المشاركة الأصلية كتبت بواسطة THE SILVER ACCORD
وعليكم السلام
الحمد لله بخير وأنت كيف حالك إن شاء الله بخير ؟
ما شاء الله عقبال المليون كيلومتر
# أشياء تحافظ على المكينه وتزيد العزم والقوه :
- فلتر هواء المكينه
- فلتر البنزين
- البواجي
- تغيير الفلتر الخارجي حق زيت القير .. أذكر سعر الفلتر الأصلي من الوكاله بحدود 95 ريال وتغييره سهل
- سائل تنظيف البخاخات ( ميتسوبيشي ياباني أصلي ) العلبه بـ 38 ريال ... نظّف البخاخات قبل تغير البواجي وقبل تغير فلتر البنزين
وطريقة إستخدامه :
إذا ولعت لمبة البنزين رح لمحطه وطف السياره وصب سائل تنظيف البخاخات بالتانكي ثم عب بنزين فل ويفضل 95
# شيء يحافظ على ثلاجة المكيف من الأوساخ ؛ ويمنع وصول الغبار للسائق والركاب :
- فلتر المكيف .
# أشياء متنوعه ومهمه :
- تغيير ماء الراديتر عشان تحافظ على الراديتر والمكينة وطرمبة الماء وبلف الحراره والخ... من الصدأ والتآكل
ماء راديتر أحمر تويوتا يمدحونه وسعر الجالون 40 ريال
وكرتون الماء المقطر (12 علبه) بـ 9 ريال عند محلات الجمله
التشييك على ضغط هواء الكفرات وتخليه متساوي في كل الكفرات + ترصيص لاصق بـ 60 ريال
فحص الركبه وصوف ربلات العكوس و الخ...
إختياري :
تقدر تسوي تشحيم للعكوس عند ورشة ممتازه .. يفكون عكوس سيارتك وينظفونها ثم يشحمونها بشحم أصلي ثقيل ( ألماني على ما أظن ) أشرط عليهم شحم أصلي وثقيل لأن الشحم أهم شيء عشان يمنع أو يقلل احتكاك العكوس ويقلل التآكل .. سألت أحد الورشات الممتازه وقالي بـ 200 ريال عاد ما أدري هو يقصد العكس الواحد أو العكسين يمين ويسار
أنا سويت تشحيم قبل سنتين تقريبا وغيرت أحد العكوس وركبت رأس عكس تجاري ياباني لأن أحد العكوس القديمه ما نفع معه التشحيم خربان
بس حاول قدر الإمكان أنك تكون عندهم يعني ما توقف السياره عندهم وتروح وتخليهم .. عشان ما يزرفون عكوس سيارتك ويحطون لك عكوس فيها مشاكل .. وعشان تشوف وتتعلم .. وعشان ما يلعبون او يزرفون شيء بسيارتك
وترى العكوس الأصليه غاليه
قبل تشتري القطع رح للوكاله وسعّر القطع عندهم أطلب منهم خصم 20% .. ثم رح لمحلات قطع الغيار وكاسرهم وقارن الأسعار
صيانة مابعد 350 ألف للاكورد 2004
رد مع اقتباس
مواقع النشر (المفضلة)