اكورد 2013 حسبي الله ونعم الوكيل

**عسل اسود** · 03-07-2013, 12:24 AM

السلام عليكم

ي جماعة الخير انا وقفت سيارتي عند احد الشقق في الخبر ومالي من الشر طاري نمت وصحيت ورحت لسيارتي حصلت الرفرف اليسار معدووم!!! ما ادري من *** وقعد يطعج الرفرف ويضربة ويمخشه ما اقول الا حسبي الله ونعم الوكيل يا رب انك تعوضني خير وياجعله مايتهنى بعيشته مثل ماضيق صدري

ي جماعة بكم سعر الرفرف للاكورد 2013 ؟

**هوندانا** · 03-07-2013, 03:30 AM

( اخوي صاحب السيارة الله يعوض عليك ودفعة بلاء إن شاء الله + لاتنسى اذكار الركوب واستودع الله سيارتك كل ما تنزل ) المخشة تكون من سببين :

1/ انك موقف في موقف تابع لأحد المحلات وقام مخش عليك السيارة وما احط شيء بذمتي .. ( الأقرب )

2/ واحد مخشها لك لما لبق غلط وحك السيارة وبعدها هج وخاف ..

العالم هنا همج سوا سعودي ولا اجنبي

عاد مالك الا تروح تشوف الاسعار واذا المخوش مو كثيرة تتصلح عند الوكالة رش جديد

ولا تزعل نفسك ناس انصدمت سيارتهم عند باب الوكالة ... قل الحمد لله على كل حال وربي يعوضك ...

**ابو عبدالله1417** · 03-07-2013, 09:22 AM

ووف ووش هالحقد الله لا يوفقه ويعوضك خير الناس بعضهم مرضى نفسيا وحاقد

**Strict Desires** · 03-07-2013, 09:52 AM

انا استغرب من اللي يقول بع بع على طول هاذي عين !!!

تعوذ بالله من ابليس واسفط سالفة البيع على جنب

مثل ماقال الاخ اللطيف ممكن تكون موقف بمكان احد او مكان محلات .. وتخبر عاد احنا بالسعودية يعني معظم الناس الا من رحم ربي لما توقف قدام مكانه يحسسك انك سويت شي كبير ولايحتمل الصبر ويقوم يخرب سيارتك ..

وبرضو ممكن واحد مطلع الرخصة بالواسطه وجاء يسفط سيارته .. واقتنع بعدها انه مايستاهل الرخصة لما مخش سيارتك .. واكيد خاف وهج

لذلك غير الرفرف ولما تستلم السياره .. دايم دايم دايم لما تطفي السياره وتنزل منها .. قول اللهم اني استودعك سيارتي فاحفظها لي

تحياتي

**عسل اسود** · 03-07-2013, 01:55 PM

ي جماعة كلمت الوكالة قالو سعر الرفرف ب840 تقريبا بدون التركيب مع الخصم بس السؤال هل يجي مرشوش والا لازم انا ارشه ؟

**خارج عن السيطرة** · 03-07-2013, 05:06 PM

المشاركة الأصلية كتبت بواسطة عسل اسود

ي جماعة كلمت الوكالة قالو سعر الرفرف ب840 تقريبا بدون التركيب مع الخصم بس السؤال هل يجي مرشوش والا لازم انا ارشه ؟

لا ما يجي مرشوش . طيب حاول تعدله ولا خله زي ما هو . والله أنا مثلك مره وقفت عند فندق جيت لقيت الصدام طايح بالارض لكن الحمد لله على اقرب صناعية ةعدلته .صح في البداية تجي حرقة في قلبك لكن الله يعينك .

**nasser1430** · 03-07-2013, 08:39 PM

ولا تزعل عمرك ولا شيء ... أنا قبلك صارت لي في أكــورد 2012 بس في الرفرف الخلفي على الحرف
يعني أخس مكان لا سمكره تنفع ولا تقدر تبدل رفرف بحكم إنه ما ينفك .

فأنا اقترح عليك إقتراح ويمكن ينفعك ... رح للتشاليح وأشتري رفرف سيارة يكون نظيف
بكذا تكون ما تحتاج تصبغه بويه ويكون مطابق بنسبة كبيرة إذا ما كان نفسه .
(( مـجــرد رأي ))