رد مع اقتباسالله يعطيك خيرها ويكفيك شرها يارب ، تقدر تشوف تجربتي لموديل 13 وفيه نقاط اتفق معك فيها .
تجربتي لـ أكورد 2014 .. Sport v6 ..
,, بسم الله الرحمن الرحيم ,,
السلام عليكم و رحمه الله و بركاته
صبـآح / مسـآء الخير للجميع "
آقدم لكم تجربتي لـ أكورد سبورت 14
آتسلمت السيـآرة في 3 رمضان كان عليها عرض
آخذتها بـ 137 ألف + صيآنه مجانية 80 ألف + ضمان 3 او 5 سنوات { ماني متأكد من الضمان
السيارة كل ألي أقدر أقوله } ما شاء الله
كنت متحير بينها و بين الأفالون وارد اليحيا } خليجي
لاكن الحمد لله آخذت الأكورد
الآن السيـآرة ماشية 9500 تقريباً
بتكلم بالأول عن المميزات الي جازت لي ..
1- الكاميرا الجانبية أفادتني كثير في الخطوط و الوقوف و الأماكن المزدحمه .
2- الديكور الداخلي شكله حلو جداً مع أني قبل كنت أضن ان الافالون افضل .
3- الرساوه بالخط بسرعه فوق 200 .
4- نظام المسجل ممتاز و التنقل و بين الخدمات ممتازة جدا ً .
5- الشكل الخارجي جذاب جداً .
6- الدخول الذكي للسيارة و التشغيل و صوت الماكينه ناعم . } مره نزلت من السيارة على انها طافيه و اقول ليه ما تقفل بالريموت .. ^_^
7- ما تصرف بنزين اعبيها 95 بـ 40 ريال تمشيني داخل المدينة 630 تقريباً } بدون دعس ركود
^ فيها أشياء ممكن ما تحضرني الأن "
بخصوص العيوب :
1- كان عندي صوت هوا بين البابين السائق و الراكب على سرعة 80 و فوق رحت للوكالة و غيرو الربل كامل للأبواب و الآن جيد
2- النور العالي ضعيف ولا يمسح الخط بشكل جيد (( كان معي تاهو قبل و يتفوق على الاكود - ممكن الأرتفاع ))
^ علماً ان نور العالي أصفر عكس المتوقع
3- الستاره الخلفيه لما آرجع للخلف تنزل لاكن بعد ما اطلق قدام ما ترتفع أوتوماتيك لازم انا آرفعها .
4- المطب قوي شوي بحكم الجنط كبير .
5- المراتب ما هي مريحه على الخطوط الطويلة .
كلام سمعته ولا شفته :
1- قطع الغيار الأستهلاكية غاليه ,, انا اشوف انها مناسبه
2- عزل الهواء ,, بالعكس اشوف انه جيد
3- صوت على سرعه 160 ,, أكيد فيه صوت اذا زادت السرعه زاد الصوت } علاقه طردية " لاكن ماهو مزعج عادي جداً
4- الـ 6 سنلدر صرفها للبنزين عالي ,, بالعكس زي ما ذكرت فوق
5- الـ 6 سنلدر خراباتها واجد ,, الحمد لله الوضع حتى الأن ممتاز جداً
6- الوكاله سيئه جداً ,, انا رحت لـ 3 فروع
أ- فرع القصيم . ب- فرع جدة شارع المدينة . ج- الرياض فرع خريص .
^ تعاملهم ممتاز جدا و كل أحترام سؤاء من المظفين الاستقبال و الفنيين تقبلهم للأسئله و ردهم راقي جدا
السلبيات ألي شفتها بالوكالة ماكن آنتظار الصيانة مثل القصيم تنتظر براء بالشمس او تجلس في مكتب أحد الموظفين
أرجوا ان تكون الفروع كل المملكة مثل فرع جدة ..
بخصوص قطع الغيار حتى الآن ما تعاملت معهم لاكن مشكله القصيم عدم توفر بعض القطع } كان احد الشباب موصين لسيارته اكورد 2006
.. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. ..
هذا كل شئ آتذكره الأن آن نسيت شئ ,, عاد الشكوى لله
السيارة بشكل عام ممتازة جداً و آنصح بإقتنائها } sport v6
البعض يقول آحرام آدفع مبلغ 140 على أكورد } انا ضد الكلام ذا
و البعض يقول سعرها ينزل على طول } بالعكس سعرها ماسك الدليل
شفت اكورد بالمعارض داخل السوق ما هي معروضه موديلها 13 ما شئ 55 تقريبا تسام 14 او 15
.. .. .. .. .. .. .. .. .. .. .. .. .. .. .. .. .. .. .. .. .. .. .. .. .. .. ..
