النتائج 1 إلى 3 من 3

الموضوع: تم عمل صيانة ال10000

  1. #1

    افتراضي تم عمل صيانة ال10000

    بسم الله الرحمن الرحيم
    تم عمل صيانة ال10000 في مركز صيانة الباحة وكان فيها تغيير الزيت مع السيفون وصنفرة اقمشه اماميه وخلفيه وتربيط كامل من تحت وغسيل مكينه وتنظيف فلتر مكيف وزيادة موية رديتروزيادة موية مساحات وزيادة زيت فرامل مع انه مليان طبعا هذا كله بقيمة 560 ريال والله غالي لكن كلمت المدير الباكستاني قال رفعنا السعر عشان الزيت تغير وجابوا نوع جديد ناسي اسمه والله
    وكذلك سألت عن سعرالحساسات الخلفيه (للفائده)قالي بتطلع عليك بـ1908ريال
    هذا ما احببت ان اكتبه لكم لمن اراد ان يستفيد
    وصلى الله وسلم على نبينا محمد

  2. #2
    عضو فعال
    تاريخ التسجيل
    02-2009
    الدولة
    مكة المكرمة
    المشاركات
    640

    افتراضي

    سعرة غالي لانه يمشيك 10الف مو 5الف
    على حسب كلامهم..

  3. #3
    عضو فعال
    تاريخ التسجيل
    01-2012
    الدولة
    الرياض
    المشاركات
    859

    افتراضي

    اقتباس المشاركة الأصلية كتبت بواسطة عبدالله الغامدي مشاهدة المشاركة
    بسم الله الرحمن الرحيم
    تم عمل صيانة ال10000 في مركز صيانة الباحة وكان فيها تغيير الزيت مع السيفون وصنفرة اقمشه اماميه وخلفيه وتربيط كامل من تحت وغسيل مكينه وتنظيف فلتر مكيف وزيادة موية رديتروزيادة موية مساحات وزيادة زيت فرامل مع انه مليان طبعا هذا كله بقيمة 560 ريال والله غالي لكن كلمت المدير الباكستاني قال رفعنا السعر عشان الزيت تغير وجابوا نوع جديد ناسي اسمه والله
    وكذلك سألت عن سعرالحساسات الخلفيه (للفائده)قالي بتطلع عليك بـ1908ريال
    هذا ما احببت ان اكتبه لكم لمن اراد ان يستفيد
    وصلى الله وسلم على نبينا محمد
    غالي جدا جدا انا سبق لي وسويتها وتحسفت واخذوا 475 ريال والحين زادوها حوالي 85 ريال لا بارك الله في العدو



    نصيحة اخ لا عاد تجيهم الا لتغغير قطع حساسة وهامة او زيت قير بس وغير كذا لا عاد تجي نصيحة من محب

    الزيت هذا يبعونه ب 35-40 ريال برا اشترية ب 29 ريال

    استغلال فضيع


    موية الردايتر انت بنفسك شيك عليها كل 10 الف بنفسك ما يبي لها شي

    ما يبي لها شي ولعلمك تراهم يبعونها موية مقطر عادية

    http://www.hondaarabia.com/club/t59255/
    ارجع لهذا الموضوع واقر ردي ويتعرف القصة كيف

    وخلك ذكي وذيب يا ولد غامد ولا يزرفونك هالوكالة الجشعة في الصيانة


    المشاركة الأصلية كتبت بواسطة 2013
    مع احترامي لك يا صاحب الموضوع انا دخلت ع موضوعك بس ما شفت شيء مفيد مغير شكوى كنت اتمنى تكتبون حلول للمشكله ، عشان نشارك معكم

    اللي استفدته من هالموضوع ماغير هواش بين الاعضاء وان صيانة عبدالله الهاشم فاشله وان تايوتا صيانته افضل : انتهى الموضوع طيب وبعدين !!

    نبي حل اللي عنده الحل يفيدنا ، يعني انا توني شاري الهوندا ومامشت 300 كيلو يعني بمر بنفس الظرف اللي مر عليكم ( وبيجي عميل بعدي بيكون نفس المشكله ) طيب

    ليه ما نقترح ان كلنا ناخذ الايميل حق المسئول ف شركة عبدالله الهاشم ونرسل رساله جماعيه يعني شكوى جماعيه عشأن يعرف ان العميل متذمر وانه دافع فلوس عشأن يلقى شيء يريحه طبعا اللي عنده ايميل عبدالله الهاشم حق الشركة او مكتب شكاوي مثل المعمول ف بعض الشًركات يكون افضل

    هذا اقتراح ونشوف باقي الاقتراحات

    ----------------------------
    منتدى السيارات الكوريه بقسم هونداي كان هناك موظف تبع المجدوعي يشوف شكاوي العملاء مدري هل ف هالمنتدى موظف يشوف شكاوي العملاء او لاء




