديه )

# عدم توفر ماء راديتر هوندا ( الأزرق الأصلي ) .. بالوكاله
+ الوكاله تبيع ماء راديتر كاسترول الأخضر

# البواجي اللي يبيعونها الوكاله ZFR6F-11 NGK .. تختلف شوي عن اللي بالكتالوج ( بواجي الأكورد 2007 ونازل )

بالكتالوج مكتوب

DENSO : KJ20DR-M11
NGK : ZFR6K-11

الوكاله ما ينفع معها إلا الشكاوي

واليابانيين

ياليت يسحبون الوكاله من عبدالله هاشم :d
ويصير فيه وكلاء لهوندا وموزعين قطع غيار معتمد .. يعني بدون احتكار عبدالله هاشم

بتقل أسعار سيارات هوندا وأسعار قطع الغيار

الله يبارك بعمرك ياغالي ..

و الحمد لله خذيناها من فوق خشومهم هههههههههههه

و كفو والله .. أرسل ايميل و ثنين و لازم كل المنتدى يبعثو ايميلات عشان يعرفو أنهم مايضحكو علينا لا هم ولا وكلائهم ..

و منور الموضوع لبى روحك ..

**إحساس حساس** · 16-02-2013, 01:56 AM

ي صاحب الموضوع هل عندك مشكله باالنور العالي ؟
اذا ايه غيرها
اذا لا ماانصحك

**.AcCoRd** · 16-02-2013, 02:58 AM

طيب انا سيارتي خليجي أيش وضعي .؟ مره مافي أمل .؟

**zezo24** · 16-02-2013, 10:52 AM

سلام عليكم ..
يعطيك العافية على الموضووع الجميل
ممكن ايميل شركة الام في اليابان

وانت رحت اي فرع في جدة ؟
انا معايا اكورد 2007 بس مادخلت الشركة اللى مره وحدة فقط - تغير زيت الجيربوكس فقط
وهل الشروط تنطبق عليا ولا لا؟

وشكرا..

**فتىسدير** · 16-02-2013, 12:59 PM

المشاركة الأصلية كتبت بواسطة zezo24

سلام عليكم ..
يعطيك العافية على الموضووع الجميل
ممكن ايميل شركة الام في اليابان

وانت رحت اي فرع في جدة ؟
انا معايا اكورد 2007 بس مادخلت الشركة اللى مره وحدة فقط - تغير زيت الجيربوكس فقط
وهل الشروط تنطبق عليا ولا لا؟

وشكرا..

وعليكم السلام ..
تفضل اخوي . هذي مواضيعي السابقه :p

http://www.hondaarabia.com/club/t50951/

وهذا حق اليابان
http://www.hondaarabia.com/club/t53872/

دعواتك بالتوفيق

بالنسبه للي يقول انا سيارتي خليجيه ..

ايه نعم يشملك الضمان .. لان شركه الام تلزم الوكلاء بأن العميل يرجع ل اقرب وكاله أليه .. سوا كانت في الامارات ولا اي منطقه ثانيه ..

ف راسلهم ماعليك منهم ..

قول لشركه الام وان شالله يظبطونها ..

دعواتكم بالتوفيق

**HeRCULeS.911** · 16-02-2013, 07:01 PM

أفادكم الأخ فتسدير .. جزاه الله خير ..

و بالنسبة لعلبة الفيوزات .. العالي مايعلق عندي .. بس اذا غيرتها وش المشكلة ..!!

لأنه العلبة الجديدة بتكون متلافا فيها العيب لمصنعي .. و انا ودي أغيرها هههههههه لأنه تجي الكتاوت و الفيوزات مع العلبة كلها جديدة هههههههههه

فإذا في مشكة من تغييرها ياريت تفيدونا ..

و موفقين ياشباب ..

**khaleel1413** · 16-02-2013, 11:07 PM

المشاركة الأصلية كتبت بواسطة HeRCULeS.911

مايشملها :(

لأنه فوق ال 120 ألف للأسف ..!!

ام القهر
شاري السيارة ممشاها 115 الف
وتوي ادري عن الموضوع مع اني سالت عن الكراسي ومحد جاب لي هالطاري
معوضين خير ان شاء الله

**يسوري** · 17-02-2013, 04:41 AM

السلام عليكم ورحمه الله وبركاته..

طيب ياغالي انا سيارتي اكورد 2007 سعودي
ممشاها 102 وكسور..

