الموضوع: حل مشكلة تنقيص زيت المكينة + طرمبة الدركسون والدودة .. :)

بسم الله الرحمن الرحيم
السلام عليكم ورحمة الله وبركاته

الموضوع باين من عنوانه بنتكلم في هالموضوعين ان شاء الله :d
نبدا في زيت المكينة هذي انا واجهتني ورحت اكثر من مكان وطلع
عندي تهريب بالسره وصلحتها في افضل ورشة وباقي تنقص السيارة
حاولت اني اجرب نوعيات من الزيوت .. جربت يمكن 3 انواع ما نفع
سالت واحد من الشباب شرا سيارة من برا وعنده نفس المشكلة
قال الحل بسيط جرب هالزيت و ان شاء الله تنحل المشكلة ..
قلت اوك نجرب مافي مشكلة .. جربت والحمد لله راحت
طبعاً كانت السيارة تنقص كل 1500 كم نص علبة
الحين ما شاء الله مشيت عليها في شهرين 4700 كم ولا نقص قطره :d
على العموم بدون كلام زايد هذا اسم الزيت ( سوبر موبيل ) علبته حديدية ذهبية
و سعره 14 ريال للعلبة وهذي صورتين للتوضيح ..

http://im36.gulfup.com/6R4WX.jpg
http://im36.gulfup.com/CfTUi.jpg

نروح للمشكلة الثانية اللي هي الطرمبة والدودة :
انا اشوف ان الحل جدا بسيط وانا قريت موضوع في هالمنتدى اتوقع انه صحيح
100% ولاني متأكد من الموضوع بس حبيت احاول اني اساعدكم واساعد نفسي فيها
الحل : اولا ما تستخدم غير زيت الوكالة حق الدركسون وثانيا انك اذا جيت تكسر في لفة او مكان معين . حاول انك ما تكسر لاخر شيء واذا وقفت السيارة احذر انك تقعد تلفلف بالدركسون يمين ويسار واذا كانت طافية السيارة لا تلفه ابداً وحاول انك تخلي الدركسون ماخذ راحته يعني انك اذا كنت واقف عند اشارة لا تقعد ماسك الدركسون فكه وخله ياخذ راحته .. هذا اللي كان عندي ان شاء الله تفيدكم المعلومات :d
و ان شاء الله انا بصلح الطرمبة والدودة قريب وبطبق الكلام اللي فوق :o
ادري اني كثرت كلام لكن وش اسوي ما اعرف اعبر :d
والسلام عليكم ورحمة الله وبركاته