وش اشتري تعبت ونا اسئل

**حايلي رايق** · 01-05-2013, 04:37 PM

انا محتار بين اكورد 2009 ولا سوناتا 2012 ريحوووني تعبت ونا افكر

**makhloof** · 01-05-2013, 05:20 PM

شوف مازدا 6 2014 يمكن تعجبك

**القايله** · 01-05-2013, 05:32 PM

المشاركة الأصلية كتبت بواسطة حايلي رايق

انا محتار بين اكورد 2009 ولا سوناتا 2012 ريحوووني تعبت ونا افكر

طيب وش النقاط الي محيرتك عشان نساعدك

**عزآه** · 02-05-2013, 03:00 AM

على حسب ياخوي إذا كانت المواصفات و الكماليات تهمك خذ لك سوناتا

اما الأكورد معروفه بجميع موديلاتها انها قوية و تتحمل و تضل سنين معاك و ماتحتاج قطع غيار لمدة 5 سنين

و غير كذا راسيه في الخطوط إذا كنت راعي خطوط خذ لك اكورد

مع العلم ان اكورد 2012 بـ 80 الى 85

و اكورد 2009 بـ 60 و اقل

**نصوووري** · 02-05-2013, 12:33 PM

نصيحه ابتعد عن السوناتا ،،، لان اثنين اعرفهم خربت عندهم القيور ويقولون عيب مصنعي وثاني شي ماهي مريحه بالخط ،،

والاكورد حلوة وتتحمل حتى ولو هي ستاندر

**Al-shooq1** · 03-05-2013, 12:39 PM

شوف اخوي انا منزل موضوع مثلك محتار
بس السبب عندي مالي يعني مطفر وعاطل
ابوي متورط فيني ههههههههههه انا ابي اكورد لان موتري خبط القير
لكن اذا امكانياتك حلوه الاكورد يا بطل والله موتر ماله مثيل
خذ لك وحده وانسى عنها سنين اما السوناتا تفكك رح شف موديلاتها 2012 تملي الصناعيه

**حايلي رايق** · 05-05-2013, 12:24 AM

يالربع انا فلوسي 65 الف
و2009 اكورد قدييييييمه يااخواني والله قديمه لها اربع سنين
وانا ابي سياره تجلس معي اقل شي خمس سنوات وانا رجال ثقيل ومو راعي سفر كثير يعني من عطله لين عطله اسافر وفوق هذا قطع الغيار تفرق والشكل والكشخه تفرق
وانا مقتنع ان لو سيارتك صينيه بس تحافظ عليها وماتشيل مطبات بتبقى معك ميه سنه ..

**القايله** · 05-05-2013, 03:24 AM

المشاركة الأصلية كتبت بواسطة حايلي رايق

يالربع انا فلوسي 65 الف
و2009 اكورد قدييييييمه يااخواني والله قديمه لها اربع سنين
وانا ابي سياره تجلس معي اقل شي خمس سنوات وانا رجال ثقيل ومو راعي سفر كثير يعني من عطله لين عطله اسافر وفوق هذا قطع الغيار تفرق والشكل والكشخه تفرق
وانا مقتنع ان لو سيارتك صينيه بس تحافظ عليها وماتشيل مطبات بتبقى معك ميه سنه ..

انت تسال وتجاوب بنفس الوقت

لاكن بقولك شي دامك تقول ان السياره لو تحافظ عليها تعيش خذلك سياره قديمه بس مو بالحيل او السيارات الصينيه وحافظ عليها وبتعيش معك على حسب اعتقادك

**عزآه** · 05-05-2013, 04:30 AM

مو عذر ان الأكورد 2009 قديمه

عادي جداً خذ لك اكورد2010 او 2011

اسعار هالموديلين بين 60 الى 70 الف

حنا نصحناك بـ الأكورد لأنها قويه و حقت خطوط و رسميه و شكل جذاب و ملفت لنظر

وشف الي يريحك

**Accord 071** · 05-05-2013, 10:46 AM

مراحب اخوي

بصراحه اشتر اكورد وانت متوكل على الله

الهوندا اكورد انشهد انه موتر موتر موتر .الحمدالله اني ماتهورت واشتريت هونداي .

سياره تعيش معك ماتقصر بدون تززين في كلامي وترفيع للهوندا لكن تعطيك عمر وزود.

**Accord 071** · 05-05-2013, 10:50 AM

اخوي بس نبذه بسيطه عندي هوندا اكورد 2005 كانت مع اخوي حايس ام امها وتكفون قولوا مشاء الله على الهوندا وعليها لمده 4 سنوات ولمن خذيتها ضبطتها وعدلتها من جديد والله العالم على مااقول شفها اللحين معي ورده ورجعت مثل اول متفائل انشاء الله تعطيني زود

**م ل ك 2008** · 05-05-2013, 08:38 PM

اول شي مبرووك مقدما

يمديك بالمبلغ الى معك او تزود عليه كم الف وتاخذ مازدا 2014 ستاندر شكل جديد ومعروفه مازدا بالجوده

وبالتوفيق

**حبة خال** · 06-05-2013, 11:43 AM

شوف يالغالي اذا ميزانيتك 65.000 وانت ملزم على الهوندا .... شوف لك السيفيك اشترها وكاله على يدك وهي هوندا وتحملها وجودتها نفس الاكورد ما فرقت ابد وحتى شكلها شبابي وفيها مواصفات تعجبك ... ومعروووف السيفك اكثر سياره صغيره فيها متعة سواااقه عجيبة ورساوه ومكيف باااااارد

ولا تضايق على نفسك وتشتري مستعمل ما تدري ايش البلاوي اللي بتطلع لك مع الوقت وتبهدل عيشتك ... وبصراحة ميزانيتك تجيب لك موتر وكاااااله احسن من المستعمل ... صدقني ما راح تندم تراها روووعه السيفك

**kakshi** · 06-05-2013, 08:39 PM

اخوي انصحك هوندا سفيك الصراحة افضلك لان الصراحة الاقساط يكسر الظهر واذا بتشتري مستعمل روح الامارات افضلك وتشوف مستعمل نظيف

**mohya** · 09-05-2013, 04:13 PM

انصحك ابعد عن الكوري والله انه ما يسوى تحط فيه ريال واحد قريبي طلع له سوناتا 2010 والرجال موسوس يحافظ على الموتر وبعد 3 شهور بس خرب عنده السلف
واذا جيت بتبيعها ما راح تمسك سعرها الافضل تدور لك هوندا اكورد نظيفه وتوكل على الله على الاقل خذ موديل 2010