النتائج 1 إلى 17 من 17

الموضوع: اصلاح طرمبة دركسون الهوندا .. معلومات وصور مفيده وكيف تحافظ على طرمبة ودودة الدركسون

  1. #1
    The Power Of Dreams
    تاريخ التسجيل
    05-2009
    المشاركات
    1,247

    افتراضي اصلاح طرمبة دركسون الهوندا .. معلومات وصور مهمه وكيف تحافظ على طرمبة ودودة الدركسون





    السلام عليكم ورحمة الله وبركاته

    بدخل بالموضوع على طول وبدون مقدمات

    الأشياء اللي تسبب خراب طرمبة أو دوده الدركسون :

    1) زيت القير الأوتوماتيك الأحمر
    2) زيادة الزيت فوق الـ MAX أو نقصه تحت الـ LOW
    3) كثرة كسر الطاره للأخير بقوه ألين تطق
    4) إطفاء و تشغيل السياره .. والطاره مكسوره على الأخير
    5) سوء الإستخدام بشكل عام
    6) عيب مصنعي

    كيف تحافظ على طرمبة و دودة الدركسون :

    - لا تستخدم إلا زيت دركسون هوندا الأصلي من الوكاله سعر العلبه بـ 50 ريال تقريباً .. الزيت خاص بالهوندا والوكاله يجيبونه من تايلاند
    - كمية الزيت الصحيحه .. عدم الزياده وعدم النقص .. الزياده تفجر الصوف وتصير تهرب زيت والنقص يسبب تآكل
    - حاول أنك ما تكسر الطاره للأخير ألين تطق
    - لا تطفي السياره والطاره مكسوره
    - فيه فلتر شخال داخل علبة أو قربة الزيت تقدر تنظفه لكن أنتبه لا تشقه .. لأنك اذا شقيته بتروح كل الأوساخ وكل برادة الحديد الناتجه عن الإحتكاك والتآكل ... وراح تضر وتؤثر على الطرمبة ودودة الدركسون .. راح أقولكم بالأسفل طريقة تنظيف الفلتر أو الشخال

    كمية الزيت الصحيحه :



    على علبة الزيت مكتوب بالإنجليزي على أعلى العلبه :

    use only HONDA genuine power steering fluid استخدم فقط زيت دركسون هوندا الأصلي

    Fill fluid up to upper level when fluid is below lower اذا كانت كمية الزيت أقل من lower level عب زيت إلى upper level

    Level with cold engine يعني كمية و عيار الزيت والسياره بارده (( لأن كماهو معروف أن زيت الدركسون يتمدد بالحراره ويزيد شوي ))

    نبدأ بالمكتوب على جنب العلبه

    UPPER LEVEL وتعني الحد الأعلى للزيت ولازم ما تتعداه والسياره بارده يعني مثل الـ MAX
    LOWER LEVEL وتعني الحد الأدنى للزيت LOW

    طبعا هوندا و أغلب شركات السيارات فلسفه ويلحسون مخك بكمية زيت الدركسون !!

    * أنا بسهلها عليكم وعلى نفسي :

    أول شيء .. لازم تكون السياره على أرض مستويه ومستقيمه ؛ عشان ما يكون الزيت بالعلبه مائل لجهة معينه ولا تقدر تشيك على كمية الزيت بطريقه صحيحه ودقيقه

    ثاني شيء .. الهوندا مصممه على أنك تشيك على زيت الدركسون وهي (( بارده COLD ENGINE )) ومكتوب على علبة أو قربة الزيت

    وكمية الزيت الصحيحه والسياره بارده وعلى أرض مستويه :

    أعتقد .. بالوسط بين الخطين أو قبل UPPER LEVEL بشوي (( للاحتياط ))



    ملاحظه :
    * بعض السيارات الثانيه مثل السيارات الأمريكيه والخ... علبة زيت الدركسون يكون فيها 4 خطوط عيار للزيت وهي بارده COLD LOW و COLD MAX و HOT LOW و HOT MAX .. لأن الزيت يتمدد مع الحراره كما ذكرت سابقا



