السلام عليكم
طبعا سيارتي اكورد 2012 فل كامل وابي استفسر يا اخوان عن 3 نقاط:
1- انا تركت صيانة الوكالة وصرت اتعامل مع اليمنية واغير من عندهم زيت هوندا الاصلي لكن زيت القير جبته من الوكاله لما مشت 37 والحين ماشيه تقريبا 52 السؤال متى يتغير زيت القير؟ وياليت معلومات عن تغيير زيوت المحركات كل كم؟
2- بخصوص تظليل ال3m كم اسعارهم وهل يوجد عروض او كوبون خصم؟
3- عندي منفذ usb بالدرج ولا قدرت استفيد منه مايدخل فيه شيء ولا لقيت وصله تنفع له ابي اشبكه مع الجوال واشغل يوتيوب وكذا وين احصل الوصلة؟
ومشكورين وبالنسبة للمشتركين بقروب هوندا ارجو اضافتي معكم 0555857505
يا هلا بك اخوي
بنسبة لتغييرات الصيانه
المفروض تغير زيت القير على ممشى 60 الف كيلو
و تفضل هذا جدول الصيانة يوضح لك ارقام الكيلوات الي تغير فيها
و هذا الجدول مختلف تماماً عن جدول صيانة هوندا
هذا الجدول مفصل وتم تعاون الاعضاء جميعهم على كتابة هذا الجدول
اتمنى منك قرائته و تمعن فيه حتى تستفيد
http://www.hondaarabia.com/club/t58982/
يعطيك العافية اخوي ولكن هذا جدول الوكالة يعني يبون ينهبون ويغيرون الشيء وهو جديد
انا اتعامل مع حقين المحطات
بانتظار باقي الاعضاء لتزويدي باستفساراتي
وعليكم السلام تفضل هذا الرابط معلومات عن الصيانه الدوريه ..
http://www.hondaarabia.com/club/t53653/
زيت القير بعد 60000 ثم يمشيك إلى 100000 وبعدين كل 40000 تغيرالمشاركة الأصلية كتبت بواسطة خذني جيتك
إذا قصدك على منفذaux هو سلك تشتريه من محل الجوالات .
اخوي جدول الصيانة حق الوكالة
تطبقه على بنجري ابويمن
يعني انت تمشي على الجدول في المحطات
بأختصار شديد على 60 الف تغير زيت القير
شكرا لك موضوع شافي ووافي ماقصرت
يعطيك العافية اللي بالدرج يو اس بي ماهو اوكسزيت القير بعد 60000 ثم يمشيك إلى 100000 وبعدين كل 40000 تغير
إذا قصدك على منفذaux هو سلك تشتريه من محل الجوالات .
طيب شباب بالنسبة لليو اس بي وتظليل الثري ام ماعندكم معلومات عنها
ردي بخصوص 3m التظليل مع حماية الواجهية
السلام عليكم ورحمة الله وبركاتهأخي الكريم صاحب التساؤل وإخواني الكرام جميعاً
هذه تجربتي مع 3m الفرع الرئيسي بطريق خريص بعد ما تتعدى هوندا بحوالي 500 متر.
أولا: الخامات
ثانياً: الفنيات (شغل اليد)
ثالثاً: الوقت
رابعاً: المعاملة
خامساً: السعر
سادسا: خدمة ما بعد البيع
وقبل حكايتي لتجربتي معهم أحب التنويه إلى أنه هناك أكثر من محل بالرياض مسمى بإسم 3m، ولكن ليس بالرياض فروع لشركة أسبار الخليج إلا فرعين أو ثلاثة فقط.
لأنه أحد زملائي بالعمل ذهب إلى فرع على طريق الملك فهد في مقابل السعودي الألماني وكان مسوي عرض وكانت تجربته معهم فظيعة خصوصاً بموضوع الخامات.
ندخل في تجربتي بالتفصيل.
أولا: خاماتهم أصليه وجيدة جدا ولكنها ليست ممتازة، بمعنى أنه هناك محلات أخرى مثل جيو شلد الخامات عندهم أفضل خصوصاً أفلام الحماية.
ثانياً: بالنسبة للفنيين عندهم أعزكم الله شغلهم سيى وبعضهم شغلهم سيء جدا من الأخير معظمهم متدربين وليسوا مهرة بالصنعة، طبعاً بعد ما إستلمت وعاينت السيارة وجدت بلاوي وفضائح أعزكم الله وعافاكم.
ثالثاً: ملتزمين بنسبة كبيرة بالوقت ولكن لا يصلوا الى مستوى التميز.
رابعاً: معاملتهم جدا ممتازة ومدير الصالة شخص خلوق ومحترم جدا جدا.
خامساً: ذهبت إليهم بالسياره أعطوني خصم خاص وهو 40% لأني رايحلهم بواسطة، ومن وجهة نظري أن السعر معقول بالنسبة للشركات المحترمة الأخرى مثل لومار وجيو شلد ،و توب شيلد (الدمام) وكانت حماية الواجهية بـ 1400 ريال والتظليل الحراري سعره (1200 ريال).
سادساً: خدمة ما بعد البيع عندهم ممتازة جدا فعلا غيرولي الزجاج الخلفي بعد شهرين لأنه كان به فقاقيع هواء وما حد حكى مع شيء.
هذه كل تجربتي وأنا حاضر لأي إستفسار بخصوص موضوع العزل والحماية ويوج بالمنتدى موضوع مثبت عن العزل والحماية وكذلك يوجد تقرير من أحد الزملاء عن تجربته مع توب شيلد الدمام يجب مراجعة التقريرين للإستفادة، وربي يوفقكم ويعافيكم جميعا.
ضوابط المشاركة
رد مع اقتباس
مواقع النشر (المفضلة)