هل يشملني الضمان ؟؟ مع العلم اني ما رحت للوكاله الا مرة او مرتين:p

اذا كان الضمان يشملني اروح وش اقولهم ؟؟ ابي اغير الكراسي على الضمان ؟؟ ولا فيها لفه:d

**يسوري** · 17-02-2013, 04:44 AM

وهل يغيرون كراسي المكينه بــس ولا مكينه وقير؟؟؟

**zezo24** · 17-02-2013, 08:22 AM

يعطيك الف عافية يافتى سدير

**يسوري** · 17-02-2013, 12:12 PM

شبآآآآآب اليوم رحت لصيانه هوندا بجدة طريق المدينه

قلتلهم ابي اغير كراسي المكينه على الضمان !!

ضحك وقال: كراسي المكينه .. وعلى الضمان؟؟؟؟؟؟

قلتله ايه لأنه فيها عيب مصنعي ...

قالي اذا بتغيرها نغيرها على حسابك اما انو على الضمان مافيه

وقالي كمان انه كراسي المكينه مافيها عيب مصنعي ولا احــد جا واشتكى منها!!

وش رأيكم؟؟!!؟؟

**HeRCULeS.911** · 17-02-2013, 06:18 PM

المشاركة الأصلية كتبت بواسطة يسوري

شبآآآآآب اليوم رحت لصيانه هوندا بجدة طريق المدينه

قلتلهم ابي اغير كراسي المكينه على الضمان !!

ضحك وقال: كراسي المكينه .. وعلى الضمان؟؟؟؟؟؟

قلتله ايه لأنه فيها عيب مصنعي ...

قالي اذا بتغيرها نغيرها على حسابك اما انو على الضمان مافيه

وقالي كمان انه كراسي المكينه مافيها عيب مصنعي ولا احــد جا واشتكى منها!!

وش رأيكم؟؟!!؟؟

لا حبيبي .. قوله نشوف أنا ولا أنت ..

أهم شي تعرف اسم المهندس ..

ترسل ايميل اللي بالموضوع وتقول فيه أنه شركة هوندا أعلنت استدعاء سيارات الأكورد من 2003-2007 بسبب وجود عيب مصنعي ..

في كراسي المكينة .. وشمل الأستدعاء تغيير كراسي المكينة على حساب الشركة اليابانية هوندا ..

بشرط ألا يزيد مديل السيارة عن 120 ألم كيلو ..

و أنا سيارتي يشملها الضمان لأنها مطابقة للشروط ..!!

وعند مراجعة الوكيل ( تذكر اسم المدينة و اسم الفرع ) و طلبت بتغيير كراسي المكينة على هذا الضمان ..

قام المهندس المسؤول بالجواب بسخرية .. واستهزاء ..!!

فهل هذكذا يعامل مستخدم لأحدا سيارات هوندا ويعشقها ..!!

أرجو من الأدارة النظر بموضوعي ..

و أنا أطلب منك ياسيدي المحترم .. أن تحول موضوعي للجهة المسؤولة .. لكي تجد لي حلا لهذه المشكلة ..

و أنا كلي ثقة بشركة هوندا و قراراتها الجيدة .. ومتأكد و أجزم أن ادارة هوندا سيكون قرارها ممتازا كسياراتها ..

انتهى ..

طبعا تكتب بالأول اسمك

البلد - المدينة

مديل السيارة .. ممشاها .. الممشى ..

اسم الفرع اللي راجعته ..

رقم جوالك ..

و اذا نسيت شي ياشباب أو غلطت بشي فعدلولي ..

بس أنا كذا أرسلت الرسالة هههههههههههههههههههههههههههههههههه

:d

علمنا وش يصير معك ...

**.AcCoRd** · 17-02-2013, 06:33 PM

ي شباب انا خليجي 2007 وتحت الممشى المطلوب هل لي حل .؟

**HeRCULeS.911** · 18-02-2013, 05:29 PM

المشاركة الأصلية كتبت بواسطة .AcCoRd

ي شباب انا خليجي 2007 وتحت الممشى المطلوب هل لي حل .؟

جرب وروح ..

بس أهم شي لاتخجل وطالب بحقك ..

**THE SILVER ACCORD** · 20-02-2013, 06:13 AM

بعد 3 أيام .. من إرسالي للشكاوي على إيميل شركة هوندا ( باليابان )
( الشكاوي موجوده بردي السابق - بأعلى الصفحه )

جتني رساله على الإيميل من مدير عمليات صيانة هوندا ( عبدالله هاشم ) وبصراحه نص الرساله يدل على التعامل الراقي والمحترم

الزبده ان اليابانيين كفو وما قصروا

ومدير عمليات الصيانه يقول أن جاهم إشعار من هوندا موتورز ويقول ان ما قدرنا نتواصل معك لأنك ماحطيت رقم جوالك

وإلى الآن ما أتصلت عليهم .. توي أشوف الرساله
والوقت الحين غير مناسب للإتصال

وإن شاء الله يوفرون :

1) زيت هوندا حق القير العادي MTF

2) ماء راديتر هوندا الأزرق الأصلي