الموضوع: كيف احمي عجلات سيارتي من السرقة.

المشاركة الأصلية كتبت بواسطة هوندا 2013

السلام عليكم ورحمة الله وبركاته


اخواني الاعضاء الكرام اسعد الله مسائكم

السؤال كما هو في العنوان كيف احمي عجلات السيارة من السرقة ؟

وعليكم السلام في جهاز يبعونه حقت صوت الانذار أي حد يقرب من عند السياره على طول يطلع صوت قوي ، واذا عندكم مدخل السياره في الحوش دخله احسن من تخليه برى حتى لو اسافر أي مكان ماخلي سيارتي توقف بالامكان الشبه ابد اتمنى افدتك

وفيه شي ثاني بعد غير جهاز الانذار تحط مسامير يسمونه حقت حميه من السرقه تحطه بدل المسامير الوكاله لو يجي الحرامي يبي يفكه المسامير مايقدر ولا يمديه يسرق الكفرات

المشاركة الأصلية كتبت بواسطة محامي تويوتا ~

وفيه شي ثاني بعد غير جهاز الانذار تحط مسامير يسمونه حقت حميه من السرقه تحطه بدل المسامير الوكاله لو يجي الحرامي يبي يفكه المسامير مايقدر ولا يمديه يسرق الكفرات

ايوه وصلت خير، ايش اسم هالصواميل ووين يبيعونها ؟ سبق وسمعت عنها بس مااعرف عنها شي.

بيني وبينكم الرياض الامن فيها صفر. هالسرابيت ( يكرم قارئ تعليقي والسامع ) الله يكفينا شرهم يسرق كفر عشان يفحط، لو بيستخدمها استخدام طبيعي والله اعطيه الكفر مع ابتسامه تشق الوجه.

والله ماعرف لو اعرف قلت لك وين بس هي موجوده اظن :o

اسال مجرب وانا اخوك .....اااااااااااااه حسبي الله عليهم ولايوفقهم ولايسامحهم سيارتي جديده وسرقو كفراتي قسم بالله اللي يقهرك والله حتى الصواميل اول مره تتفك انغبنت من جد لكن ماتضيع عند ربك .... لكن كل دقه بتعليمه اشتريت صواميل قفل الكفرات من نفس اليوم وركبتها ع الاربع كفرات من الوكاله اصليه سعرها تقريبا 240وانتبه لا تاخذ الا اصلي لو اخذت صيني يدمر عليك المسامير اللي في الفلنجه وتقبل تحياتي والله يحميك ويحمي جميع الناس من هذولي الشرذمه ولا تنسى الاهم اللي هو انك تقول (( استودعتك الله اللذي لا تضيع ودائعه ))

المشاركة الأصلية كتبت بواسطة وليد العلكمي

اسال مجرب وانا اخوك .....اااااااااااااه حسبي الله عليهم ولايوفقهم ولايسامحهم سيارتي جديده وسرقو كفراتي قسم بالله اللي يقهرك والله حتى الصواميل اول مره تتفك انغبنت من جد لكن ماتضيع عند ربك .... لكن كل دقه بتعليمه اشتريت صواميل قفل الكفرات من نفس اليوم وركبتها ع الاربع كفرات من الوكاله اصليه سعرها تقريبا 240وانتبه لا تاخذ الا اصلي لو اخذت صيني يدمر عليك المسامير اللي في الفلنجه وتقبل تحياتي والله يحميك ويحمي جميع الناس من هذولي الشرذمه ولا تنسى الاهم اللي هو انك تقول (( استودعتك الله اللذي لا تضيع ودائعه ))

امين جزاك الله خير.

وحسبي الله عليهم اللي ما سلم منهم مسلم.

المشاركة الأصلية كتبت بواسطة B Useful

تنباع هالصواميل في محلات العليان << متخصصين بزينة السيارات ..

انصح جميع من شرا 2013 بتركيبها ..

اول مانزلت جنوط 2006 انتشرت سرقتها وقيمة الواحد بالوكالة فوق 1700
ونفس الشي لمانزلت جنوط 2008 وجنوط 2011 والحين جنوط 2013

افعلوا الاسباب واشتروا هالصواميل وتوكلوا على الله ..

جزاك الله خير ، طيب اللي عندهم اصلي وكيف اعرف الاصلي من التقليد ؟

وشكراً على مرورك بي يوزفول

المشاركة الأصلية كتبت بواسطة محامي تويوتا ~

والله ماعرف لو اعرف قلت لك وين بس هي موجوده اظن :o

ماتقصر يا محامي يكفي مرورك على موضوعنا طال عمرك.

والله انا مااثق بالمحلات ابد كله تقليد ترى خطيرر تحط صواميل ذي ممع مرور الوقت ينكسر ويطير الكفر وانت بالخط هذا خطير انتبه انت شوف الوكاله بس غيرها لا او شوف بعض الوكالات توويوتا نيسان يمكن يركب عليهاا