آستقبل آستفساراتكم و آسئلتكم بصدر رحب
و هذا و الله أعلم ~
الله يعطيك خيرها ويكفيك شرها يارب ، تقدر تشوف تجربتي لموديل 13 وفيه نقاط اتفق معك فيها .
بالنسبة للنور إذا تبي ترفعه تلاقي ورا الشمة
صامولة بيضاء بلاستيك تتحرك بالمفك
وبالسكروب لكن مع السكروب المكان ضيق
للشمعة الي على يسار السايق,
خذ الكماشة وفرها فرة وحدة "عكس عقارب الساعة"
بيرتفع النور بدون ما يزعج الي أمامك.
جزاك الله خير ..المشاركة الأصلية كتبت بواسطة اكوردا
طيحت هم ؛ آن شاء الله بجربها اليوم .. ^_^
تشكر
معليش ما انتبهت لك .. ^_^
آمين ويآك
..
إن شاء الله بقرأء الموضوع و الله يوفق الجميع
الله يعطيك خيرها ويكفيك شرها
بالنسبه للتنسيم ع سرعة 80 ايش كان السبب وهل تم اصلاحه في وقت قصير .؟
انا عندي نفس المشكله الحين صارلي 4 شهور تقريبآ يقولون في قطع ماجات من امريكا .!!
تقرير رائع
الله يعطيك خيرها ويكفيك شرها
ممتاز جدا
لكن ودي تذكر مميزات القير الجديد من حيث الانطلاق وسلاسة التعشيق وكم تكون السرعة الاربي ام على 3000
تحياتي لك
رحت لفرع القصيم .. فك القطعة السوداء بين باب السواق و الخلفي و نظفها وﻻ فيه فايدة ..
حولوني على فرع خريص بالرياض ..
غيرو ربل الابواب كلها دخلتها الساعة 8 و استلمتها 2 الظهر
آمين و ياك .. ♡
القير ممتاز جدا ..
انا كنت بالطائف بعد عيد الفطر و كان مع المنحدرات القير تلقائي يرجع نمره بحيث توفر فحمات
بخصوص الضغط ما ادري و الله ﻻكن امشي 210 الضغط على 3.3 تقريباً ..
أما في الوضع الرياضي شئ ثاني .. ما شاء الله .. ♡
كذالك من المميزات ..
وجود هاردسك بحيث ينسخ السيديات تلقائي .. > ما عرفت اﻻ قريب
تأكد من هذه المعلومة
غير منطقي ان يكون السرعة على 210 والضغط 3.3 للسيارات اليابانية حتى لو كان القير ست نمر
شكرا لك لكن اتمنى والاخوان في المنتدى ان تنزل صورة حتى يكون الرد واضح
بالنسبة ل 3300 على سرعة 210 صعبة لكن قريبة اذا اخذنا بالاعتبار محرك سعة 3500 فقط
سواء يابانب او امريكي او اوربي
وهذه صورة للاوريون المقاربة للاكورد شوف واحكم
وهذه للالتيما محرك 3500 بعد تطوير قير cvt
صحيح اخوي سلطان
قير الاكورد فيه شي يسمونه كلتش توصيل التورك
وهو كلتش مثله مثل القير العادي يوصل بين المكينة وبين القير ويخلي المكينة موصولة مباشرة بالقير وعلشان كذا صحيح كلامه يطلع الضغط على 3.4 تقريبا
انا شفت ردك قبل كم يوم .. قلت تأكد ..
210 بالضبط 3.7 .. أمس واصل الرياض .. 😅
شكرا لك على التوضيح والله يبارك لك ويعطيك خيرها ويكفيك شرها
بعد توضيحك اقدر اقول ان محرك الاكورد 3500 بعد القير الجديد افضل محرك سته سلندر
من حيث العزم والاستهلاك والتسارع
تحياتي
الـ4 سلندر تمشي 160 يكون الضغط بالضبط على 3,,
تتوقعون السي في تي يكون الضغط أقل؟
أكيد طبعاوكذلك صرفية البنزين تكون اقل
ضوابط المشاركة
مواقع النشر (المفضلة)