    الحين نجي لطريقة تنظيف فلتر أو شخال علبة زيت الدركسون :

    لكن انتبه لا تكسر كلبساتها مكان تثبيتها
    وشيك على الشخال الفلتر شف هل هو سليم أو مشقوق .. اذا الفلتر مشقوق الله يعينك تحتاج تغير العلبه



    تقلب العلبه وتصب الزيت بإتجاه السهم الأزرق وتقدر تستخدم محقان .. وتخلي الزيت والوصخ يطلع مع مكان الغطاء الأحمر




    شوفو فلتر سيارتي مليان وصخ وبرادة حديد

    ترى الفلتر ( الشخال ) مثل لون العلبه ما يبين بقوه وفتحاته صغيره جدا جدا عشان يمسك الأوساخ وبرادة الحديد ولا يخليها تروح لطرمبة ودودة الدركسون

    و الصوره هذي قديمه قبل 3 أو 4 سنوات ( قبل أغير الدوده والطرمبه .. لأن الزيت الأحمر والتهريب أعدم الطرمبه القديمه والدوده القديمه وصارت ثقيله جدا وفيها فضاوه و أظطريت أغيرهن بـ 2500 ريال من التشليح مع شغل اليد .. الورشه للأسف عبو لي زيت أحمر وبعد شهر أو شهرين شفطته أكثر من مره و عبيت زيت دركسون هوندا أصلي )

    و حاليا لي تقريبا سنتين ونص وأنا ما أستخدم إلا زيت دركسون هوندا الأصلي .. والحمد لله تمام
    بس عندي مشكله تندية طرمبة الدركسون يبيلها طقم إصلاح








    سعر العلبه الجديده الأصليه بمحلات قطع الغيار تقريبا 210 أو 220 ريال والتجاري بـ 100 ريال

    وبالخارج سعر العلبه الأصليه 15.35$ يعني تقريبا 60 ريال غير شامل تكلفة الشحن

    http://www.1hondaparts.com/oem-part/.../53701-sda-a01

    http://www.amazon.com/Amico-Power-Steering-Reservoirs-53701-SDA-A01/dp/B00B0Q6CR8/ref=sr_1_1?ie=UTF8&qid=1384322256&sr=8-1&keywords=53701-SDA-A01



    --------------------------------------------------

    نجي الحين لقطع إصلاح طرمبات الأكورد 2003-2005 و 2006-2007 و 2008-2012

    وترى طرمبة الأكورد 2003-2005 تختلف عن طرمبة 2006-2007
    وطرمبة 2008-2012 تختلف عن باقي الموديلات

    وطرمبات السته سلندر V6 تختلف عن الأربعه سلندر

    يعني اذا جيت تغير الطرمبه أو تشتري طقم إصلاح .. لازم تاخذ لنفس موديل سيارتك وتقوله سيارتك اربعه سلندر أو سته سلندر V6


