رد مع اقتباساخوي رح للمخرطه يكبسسون لك العكوس ويغيرون لك راس العكس تقريبا مايكلفك للجهتين 300 ريال
مشكلة في عكوس اكورد 2005
السلام عليكم ورحمة الله
كيف الحال اخواني الكرام؟
بعرض عليكم مشكلتي مع موتري اللي هو أكورد 2005
سالفة وما فيها أنه من فتره ليست بالقصيرة - حول 6 شهور- صار يجي صوت عند الكفرات مع بعض اللفات من الجهة الامامية اليسار.. المهم رحت لاكثر من ورشة والكل يقلي ابد ما في شي.. الوضع سليم.. لكن من 3 اسابيع نزلت للاردن وهناك رحت لميزان الكتروني حديث فحصت العكوس والهيئة الامامية كاملة, فقلي عندك العكوس الاماميات الثنين يبيلهم تغيير.. مع العلم انه ظهرت مشكلة جديده وهي رجه بالسيارة كامله على اوقات متقطعه..
المهم رحت للوكالة وسألت عن اسعار العكوس.. يقلي الزول عندهم انه سعر العكس كامل للجهة الواحدة 3800 ريال تقريبا فالثنين حول 7500 ريال !! برصاحه اغلى من سعر المكينة او القير..
الزبدة.. انا من سكان حايل.. وصعب احصل قطع تشليح.. وسألت حصلت في نوع تايواني بـ 500 ريال لحبة, هل حد عنده خبرة اذا يكون مناسب ويمشي؟ او لازم اركب وكالة؟ هل في انواع ثانية؟ والاهم شلون بتأكد انه فعلا العكوس الثنين تالفين؟
اسف على الاطالة وشكرا للجميع مقدما
اخوي رح للمخرطه يكبسسون لك العكوس ويغيرون لك راس العكس تقريبا مايكلفك للجهتين 300 ريال
الله يجزاك خير على الرد.. لكن كثير سمعت ناس ما يمدحون الخرط ويقولون بعد شهر او شهرين بالكثير يرجع يخرب عليك العكس.. مدري لكن بتأكد بعد وشكرا لردكالمشاركة الأصلية كتبت بواسطة نصوووري
ترى ما تحتاج تغير كامل العكس
فقط رأس العكس
على العموم الميكانيكي ( الأمين ) هو اللي يقرر وش اللي خربان و وش اللي : سليم \ يمشي الحال \ باقي فيه عمر \ الخ...
رأس العكس الأصلي بـ 1000 ريال تقريبا .. من الوكاله
و رأس العكس الخارجي ( ياباني ) بـ 250 ريال .. أنا استخدمه بسيارتي ونسيت كم كلفني شغل اليد
الوكاله أفضل من الياباني .. لكن الياباني يمشي الحال ويؤدي الغرض وأنا أستخدمه له 10 شهور ولا عندي مشاكل الحمد لله
اذا صوف أو جلد العكوس تحتاج تغيير غيرها + تشحيم ممتاز وأصلي
تقدر تجي القصيم ؟
يمكن قطع الغيار عندنا تكون أرخص من حايل ؛ والورشات عندنا يمكن أكثر
وطبعا لام تكاسر سواءا بحايل أو بالقصيم ؛ وإلا راح ينصبون عليك الورشات ومحلات قطع الغيار
العكس اذا كان خربان يطلع صوت اذا لفيت طق طق طق طق طق طقطقطقطقطقطق
نصيحه للجميع .. أول ما تسمع صوت العكوس شيّك على ( ربل - صوف - جلد ) العكوس وتأكد أنها سليمه والشحم ما طلع
الله يجزاك خير اخي الكريم.. الظاهر فعلا بروح للقصيم ان شاء الله.. هنا الورشات مو ذاك الزود
ضوابط المشاركة
مواقع النشر (المفضلة)