الموضوع: ضمان بوية الوكالة ولعبة تامين التعاونية الشامل

انا مثلك قدر الله وصار علي حادث وصلحت عند الوكالة .
مسئوول السمكرة يقول ما نعطيك ضمان على الصدام والباقي نعطيك علية ضمان سنة

صار لي حادث في البابين اليمين
واحد رجع ريوس على السيارة وهي واقفة
وقبلها كان فيه دقة بسيطة في الصدام الخلفي
غيرت البابين في الوكالة وبالنسبة للصدام الخلفي صلحته عند محلات الفايبر قلاس بمائة ريال ثم رشيته في الوكالة

أكدت على الوكالة إنه ماراح أستلم السيارة لو فيه إختلاف في اللون
قالي بالنسبة للصدام راح يختلف لونه قليلا لأنه اللون على الحديد يختلف حاجة بسيطة عن اللون في الربل
قلت له : أبيه مثل لونه السابق

المهم يوم رحت استلم السيارة كنت خايف من عدم تطابق اللون لكن الحمد لله اللون مظبوط
وعطوني ضمان سنة من تاريخ اصدار الفاتورة

يعطيكم العافية اللي ردوا على موضوعي
تحديث للموضوع
تم الاتصال من الوكالة باستلام السيارة الصباح اليوم
وعند فحصي للسيارة تبين التالي
عدم تثبيت قاعدة اللوحة بالصدام الامامي بشكل صحيح
نوعية الصدام غير جيدة يعني خفيف جدا ليس مطابق تماما لصدام الوكالة الاصلي من حيث الثقل
الكشاف الأيمين غير جديد وعند سؤال المهندس عن الكشاف قال ركبنا لك الكشاف القديم حقك هههه
قلت له متأكد قال نعم وكان معه مساعد له وكرر لي نفس كلام المهندس
قلت لهم ما عندكم سالفة
أصلا أنا ما جبت الصدام والكشافات لأنها تكسرت بالحادث
سيفتوا لعبة الوكالة قال المهندس يمكن بالغلط وقام يرقع لنفسه
وقلت حتى الكشافات ما تثبت بالشكل المطلوب
ولما رفعت السيارة بالرافعة تبين العجب
الربلة البلاستيكية اللي تمسك الصدام من تحت بالكلبسات مركبين تقليد وخفيفة
وسألت المهندس عن القطع ليست أصلية
يقول هذا شي مرفوغ منه أنت في الوكالة
القطع اللي عندنا أصلية مو أصلية ما لك كلام عندنا
قلت أنت تعطيني شي من جيبك سكت وقام يصرف
الزبدة ما وقعت على آستلام السيارة وتركتها عندهم
ورحت للتأمين وقدمت شكوى بالمشاكل والمعاين بيطلع السبت يشوف السيارة
وللأسف التأمين ما لهم سلطة على الوكالة
وقدمت شكوى بالهاتف على وزارة التجارة والصناعة وقالوا لازم تزوع الفرع السبت
بانتظار تعليقاتكم

بانتظار من لديه خبرة ونصائح بالموضوع6

والله ماعندي لك إي أفاده


لكن موضوعك يغبن بصراحه

الله يعوضك خير ،

وعلمنا وش يصير معك وش سويت عشأن الكل يستفيد

الله يبعد عنا وعنكم شر الحوادث يارب

اثبت ان القطع الي ركبوها تجاريه موب اصليه وقدمها مع الشكوى في وزارة التجارة
والله مشكلة الوكاله تركب قطع تجارية

مثل ما قال اخوي الا فوق ^^

وتابعهم اول بي اول خليك على روسهم وادا ماجبو نتيجة معاك وزارة التجارة عليك بالشركة الام وهيه تاخد حقك بالملي

اهم شي انت لا تسكت عن حقكك وحتى لو صلحو لك السيارة وعدلو كل شي تابع بالشكوة لي وزارة التجارية وبعطوك تعويض ..

تم تقديم اليوم شكوى رسمية لدى وزارة التجارة والصناعة
وتم ذكر جميع التفاصيل الخاصة بالشكوى

وقمت بزيارة فرع هوندا بالدمام ومقابلة مدير الفرع وتسليمه للشكوى
وقام يشرح لي عن القطع إنها أصلية من الشركة :o

وذكر بأنه سوف يدخل على النظام بالشركة الأم ويطبع اسم القطعة
ويعطيني رقم القطعة كما هو موجود بالنظام

قلت له القطعة أكيف بيكون هناك تطابق بالارقام
لكن المشكلة في جودة القطعة اللي موجودة عندكم بالفرع ليست أصلية

وذكر بأنه سوف بيجيب القطع من قسم القطع بدون ما يفكها من الكرتون وراح أحكم على الجودة

قلت له حتى لو جبتها من الكرتون لست مقتنعا بالقطع اللي عندكم

لأن القطع اللي بالشركة الأم تخلف عنكم

بانتظار رد وزارة التجارة والصناعة


حاليا جاري كتابة شكوى تفصيلية للشركة الأم بأمريكا

وراح يكون فيه تحديث للموضوع أول بأول إن شاء الله تعالى

الله يوفقك يارب واحنا معاك اول بي اول وننتظر جديدك

ولو احتجت شي كلمني ..

السلام عليكم
بشر اخوي وش صار عليك عسى توصلت لشي معاهم مشكلتك ترفع الضغط

متابع