الموضوع: تبديل الاكورد نص فل بفل اوبشن

المشاركة الأصلية كتبت بواسطة HanOoy Alasmakh

السلام عليكم ورحمة الله وبركاته:o
انا اعندي اكورد نص فل 2013 ابي ابدلها بفل اوبشن 4 سلندر
ابي اعرف كم سعر الفرق بينهم ،،. السيارة مامشت الا 200 كيلو وشوي
وللحين غبار الوكالة عليها من مستودع الوكالة الى كراج البيت "
وهل تنصحوني ابدل ولا اعدل واقلب السيارة من نص فل الى فل اوبشن
بنتظاركم .!

عليكم السلام ورحمة الله وبركاته

الله يعطيك خيرها ويكفيك شرها ..



الاكورد سبيشل سعرها يتراوح بين 97-99 نقول 98 مع اللوح ..الخ

الاكورد الفل 4 سلندر سعرها يتراوح 116 - 118 مره تزيد ومره تنزل نقول 117

طبعا فيه فئة الفل المخمل اعتقد سعرها 107 مخمل فاخر بدون ملاحة

الاكورد فل - سبيشل

الاكورد الفل 117 - الاكورد سبيشل 98 = 19 الف ريال

انت شوف هل تستاهل الفروقات هذي 19 الف

جلد

شاشة ملاحة

كاميرا خلفية

تسخين مقاعد

مكيف لمس

مكيفين ( يسار + يمين )

مقياس درجة الحرارة ( مدري اذا الاكورد السبيشل فيها مقياس للحرارة لأن 2012 سبيشل مافيها فقط فئات الفل كان فيها سوا جلد او مخمل )

كشافات

حساسات خلفية ( مدري هي تجي بالحساسات او لا بس اذا كان في الفل سبيشل اكيد مافيها )

تخشيب

تلبيس الطارة جلد

سماعات الفل اكثر على ما اظن

مقابض الباب كروم

طي المرايا الجانبية بالزر

المرايا الوسطية فيها تعتيم ( عن التكبيس )


هذا الي يحضرني انت فكر فيها هل تستاهل 19 الف زيادة + لو بعت بيطيح شوي من قيمة السيارة كم الف ..



عموما الله يبارك لك فيها


اذا فكرت بالفل فكر بالمازدا 6 الفل فيها مواصفات سيارة فخمة


مواصفات المازدا

مواصفات الاستاندرد 1. جنوط 17 2. ABS , EBD 3. اتراكشن كنترول 4. 6 ايرباق 5. تحكم المسجل من المقود 6. طي المقاعد الخلفيه لزياده التحميل 7. قير 6 نمر تبترونيك 8. طي المرايا كهربائيا 9. USB , AUX 10. تشغيل السياره من غير مفتاح بالزر 11 . سماعات من ماركة بوز عدد 8 سماعات


الستاندر سعرها عليه عرض ب 66.666 الف مدري يمكن خلص لكن المكينة 2.0 لتر


مواصفات الفل كامل
المكينة اعتقد 2.5 اقتصادية في الوقود مكينتها

الفل سعرها قريب من سعر اكورد سبيشل



الفل جميع ما ذكر اعلاه زائد
1. رادار مثبت السرعه
2. تنبيه النقطه العمياء
3. تحذير الخروج عن المسار
4. رادار الحمايه من الاصطدام يشتغل لما تكون السرعه اقل من 30 كيلو يعني في حاله انه كنت مو منتبه على الطريق والسياره الي امامك وقفت فجاه السياره تعطيك تنبيه اذا لم تستجب للتنبيه تقوم بالتوقف قبل ما تصطدم بالسياره

. نظام تحديد المسافه بينك وبين السياره الي امامك حيث انه يظهر على الشاشه الي في العدادات بعد السياره الي امامك مع اعطاء تنبيه يبين قربك من السياره اي امام واذا توقفت
4. جنط 19



المازدا الافضلل لها استخدام بنزين 95 لأن
الـ Compression ratio فيها عالي جدا


انا من وجهة نظري داخلية الاكورد الفل اجمل من المازدا 6

يمكن لاني متعود على الاكورد

عموما الافضل في السوق بين سيدان 4 سلندر الشبابية الشعبية مازدا 6 والاكورد

الكامري :d



الأوريون نازله اسعارها هاليومين



والله يبارك لك فيها ويطرح فيها البركة


اتمنى اكون افدتك

الله ي عطيكك العافيهه

بس المازادا ماتعجبني كثير
بس شكلها يعني حلو متطور على اني ماشفت الموديل اللي قبل

بس الاكورد انا عجبتني ف ابي اسأل الوكالةة وانشاء الله احصل رد حلو
او بركب لي الاشياء نفس اللي بالفل والله يعين ع الخير والسهوله

جزااك الجنةة ع الرد

تعوذ من ابليس من زين فل كامل ي شيخ جلد يسبب عرق بالجسم والفتحه لاجلس اقل من سنه يضرب الشمس انواع التنسم واحمد ربك غيرك ماعنده موتر معه سيكل