الموضوع: مشكلة في المكينه ينقص ايل اقل من النصف في 2007 حد واجه هذه المشكله قبل؟؟ ارجوكم

السلام عليكم ورحمة الله وبركاته,
بالنسبة لمشكلتك بحثت فيها ووجدت في المواقع الأجنبية انه والله اعلم سيارتك من السيارات القليلة اللي فيها هذه المشكلة ولايمكن اي فحص يبينها غير انه ينفكو بساتن السيارة ويتبدل شي اسمه Piston Rings ولكل بستون (سلندر) فيه كانه ثلاث جلب(جلود او وشرات) واذا ترغب بمزيد من التفاصيل

اقرأ هذا الرابط يعطيك بالتفصيل نفس أعراض المشكلة عندك وكيف تكتشفها وكيف تحلها والخيارات

. هذا والله أعلم.

وللعلم فقط في أمريكا استدعوا سيارات ال 6 سلندر اكورد من 2008 ل 2012 نفس مشكلتك وصلحولها على الوكالة. وبالنسبة للموديلات اللي قبل لم تصنف انه عيب مصنعي بسبب قلة الناس اللي اشتكو.


والله ييسرلك الخير.

اشكرك من قلبي محمد .... يعني اغير piston rings هذا ولا اخليه كذيه؟

ولو كنت اعرف هذا الموقع قبل كنت بشتكي ع الوكاله في هيئة حماية المستهلك اللي عندنا ولكن للاسف ليس هناك اي رقيب ع شركات السيارات في الخليج بشكل عام

المشاركة الأصلية كتبت بواسطة fashambeh

اشكرك من قلبي محمد .... يعني اغير piston rings هذا ولا اخليه كذيه؟

حياك الله وبياك , الافضل تصلحها لانه رح يزيد الصرف مع الزمن وبالاضافة حسب الكلام بالرابط انه يعدملك البواجي وتحتاج تغيرها بفترات اقل من المعتاد بالاضافة انه يقلل من عزم الماكينه ويخربها مع الزمن وممكن يعدملك حساس الاوكسجين لانه يوصل الزيت له , قبل ما اتغير خلهم يشيكوه بالاول لكن اتوقع تكلفة التصليح غالية , وكان بالرابط اللي بعثتلك اياه عدة اختبارات بسيطه قد تدلك على المشكلة منها أعذرني على ترجمتي للاستفاده
1- استهلاك ما يقارب لتر زيت لكل 2000 كيلو متر, في حال موترك اقل لكن اللي فهمت انه صارت نفس المشكلة مع اقل من الصرفية ذي
2- امسح باصبعك عادم السيارة ( الشكمان او الاكززت لا أعرف ماذا تسموه في عمان ) اذا وجدت انه فيه رطوبه لو قليله وحاول تمسح اصبعك بمنديل اذا تبقى شحار او سواد على اصبعك فمعناه في رطوبة وهذه الرطوبة من الزيت الغير محترق
3- دخان رمادي\ابيض\ خفيف جدا وصعب رؤيته , افحصه اذا كنت بالطريق السريع ووقت تبديل نمر-غيارات- الجير , يعني بس يغير الجير من غيار لغيار على سرعة تطلع الدخنة
4- خراب في المنظم الفلتر البيئي Catalizer كتالايزر بسبب تجمع الزيوت فيه.. لكن اشك هذا ييجي بسيارات الخليج كلها انا اللي اعرفه انه سيارات الخليج ما ييجي فيها لأنه غالي
5- خراب مفاجئ بحساس الاوكسجين. هذا اذا خرب على ما أظن انه ضو الشيك انجن عندك تولع يظهر على فحص الكمبيوتر اذا شيكت عليها.