    نبدأ من بـ 2003-2005 و 2006-2007 الأربعه سلندر




    طقم إصلاح ( ربلات + رمان بيرنق ) طرمبة الأكورد الأربعه سلندر 2003-2005




    طقم إصلاح ( ربلات + رمان بيرنق ) طرمبة الأكورد الأربعه سلندر 2006-2007




    ربلات ليات طرمبة الأكورد الأربعه سلندر 2003-2007





    طقم إصلاح ( ربلات + رمان بيرنق ) طرمبة الأكورد السته سلندر V6 2003-2005




    طقم إصلاح ( ربلات + رمان بيرنق ) طرمبة الأكورد السته سلندر V6 2006-2007



    ربلات ليات طرمبة الأكورد السته سلندر V6 2003-2007





    طقم إصلاح ( ربلات ) طرمبة الأكورد الأربعه سلندر 2008-2012




    ربلات ليات طرمبة الأكورد الأربعه سلندر 2008-2012




    طقم إصلاح ( ربلات + رمان بيرنق ) طرمبة الأكورد السته سلندر V6 2012-2008




    ربلات ليات طرمبة الأكورد السته سلندر V6 2012-2008






    http://www.1hondaparts.com/


    http://www.hondapartsnow.com/




    التعديل الأخير تم بواسطة THE SILVER ACCORD ; 13-11-2013 الساعة 08:54 AM

  2. #2
    عضو فعال
    تاريخ التسجيل
    08-2010
    الدولة
    K.S.A
    المشاركات
    1,057

    افتراضي

    يعطيك الف الف عافية

  3. #3
    عضو فعال
    تاريخ التسجيل
    07-2010
    المشاركات
    707

    افتراضي

    الله يبيض وجهك

  4. #4
    عضو
    تاريخ التسجيل
    05-2013
    الدولة
    مكه
    المشاركات
    31

    افتراضي

    لماذا الادارة لم تقيم الوضوع .؟

    يعطيك الف عافية تستاهل التقييم

  5. #5
    عضو
    تاريخ التسجيل
    06-2013
    الدولة
    الرياض
    المشاركات
    72

    Thumbs up

    شكلك بش مهندس بحق وحقيقي

    موضوع اكثر من رائع ومدعوم بالصور وروابط شراء من مواقع اجنبيه وانا اويد الشراء من الخارج بقوه لفرق السعر الجامد جداا
    الاسبوع الي فات كنت بالوكاله استفسر عن دبه شكمان خلفي للاكورد 2013 اربعة سلندر (عشان اركبها شكل بس)
    قال سعرها 1800 ريال ودخلت عل موقع امريكي لقيت حق السته سلندر (دبتين بوصلتها) ب 1200ريال


    يعطيك العافية على الموضوع يابطل

  6. #6
    The Power Of Dreams
    تاريخ التسجيل
    05-2009
    المشاركات
    1,247

    افتراضي

    اقتباس المشاركة الأصلية كتبت بواسطة هاااوي الاكورد مشاهدة المشاركة
    يعطيك الف الف عافية
    الله يعافيك

    اقتباس المشاركة الأصلية كتبت بواسطة majood AL-azwari مشاهدة المشاركة
    الله يبيض وجهك
    و وجهك أبيض

    اقتباس المشاركة الأصلية كتبت بواسطة وحيد الغربيه مشاهدة المشاركة
    لماذا الادارة لم تقيم الوضوع .؟

    يعطيك الف عافية تستاهل التقييم
    الله يعافيك
    عادي والله أهم شيء أني أفيد أخواني الأعضاء والزوار والمشرفين وعشاق ومحبي الهوندا
    وتكفيني دعوه من القلب

    اقتباس المشاركة الأصلية كتبت بواسطة 3bdulmajeed مشاهدة المشاركة

    شكلك بش مهندس بحق وحقيقي

    موضوع اكثر من رائع ومدعوم بالصور وروابط شراء من مواقع اجنبيه وانا اويد الشراء من الخارج بقوه لفرق السعر الجامد جداا
    الاسبوع الي فات كنت بالوكاله استفسر عن دبه شكمان خلفي للاكورد 2013 اربعة سلندر (عشان اركبها شكل بس)
    قال سعرها 1800 ريال ودخلت عل موقع امريكي لقيت حق السته سلندر (دبتين بوصلتها) ب 1200ريال


    يعطيك العافية على الموضوع يابطل
    الله يعافيك ويسلمك يا بش مهندس

    والله فعلا بعض القطع للأسف أسعارها مبالغ فيها جدا بالوكاله ومحلات قطع الغيار بصراحه شيء يقهر .. مقارنة بالخارج

    مثل :

    - علبة أو قربة زيت الدركسون عند محل قطع الغيار بـ 220 ريال !! وبالخارج سعرها تقريباً 60 ريال غير شامل تكلفة الشحن .. ومع تكلفة الشحن بتطلع عليك أرخص من محلات قطع الغيار

