الموضوع: استفسار بخصوص الجنوط + الكفرات

المشاركة الأصلية كتبت بواسطة mtm

السلام عليكم ورحمة الله وبركاتة

شخباركم اخواني عساكم بخير ان شاءالله

حاب استفسر بخصوص جنوط الاكورد الفل كامل موديل 2011 اعتقد الجنط حق الفل 17 وابي اشتري طقم وبصراحه سمعت ان في الوكاله الجنوط الاصليه بـ 10 او 11 الف وصراحه مبالغ فيه السعر جدا فى ابي تحت الاصلي مباشره يعني يكون جودته ممتازه وسعره حلو جدا ياليت اللي يعرف محل او يعرف مكان مضمون اشتري منه في الرياض يقولي عليه لان ابي جنوط ممتازه جدا وهل فيه جنوط ممتاز او نوعيه ممتاز تحت الاصلي طبعآ وسعرها مقبول جدآ

الاستفسار الثاني ,,

انا بصراحه ناوي بعد ماشتري الجنوط اركب كفرات على مقاس الجنط لكن انا مجرب كفرات يوكوهاما لانها ممتازه ومريحه ولينه في المطبات والحفر وبصراحه عن تجربه اشوفها من افضل الكفرات لكن فيه مشكله ان الكفر هذا مايركب على جنوط الفل للاكورد ودورت اكثر من محل قالي المقاس بيجي مو نفس مقاس الوكاله وبعد بحث اكثر من محل نصحني في كفرات دانلوب وهي ايضآ يابانيه ويقولون انها ممتازه لكن ماستخدمتها وانا صراحه ابي شي مريح ولين ومايصير مزعج مثل ميشلان مره قاسي وماينفع ابدا

فى ابي اعرف هل صحيح اليوكوهاما مايركب على جنط الفل ؟


بنتظاركم ,,

حياك الله اخوي انا سيارتي زيك 2011 وكنت ادور على جنوط والحمدلله شريت اصلي مستخدم يوم او يومين ماشاء الله تبارك الله رحت الوكاله طلع سعر الجنط الواحد 1054 ريال للجنط الواحد من عير الاغطيه الي بنص بس حق الجنوط الاسبشل تركب عليها وفي واحد كمان في موقع حراج مسوي عرض على 5 جنوط نفس الي تبي بسعر 5000 ريال لعدد خمس جنوط مع كفراتها مرصصه جاهزه يعني ركب وامشي واصليه شد بلد وانا شفتها نضيفه ممكن انك تدخل موقع حراج وتشوفها واذا ما ناسبك العرض سوي موضوع خاص فيك بطلب الجنوط وصور لها وان شاء الله تلاقي واحد يكون عنده طلبك ويبيعلك نفس طريقتي او شوف الوكاله اشتري 4 جنوط ممكن تطلع عليك ب4200 تقريبا ولك حرية الاختيار واسف على الاطاله وتحياتي لك اخوي .,,,

<sup>يعطيك العافيه اخوي علي التوضيح

مازلت انتظر باقي الاعضاء ،،</sup>

اخوي شوف محلات قطع الغيار مثل محل عندكم في الرياض مدري وش اسمه النعيمي او شيء من القبيل
او شوف العضو محمد الروسان في المنتدى يبع قطع غيار اصلية

يعطيك العافيه راح اشوف العضو هذا ان شاءالله وماقصرت على المعلومه


بنتظار باقي الاعضاء اللي عنده خبره في الموضوع هذا ,,

بخصوص العضو محمد الروسان للاسف كان اخر تواجد له
05-12-2012 07:39

يعني تقريبآ له فتره مادخل المنتدى فى لو سمحتم اللي يعرف رقم جواله يرسله لي رساله على الخاص لان لو برسله رساله على الخاص ماراح يشوفها بحكم تواجده بعيد :(

اذا كنت في الرياض روح لتشاليح الحائر انا قبل فتره كنت ادور جنوط اصليه حق السبيشل مقاس 16 وحصلة عند واحد خاص بسيارات هوندا اربع جنوط نضاف حتى حصلة بالصدفه واحد عنده نفس الجنوط الي تبي لكن المشكله واحد منها مطعوج والباقي نظيفه انت رح لهم ودور يمكن تحصل الي تبي بالتوفيق
ملاحظه انا قد سؤلة العضو الرويسان وقال انا ما عندي جنوط للعلم

يعطيك الف الف عافيه اخوي علي المعلومه وان شاء الله راح اروح التشليح وادور

بنتظار اذا باقي الاعضاء لو يفيدونا او عندهم خلفيه

هلابك اخوي انا كنت قبلك ادور جنوط 2011 الفيراني اصلية وحصلتهم عند الغرابي لمحلات الجنوط اللي خلف الغرابي ع مااعتقد جنوب شريتهم انظاف 3000 ريال من دون الكفرات
اتمنى اني افدتك :d

يعطيك العافيه علي المعلومه ان في محلات بالغرابي تبيع مستخدم للجنوط الاصليه وانا بسوي بحث في الغرابي علي المستخدم اصلي لكن وش الفرق بينه وبين الجنط وارد دبي او اللي تحت الاصلي خاصه في موديل 2011 و 2012 هل الفرق نفس الموديلات السابقه طبعا جنوط مقاس 17 حق الفل كامل؟