الموضوع: شريت أكورد 2013 , عزل , تنسيم ؟

ألف مبروك
الله يعطيك خيرها ويكفيك شرها

ضغط الكفرات يكون عالي عشان التخزين ( كل وكالات وشركات السيارات ) ؛ لكن قلة من الناس ينتبهون لضغط هواء الكفرات في السيارات الجديده
المفروض الواحد أول ما يستلم سيارته ينزل الهواء لـ 30 .. ويفضل يكون العيار أصلي

وأنا برأيي أنك تنزل الضغط لـ 30 أفضل

وأحب أضيف أن نوع ونقشة الكفرات لها دور ؛ فيه كفرات هادئه من تويو toyo اسمها Versado LX II < ما جربتها لكن حسب كلام شركة تويو أن الكفرات هذي هاااااادئه ومريحه

http://toyotires.com/tire/pattern/ve...l-season-tires




وشف الموضوع هذا :


حــل مشــكلـة عـزل الارضــي اكــورد ...

تركيب عازل + تكييس الأرضيه = تضرب عصفورين في حجر ( عازل الصوت يقلل الإزعاج الأرضي ويحسن عزل الحراره + تكييس لحماية الفرشه الأرضيه من الأوساخ )

أما بالنسبه لتنسيم الهواء من زاوية الباب ؛ أنسخ ملف الـ PDF على فلاش USB .. وخذها معك لمكتبه يكون عندهم طابعه
واطبعها كلها ( 6 صفحات ) وخذها معك للوكاله وأنشب لهم

وهذا ايميل هوندا لسياراتها المصنوعه في اليابان customersvc4@spirit.honda.co.jp

جبته لك من هذا الموضوع

ولا أعرف أيميل هوندا حق السيارات المصنوعه بأمريكا

لكن شف صفحتهم في تويتر - خدمة العملاء في أمريكا
https://twitter.com/HondaCustSvc



مشكلتكم بسيطة جدا يا راعيين الـ 2013 .. لكنكم مكبرين السالفه شوي

المسأله كلها تركيب عازل أرضي وتكييس أرضيه + إصلاح العيب المصنعي في الوكاله ( تنسيم زاوية الباب ) + بعدين في المستقبل بعد كم سنه اذا جيت تغير الكفرات .. ركب كفرات هادئه ومريحه + خل ضغط هواء الكفرات على 30

مافيه سياره ما يكون فيها عيوب مصنعيه ؛ ومافيه سياره كامله .. الكمال لله

أنشب للوكاله و ورّهم العين الحمراء والمسأله بسيطه

و أي وكالة سيارات اذا شافوك طيب وعلى نياتك ؛ بيصرفونك وبيقولون طبيعي

شف واحد مشتري سوناتا 2012 وخبطت مكينة سيارته وهي ماشيه فقط 26 ألف كيلو - عيب مصنعي
http://www.koreanbeast.com/koreanbeast54369