    - سنتر لوك البيبان Actuator سعرها بالخارج رخيصه وهنا غاااليه

    - ربل الباب الأمامي الأيمن أذكر سألت الوكاله عن سعره وقالولي بـ 300 أو 350 .. وسعره بالخارج تقريبا 166 ريال غير شامل تكلفة الشحن

    - فلتر المكيف اذا ماني غلطان سعره هنا تقريبا 200 ريال أو أكثر .. وسعره بالخارج تقريبا 57 ريال غير شامل تكلفة الشحن

    - الخ...



    -------------------------


    أشكركم جميعاً على الردود والتفاعل ودعواتكم الطيبه





  7. #7
    عضو فعال
    تاريخ التسجيل
    05-2010
    الدولة
    الوسطى
    المشاركات
    846

    افتراضي

    موضوع جبار ومفيد جدآ وحنى بحاجت هاذه المواضيع يعطيك الف الف عافيه ماقصرت تقرير وموضوع وافي

    والابداع ماهو غريب على العضو


    the silver accord

    لك اجمل واروع تقييم تستاهل


    الله يرد للمنتدى تفاعله


  8. #8
    عضو
    تاريخ التسجيل
    06-2013
    الدولة
    الرياض
    المشاركات
    72

    افتراضي

    اقتباس المشاركة الأصلية كتبت بواسطة THE SILVER ACCORD مشاهدة المشاركة


    الله يعافيك



    و وجهك أبيض



    الله يعافيك
    عادي والله أهم شيء أني أفيد أخواني الأعضاء والزوار والمشرفين وعشاق ومحبي الهوندا
    وتكفيني دعوه من القلب



    الله يعافيك ويسلمك يا بش مهندس

    والله فعلا بعض القطع للأسف أسعارها مبالغ فيها جدا بالوكاله ومحلات قطع الغيار بصراحه شيء يقهر .. مقارنة بالخارج

    مثل :

    - علبة أو قربة زيت الدركسون عند محل قطع الغيار بـ 220 ريال !! وبالخارج سعرها تقريباً 60 ريال غير شامل تكلفة الشحن .. ومع تكلفة الشحن بتطلع عليك أرخص من محلات قطع الغيار

    - سنتر لوك البيبان Actuator سعرها بالخارج رخيصه وهنا غاااليه

    - ربل الباب الأمامي الأيمن أذكر سألت الوكاله عن سعره وقالولي بـ 300 أو 350 .. وسعره بالخارج تقريبا 166 ريال غير شامل تكلفة الشحن

    - فلتر المكيف اذا ماني غلطان سعره هنا تقريبا 200 ريال أو أكثر .. وسعره بالخارج تقريبا 57 ريال غير شامل تكلفة الشحن

    - الخ...



    -------------------------


    أشكركم جميعاً على الردود والتفاعل ودعواتكم الطيبه




    يعني لو نطلب اكثر من قطعه مره وحده بيصير يابلاش مع سعر الشحن ، خاصه اذا عندك بريد مثل شوب اند شوب وطقتها

  9. #9
    The Power Of Dreams
    تاريخ التسجيل
    05-2009
    المشاركات
    1,247

    افتراضي

    اقتباس المشاركة الأصلية كتبت بواسطة القايله مشاهدة المشاركة
    موضوع جبار ومفيد جدآ وحنى بحاجت هاذه المواضيع يعطيك الف الف عافيه ماقصرت تقرير وموضوع وافي

    والابداع ماهو غريب على العضو


    the silver accord

    لك اجمل واروع تقييم تستاهل

    الله يرد للمنتدى تفاعله

    الله يعافيك ويسلمك
    ومشكورعلى كلامك وتشجيعك وتقييمك


    آمين يارب

    اقتباس المشاركة الأصلية كتبت بواسطة 3bdulmajeed مشاهدة المشاركة
    يعني لو نطلب اكثر من قطعه مره وحده بيصير يابلاش مع سعر الشحن ، خاصه اذا عندك بريد مثل شوب اند شوب وطقتها