أخيرا عندك أحد المشكلات التالية( أول اثنين يحتاجون فك الماكينة من فوق والاخير ما يحتاج) .
1- Oil control ring failure وهذا أغلب الظن انه السبب والاكثر احتمالا لانه يتشابه مع المشكلة عندك
2- Bad Valve Stem Seals لا أعرف ما ترجمته لكن مكتوب انه اذا كانت هذي المشكلة عندك تطلع دخنة قوية عند التشغيل وفي كل وقت واستهلاك الزيت يكون فيه كبير.وهذي صورته
3- Faulty PCV Valve or clogged PCV Valve tubes ,وهذا اقلهم احتمال حدوثه ويرى بالعين المجردة لانه لي - هوز- بلاستك للزيت في النصف العلوي للماكينه شوف الرابط هذا ممكن مو لنفس السيارة لكن يشرحلك وين ممكن تلاقيه .

هذا والله أعلم.

انا عنيت قبل مع البيلوت لانه انا متعود على الاكورد الي عندي 4 سنندر بس يوم شيفت الكتلوج تبين انه نظام السيارة تستهلك زيت وهده صورة من الكتلوج

أخ

alidrazi,
جزاك الله خير لكن جد شي غريب بتعرف لو تدري فيهم بلاد بره غير تسكرهم على التلوث اللي يسببوه , لكن اتوقع مكتوب هذا الكلام لحماية انفسهم , وأعتقد لو كنت مكانك اشوف هل ملاك نفس سيارتي بالموديل والفئة يعانو مثل ما أعاني ولا لأ اذا كان ينقص عندهم حتى لو بنسب متفاوته فمعناه كلام الكتلوج صحيح انه النقص هذا طبيعي اما اذا وجدت السواد الأعظم لا يشكو من هذه المشكلة معناته انه في شي غلط بسيارتي , لله الحمد لدي انا وزملائي أكوردات من موديل 2006 ل 2012 لا أحد يشكو من نقص اي مقدار من الزيت واتوقع ان معظم الناس كذلك ,
كلامهم بالكتالوج انه ممكن يوصل الاستهلاك الطبيعي في السيارة 1 لتر لكل 1000 كم , معناه انه ممكن تتصفى الماكينه من الزيت نهائيا اذا وصلت 4000 كم شي غريب.
هذا رابط من يبين انه في شخصين رفعو قضية على هوندا بسبب استهلاك الزيت وكان دفاع هوندا انه الاستهلاك طبيعي ... وهذا الرابط طبعا هوندا خسرو القضية لانه ببلاد الأعاجم ما يمشي معهم هذا الكلام

اخ محمد الاكوردات الي تتكلم عنها 4 سننيدر او 6 لانه الكلام هنا عن ال 6 3.5

اللي فهمته انه النقص لديك كل 5 الف كيلو حدود ثلاث ارباع العلبة الى علبة كاملة

يعني النقص مو مرة كبير

المشاركة الأصلية كتبت بواسطة alidrazi

اخ محمد الاكوردات الي تتكلم عنها 4 سننيدر او 6 لانه الكلام هنا عن ال 6 3.5

لا والله أخوي الاكورد اللي معي انا واصدقائي هي 4 سلندر لكن الروابط كلها للست سلندر اللي انا واضعها واللي تبين المشكلة واعراضها وحلها (اول رابط موديل 2007 اكورد ست سلندر )وحتى رابط القضية لمالك ست سلندر وبناء عليها استدعوا بامريكا هذه الفئات اللي تحت (الرابط الثاني ).
"The settlement concerns all U.S. purchasers and lessees of 2008-12 Accord, 2008-13 Odyssey, 2009-13 Pilot, 2010-11 Accord Crosstour and 2012 Crosstour vehicles equipped with six-cylinder engines that have variable cylinder management. Accord vehicles with four-cylinder engines are excluded from the settlement."

أخوي والله صعبه انه استهلاك الزيت بهذا الشكل طبيعي , يمكن انت اعرف مني في الست سلندر بحكم عندك سيارة سته سلندر واذا تعرف اكثر من واحد عندهم ست سلندر يعانو من نفس المشكله الله يكون بعونكم لانها والله مشكلة ومشكلة كبيره.
هذا والله أعلم.
سامحني أخي العزيز اذا ضايقتك لكن نحن هنا لمساعدة بعضنا في هذا المنتدى والله يوفقنا أجمعين لما يحب ويرضى.

