تم تغيير علبة فيوز النور العالي مجاناً أكورد 2007

**إحساس حساس** · 02-10-2013, 07:43 PM

السلام عليكم ورحمة الله وبركاته
بالبداية أشكر جميع القائمين على هالمنتدى الجميل
أحب أبلغكم بأنه صارت لي مشكلة بتعليق النور العالي . راجعت الوكاله وأفادوني بأن علبة الفيوز راح تتغير مجاناً ولله الحمد أخذت موعد وغيرتها مجاناً والآن كل شي تمام .

أنصح اللي عنده هالمشكله يراجع أقرب وكاله.

موفقين يالغالين

سيارتي أكورد 2007
الفرع اللي رحت له هو فرع الدمام

**أكــــــــــورد11** · 03-10-2013, 12:28 AM

عليكم السلام ورحمة الله وبركاته
الله يعطيك العافيه ويكثر من امثالك ومشكور على الافاده
الف مبروك ملاك الجيل السابع (2003-2007)...

**THE SILVER ACCORD** · 03-10-2013, 05:33 AM

وعليكم السلام ورحمة الله وبركاته

الله يعطيك العافيه

كم ماشيه سيارتك ؟

غريبه غيروها لك مجانا اللي أعرفه أنها بـ قروش وسعرها غالي .. أنا يعلق عندي العالي ولا يطفى إلا اذا فصلت فيوز العالي .. يمكن لأني استخدم شمعات 100W واط بالعالي

المهم حليت مشكلة التعليق .. ركبت كتاوت وظفيره صفراء تايوانيه بـ 50 ريال مع التركيب ثم فكيت فيوز النور العالي والواطي جهة الراكب لأني ما أحتاجها وضروري تفكها عشان تحل مشكلة التعليق

الكتاوت وأفياش الظفيره الصفراء تشبكها بـ أفياش النور الواطي والعالي جهة السائق

سبب إستخدام أفياش النور جهة السائق .. عشان تتحكم فيها بعصا النور الشد بلد تشغل النور أو تطفي.. تاخذ كهرباء قليله جدا جدا جدا جدا ؛ يعني أسلاك الشد بلد وكتاوت الشد بلد وعصا النور كلها مرتاحه على الآخر ولا عليها ضغط أبداً

سحب الكهرباء القوي يكون من البطاريه والضغط يكون على الكتاوت التايوانيه والظفيره الصفراء التايوانيه

شف موضوعي وتقريري عن تركيب الكتاوت و الظفيره الصفراء التايوانيه .. ركّب مثلها وأنسى شيء أسمه تعليق !
تجربتي نجحت بحمد الله ( حل مشكلة تعليق النور العالي بـ 50 ريال )

أذكر كانوا يغيرون علبة الفيوز للي سياراتهم ما مشت كثير وتحت الضمان

**إحساس حساس** · 03-10-2013, 02:34 PM

الله يعافيكم اجمعين
سيارتي ماشيه 100 ألف ماشاء الله تبارك الله
انا مركب شمعات 100 واط عالي

سلفر اكورد ممكن تتواصل معاي ع الجوال 0557722278
واتس اب او اتصال