    صح

    بس ترى لازم الواحد يقارن الأسعار قبل يشتري .. سواءاً من الوكاله أو محلات قطع الغيار أو من الخارج

    لأن

    بعض القطع مع الشحن .. بيكون سعرها نفس السعر عندنا

    و بعض القطع اذا بتطلبها من الخارج مع الشحن بتكون أغلى من هنا

    بعض القطع عندنا بالسعوديه أسعارها مبالغ فيها جدا جدا .. مقارنة بالخارج .. وحتى لو تطلبها من الخارج ومع الشحن بتطلع عليك أرخص من الوكاله ومحلات قطع الغيار !! وبتوفر كثير

    اذا تبي تعرف أسعار القطع لسيارتك شف الموقع هذا
    http://www.1hondaparts.com/

    ادخل على الرابط ثم بتلقى على اليسار
    Select Vehicle
    اضغط عليه واختر موديل وفئة سيارتك وكم سلندر والخ...

    أو تقدر تبحث برقم الشاصي أو رقم القطعه .. بأعلى الصفحه


    -----------------------------------------

    أنا سيارتي اكورد 2006

    وتفاجأت يوم شفت رخص أسعار بعض القطع بالخارج

    فحمات أماميه سعرها $44.09 يعني تقريبا 166.67 ريال بدون تكلفة الشحن .. والوكاله عندهم الفحمات الأماميه بـ 376 ريال بعد الخصم 20%

    فحمات خلفيه سعرها $47.19 يعني تقريبا 178.4 ريال بدون تكلفة الشحن .. والوكاله عندهم الفحمات بـ 294 ريال بعد الخصم 20%

    يعني سعر طقم فحمات أماميه + طقم فحمات خلفيه بالخارج بدون شحن بـ 345.07 ريال ... والوكاله طقم فحمات أماميه + طقم فحمات خلفيه بـ 670 ريال !!! بعد الخصم 20%

    ومب شرط أنك تشتري فحمات هوندا ؛ تقدر تشتري فحمات سيراميك من الخارج
    من موقع AMAZON

    فلتر هواء المكينه بالخارج بـ $17.53 يعني تقريبا 66.3 ريال بدون تكلفة الشحن .. وشريته من الوكاله قبل سنه ونصف بـ 110 ريال بعد الخصم 20% عاد ما أدري اذا ارتفع سعره الحين أو لا

    فلتر المكيف بالخارج بـ $15.13 يعني تقريبا 57.2 ريال بدون تكلفة الشحن .. وبمحلات قطع الغيار الفلتر الأصلي تقريبا بـ 200 أو 190 ريال .. والتجاري بـ 35 أو 40 ريال

    والخ....




    التعديل الأخير تم بواسطة THE SILVER ACCORD ; 16-11-2013 الساعة 02:14 PM

  10. #10
    عضو فعال
    تاريخ التسجيل
    05-2010
    الدولة
    الوسطى
    المشاركات
    846

    افتراضي


    انا اتمنى من الادارة تثبيت الموضوع للفائده

    موضوع رائع وجميع من يملك اكورد من 2003 الي 2012 يحتاجه

  11. #11

    افتراضي

    وربي موضوع مهم جدا جدا جدا الله يعطيك العافية

  12. #12
    عضو
    تاريخ التسجيل
    05-2014
    الدولة
    الرياض
    المشاركات
    3

    افتراضي

    السلام عليكم
    مششششكور على التقرير الجميل والمفيد جدا
    ويوجد لدي استفسار التهريب بالايكورد 2005 الي معي هو من المثلث الي براس الطرمبه الموصول بالي فقط
    هل يوجد لهو اصلاح او لحام لوقف التسريب او ما شابه