المشاركة الأصلية كتبت بواسطة محمد مسعود

لا والله أخوي الاكورد اللي معي انا واصدقائي هي 4 سلندر لكن الروابط كلها للست سلندر اللي انا واضعها واللي تبين المشكلة واعراضها وحلها (اول رابط موديل 2007 اكورد ست سلندر )وحتى رابط القضية لمالك ست سلندر وبناء عليها استدعوا بامريكا هذه الفئات اللي تحت (الرابط الثاني ).
"The settlement concerns all U.S. purchasers and lessees of 2008-12 Accord, 2008-13 Odyssey, 2009-13 Pilot, 2010-11 Accord Crosstour and 2012 Crosstour vehicles equipped with six-cylinder engines that have variable cylinder management. Accord vehicles with four-cylinder engines are excluded from the settlement."

أخوي والله صعبه انه استهلاك الزيت بهذا الشكل طبيعي , يمكن انت اعرف مني في الست سلندر بحكم عندك سيارة سته سلندر واذا تعرف اكثر من واحد عندهم ست سلندر يعانو من نفس المشكله الله يكون بعونكم لانها والله مشكلة ومشكلة كبيره.
هذا والله أعلم.
سامحني أخي العزيز اذا ضايقتك لكن نحن هنا لمساعدة بعضنا في هذا المنتدى والله يوفقنا أجمعين لما يحب ويرضى.

مزبوط الانه موظوع تنقيص الزيت ما ظهر في الهوندا اله في 2008 وطالع ال6 3.5

المشاركة الأصلية كتبت بواسطة fashambeh

انا اشتري الزيت من برع الوكالة عندي هوندا أكورد 2007 سته سلندر بس ينقص الزيت ما اعرف المشكله بالضبط وشليته والوكاله وخسرت في التشيك 2000
سعودي ولكن للاسف ما راحت المشكله



والله معرف من ويش المشكله ما في تليك في المحرك فحصته في الوكاله وما يطلع دخاخين سوده علشان نقول المكينه تحرق الزيت...؟
واذا مشيت الموتر 4000 كيلو يبدأ ينقص الزيت اذا وصلت 5000 يعني ينقص لين اقل من النص يعني يبقى الربع ع انبوب التشيك الزيت.

حد ينصحني بستخدام زيت معين ....؟
وانا حاليا احط فيه زيت Castrol Magnatec 10W-40 هل هذا الزيت من النوعيات الزينه؟؟؟ وبعده ينقص, هذا الزيت حال 10 الف كيلو يعني اليوم شفته كان النص والمسافه المقطوعه حالياً 5000 فقط بس ف اغلب الاحيان ينقص النصف اذا قطعت بالموتر مسافة 9000.
بصراحه جربت زيوت الشل بعده نفس المشكله؟؟؟
الرجو من اصحاب الخبره يشاركوني بأرئهم؟؟
والسموحه منكم.

عزيزي مرفق الك صوره من كتلوج الهوندا بايلوت حقي وهي نفس المكينة تقريبا حق الاكورد السته يبين فيها نوع الزيت الي يفضل استخدامه للسيارة الي هو 0-30
عندك زيت هوندا 0-30 ان شاء الله اكون افدك

نقص الزيت طبيعي
السياره ما تحرق الزيت
الزيت يتبخر ويرجع للانتيك مني فولد
اسباب تبخر الزيت الحراره والقياده بسرعات عاليه لفترات طويله
شباب اذا خرب البستم رينق تبداء السياره تحرق الزيت
يطلع من الشكمان دخان ازرق مائل الى الرمادي
اما الدخان الاسود هاذا كربون

انصحك تغير الزيت على 3500
وتغير فلتر الزيت التغيره الثانيه
مستوى الزيوت عندنا وتحملها وجودتها رديء

بارك الله فيكم ع مشاركتكم الطيبه