    وكالة عبدالله هاشم يدري ان صيانته تعبانه ويدرون ان العملاء متذمرين ويدرون ويتابعون هذا المنتدى دائماً ، ولا ايميل ولا غيره بيفيد يكفي انك تجيهم من صباح الله تبي تغير زيت وسيفون ما تخلص سيارتك الا بشق الانفس مع انتظار بالساعات تصل ل 3-4 ساعات عشان زيت دون مراعاة ل وقت العملاء والرياض بكبره فيه فرعين صيانه كل واحد اصغر من الثاني وزحمه وقلت ادب ،، ويطالبونك تجي تغير زيت علشان الضمان مقابل وقتك المهدور
    بخلاف غلاء قطع الغيار وندرة وجود بعضها الا بطلببية وزحمه

    سبق وطالبت انا عندهم بفرع خريص وقلت افتحوا فروع صيانة سريعة زيت وسيفون مثل محلات بترومين باسم هوندا 5 فروع مثلا كل فرع 8 اشخاص يغيرون الزيت منها يحافظون العملاء على الضمان وتخف الزحام على الفروع الرئيسية للصيانة
    واقترحت فرع بالشمال والثاني بالجنوب والثالث بغرب الرياض والرابع بالشفاء لوجود كثافة سكانية هناك
    ولكن لا حياة لمن تنادي وكالة عبدالله هاشم لا زالت على ذكريات التسعينات العالم تحسنت الا هي مثل ما كانت واردئ
    والصيانة فاشلة جدا واسعارها غالية مقابل خدمة سيئة بعيني شفتها اجل دافع لهم حولي 500 ريال على زيت وتبديل كفرات وتنظيف فلتر هواء ومكيف وفحمات صنفرة وهي برا ما تكلفني ولا 150 ريال ليه !!!!!!!!!!

    + انتظار وقت + ما يخلونك تشوف شغلهم +تهديد بالغاء الضمان واسعار ضرب ضرب في قطع الغيار الكبرى وعدم توفرها

    انا ضد الذهاب للوكالة لعمل الصيانة الدورية وفروا دراهمكم وتعالوا لهم في الصيانات الضرورية 60 الف و 100 الف و 140 الف يعني عند كل تغييرت زيت واذا جيتوا قولوا لهم نبي زيت قير وليس صيانة كاملة لانهم بيضربونكم بالسعر ضرب لو سويت صيانة كاملة


    وهذا هدر فلوس ،،،، انت غير زيت عند غيار زيت محترم مثل المحلات الزينة واستخدم زيوت كويس وزيت الدركسون اذا نقص استخدم زيت هوندا فقط وفلاتر الهواء نظفها كل تغيرت زيت والمكيف ،،،،،

    اغير زيت هوندا ابو 12-10 الاف كيلو واشتريه ب 29 ريال وسيفون اصلي ب 25 ريال ومرات احلصه بمحل اصلي ب 17 ريال
    واغير زيت ب 15-20 ريال واحط زيت محترم ولا زيت بترومين حق الوكالة الي كانه زيت دبابات من ريحته وتروح لزوجته بسرعه

    اهم شي تعرف كيف تدبر نفسك وكيف تتحكم بمصروفاتك الي تخص السيارة بذكاء ويسئل ويستشير قبل ما يروح ورشات عشان ياخذ الراي السديد والمشورة من الاخوان

    اهم شي لا يدور في بالك ان الوكالة حريصين وكذا ترا ما احرص من حلالك الا انت نفسك

المواضيع المتشابهه

  1. صيانة 20 ألف
    بواسطة fofo-10 في المنتدى هوندا اكورد Accord
    مشاركات: 12
    آخر مشاركة: 13-10-2010, 08:50 PM
  2. اول صيانة (صيانة 1000كم)
    بواسطة Albattar في المنتدى هوندا اكورد Accord
    مشاركات: 5
    آخر مشاركة: 12-09-2009, 07:32 PM
  3. اول صيانة (صيانة 1000كم)
    بواسطة Albattar في المنتدى هوندا اكورد Accord
    مشاركات: 3
    آخر مشاركة: 12-09-2009, 01:38 PM
  4. تشيك ال10000 كم يأخذ من وقت
    بواسطة المخلود بحبك في المنتدى هوندا اكورد Accord
    مشاركات: 1
    آخر مشاركة: 25-10-2008, 02:13 PM
  5. صيانة ال10000 كيلو كم تاخذ وقت ؟؟
    بواسطة فــــهــــودي في المنتدى هوندا اكورد Accord
    مشاركات: 5
    آخر مشاركة: 20-07-2008, 02:04 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 48.76 Kb. compressed to 43.95 Kb. by saving 4.81 Kb. (9.87%)]