  13. #13
    عضو
    تاريخ التسجيل
    05-2014
    الدولة
    الرياض
    المشاركات
    3

    افتراضي

    السلام عليكم
    مششششكور على التقرير الجميل والمفيد جدا
    ويوجد لدي استفسار التهريب بالايكورد 2005 الي معي هو من المثلث الي براس الطرمبه الموصول بالي فقط
    هل يوجد لهو اصلاح او لحام لوقف التسريب او ما شابه

  14. #14
    عضو
    تاريخ التسجيل
    11-2010
    المشاركات
    62

    افتراضي

    يعطبك العافية موضوع مفيد جدا جدا

  15. #15

    افتراضي

    الرجاء من الاخوان يفيدوني ضروري ضروري ايش هي طرمبه علبه الدركسون وايش هي الدودوه وايش هي بلف طرمبه ، الدركسون عندي ثقيل ما يلف الا اذا مشيت و الزيت الي في القربه ما يتحرك عكس اول ارجو الرد سيارتي وش يبي لها ز

  16. #16
    مراقب الصورة الرمزية أكــــــــــورد11
    تاريخ التسجيل
    08-2011
    الدولة
    الرياض
    المشاركات
    1,590

    افتراضي

    اقتباس المشاركة الأصلية كتبت بواسطة نادر المالكي مشاهدة المشاركة
    الرجاء من الاخوان يفيدوني ضروري ضروري ايش هي طرمبه علبه الدركسون وايش هي الدودوه وايش هي بلف طرمبه ، الدركسون عندي ثقيل ما يلف الا اذا مشيت و الزيت الي في القربه ما يتحرك عكس اول ارجو الرد سيارتي وش يبي لها ز
    حياك الله يالغالي
    علبة الدركسون يقصد بها العلبه اللي تعبيها زيت دركسون هوندا اصلي
    أما طرمبه الدركسون هي الموتور الذي يعمل على تحريك (تدوير)الزيت من علبة الدركسون مرورا الى دوده الدركسون ورجوعه الى العلبه
    طرمبة الدركسون واضحه مكانها فوق الدينمو
    دوده الدركسون خلف المحرك من الاسفل ومتصل بعمود الدركسون للسائق
    لايوجد بلف للطرمبه
    المشكله لازم تفحص طرمبة الدركسون ودوده الدركسون ممكن تحتاج اصلاحات وتتاكد مايكون فيها تهريب زيوت
    الزيت للدركسون استخدم زيت هوندا اصلي ممتاز جدا جدا ومقاوم للحراره ولايمتص الرطوبه
    بعكس الزيوت الأخرى .


  17. #17

    افتراضي

    السلام عليكم
    أخوي عندي مشكله في الاكورد ممكن اتواصل معك عن طريق الاتصال او الواتس لئن مااعرف للمواقع هذي إذا ماعليكم امر

المواضيع المتشابهه

  1. مشكلة بعد اصلاح طرمبة الدركسون(ارجو الافاده)
    بواسطة magical في المنتدى هوندا اكورد Accord
    مشاركات: 2
    آخر مشاركة: 16-01-2012, 07:05 AM
  2. شرح اصلاح طرمبة علبة الدركسون
    بواسطة فتى الرحيل في المنتدى هوندا اكورد Accord
    مشاركات: 3
    آخر مشاركة: 19-05-2011, 04:33 PM
  3. تكلفة اصلاح طرمبة الدركسون لا تتعدى 100 ريال
    بواسطة كومباك في المنتدى هوندا اكورد Accord
    مشاركات: 2
    آخر مشاركة: 18-12-2010, 04:10 PM
  4. طرمبة دركسون واه من الطرمبه !!
    بواسطة ذاك في المنتدى هوندا اكورد Accord
    مشاركات: 7
    آخر مشاركة: 23-12-2009, 03:26 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 113.11 Kb. compressed to 99.43 Kb. by saving 13.68 Kb. (12.09%)]