مشكله المسجل 2003-2006

**fahad911** · 27-11-2013, 03:04 AM

السلام عليكم ورحمه الله وبركاته

اخواني انا توني شاري هوندا اكورد 2003

وحصلت فيها مشكله بسيطه واتقهر في نفس الوقت

المشكله هي المسجل !!!!

يكون المسجل شغال فجاه stop و يطول مايرجع الصوت (ب الايام).

المشكله الثانيه انو مافيه محلات تصليح مسجلات في امريكا،Michigan، East Lansing

وبحثت و حصلت فا صار بس تغير مسجل كامل

يليت تفيدوني،،،

تحياتي لكم،،،

**THE SILVER ACCORD** · 28-11-2013, 05:09 PM

وعليكم السلام ورحمة الله وبركاته

تأكد من أسلاك البطاريه و انها مشدوده زين

بالنسبه لمسجل الشد بلد ما أدري والله ؛ لأني مسجلي CD واحد والحمد لله مافيه مشاكل ولا عمري صلحته عشان كذا ما عندي خبره عن تصليح المسجل

اعرف واحد اشترى سياره مسجلها 6 سيديات وخرب وصلحه وباع السياره
وشرى غيرها ومسجلها 6 سيديات وخرب عنده ولا صلحه

يعني ما أدري هل المشكلة من المسجل نفسه (عيب مصنعي) أو من طريقة إستخدامه يعني يمكن ما ينظف السي دي قبل يدخله بالمسجل ؛ لأن الـ cd اذا كان عليه غبار ممكن يوصخ العدسه

أنا أحاول قدر الإمكان ما أدخل السي دي إلا اذا كان نظيف ؛ عشان ما تتوصخ العدسه والخ...

تقدر تغير القطعه الداخليه بالمسجل بدون الحاجه لتغيير كامل المسجل

<strong><font size="3">
http://www.cd4car.com/Honda/Accord/2...eatured&page=3

بس يا أخي حرام تتخسر عليه

بقيمته ركّب مسجل جديد وأكثر تطور ويكون فيه بلوتوث Bluetooth و USB و AUX و ريموت للمسجل و الخ..... ويعطي صوت أقوى وأفضل للسماعات ( إذا كانت نوعية المسجل ممتازه )

أطلق وأحسن من مسجل الوكاله .. اللي ما فيه إلا CD و AUX
منفذ الـ AUX خلف المسجل وتقدر تشبك عليه قطعة توصيل الأيبود قيمتها تقريبا 500 ريال بأمازون

الشركات كثيييره Kenwood و Pionner و JVC و الخ...
اشتر اللي يناسبك وعلى قد ميزانيتك

لكن تحتاج :

قطعة ديكور أسفل المسجل مخصصه ومصصمه لتركيب مسجل إضافي من شركة Metra

http://www.amazon.com/Metra-99-7862-.../dp/B0006Z9K1E

فائدة الأفياش .. أنك ما تجرح ولا تقطع أسلاك الشد بلد .. وتقدر ترجع كل شيء مثل ما كان ..
يعني تقدر تفك الأفياش وتفك المسجل الإضافي بعدين اذا جيت تبيع السياره .. ولا كأن شيء صار

وتقدر تطلب أفياش إضافيه للإحتياط

http://www.amazon.com/Metra-70-1721-Wiring-Harness-Speaker/dp/B0002BF09S/ref=sr_1_1?ie=UTF8&qid=1385644925&sr=8-1&keywords=Metra+70-1721+Radio+Wiring+Harness

http://www.amazon.com/Metra-71-1721-...Wiring+Harness

الأفياش هذي تجي مع الديكور إذا ماني غلطان :
http://www.amazon.com/Metra-70-1721T...Wiring+Harness

سماعات الهوندا تجي أفياش .. وإذا تبي تغيرها بدون قطع أو تجريح أسلاك
تحتاج طقمين أفياش كل طقم يجي فيه حبتين .. يعني تكون تكفي 4 سماعات .. عشان اذا جيت تبيع السياره تقدر تفك السماعات اللي أنت مركبها وترجع سماعات الشد بلد ويكون شغلك نظيف

http://www.amazon.com/Metra-72-7800-...+72-7800+Honda

وهذي صور لبعض الأجانب مركبين مسجلات إضافيه
الصور من amazon ؛ بعض الناس اللي اشتروا قطعة الديكور يحطون صور بعد التركيب

فيه مسجلات أفخم وأجمل من اللي بالصور