النتائج 1 إلى 9 من 9

الموضوع: .: مشكلة :. مبرد القير ضرب وخلط موية وزيت فزعتكم يا أهل الخبرة .. آكورد 2008

  1. #1
    عضو
    تاريخ التسجيل
    02-2012
    الدولة
    جبيل.:.الشرقيه
    المشاركات
    6

    Icon9 .: مشكلة :. مبرد القير ضرب وخلط موية وزيت فزعتكم يا أهل الخبرة .. آكورد 2008

    السلام عليكم ورحمة الله وبركاته

    أسعد الله أوقاتكم بكل خير

    المشكلة يا أخواني كالتالي بإختصار مالكم بالطويلة

    قبل المشكلة بأيام ويمكن أسابيع لاحظت فيه مشكلة بالتعشيق اذا كنت ماشي بالسيارة ووقفت لفترة معينة وجيت شغلت مره ثانية بمشي
    ودقيت الريوس مايشبك لازم ارجعه بالـ P ثم اعشق ريوس من جديد ويمشي الوضع وهذا كأن خلل مني أني أهملت الموضوع ودليل على قوة قيرات الهوندا


    وفي أحد الأيام كنت ماشي في البلد بعد ماطفش القير مني ومن اهمالي له واقف عند الاشارة والا السيارة تقول مكاني هنا وماني متحركة
    ادوس بنزين والقير عالـ D بس مافيه فايدة ...
    على طول عرفت ان فيه مشكلة بالقير لكن اللي ماتوقعته أول مافتحت الكبوت ورحت على معيار زيت القير فتحته وسحبت المعيار
    الا والله اشوف لون الزيت متغير وشكله مخلوط بمويه


    المهم اني دقيت على سطحة وجت وشلت السيارة عن طريق واحد أعرفه وداني عند ورشة فلبيين متخصصين في القيرات بالجبيل في العريفي قال الفلبيني نوضب لك القير وراح يكلفك 6000 ريال لأنه 6 سلندر وقال هااااه عشان تصدق شوف هذي توها أكورد نفس موديل سيارتك بس هذيك اربعة سلندر يقول موظبينها بـ 5000 آلاف

    قلت خلني أشوف الوضع خل السيارة واقفه عندك وبجيكم بكره .. المهم أني استخرت الله قلت خلني اشوف ورشة ثانية أفضل رحت جبت سطحة اليوم الثاني وجيت للفلبيني قلت بروح لورشة ثانية وسبحان الله شغلت سيارتي وعشقت طلعت السيارة من حالها للسطحة ولا كأن فيها شئ القير شغال ريوس وقدام ويعشق مضبوط .. وكان يتابع الموقف هذا شخص سوداني من الورشة اللي جنب ورشة خوينا قال ياسيدي تعال وش الموضوع قلت له كيت وكيت قالي الزول آآآآآي سيارتك القير مافيهو شئ مجرد نفك لك القير بننظفه وبنشوف اذا فيه كلتشات معدومه بنغيرها ( الظاهر قصده الموضوع مايحتاج توظيب كامل ) وقال نغير زيت ونغير المبرد بتكون سيارتك زي الفل وراح نأخذ منك 3000 ريال

    ... صراحة حسيت السوداني معه علم

    ولكن أنا انسان ماحب استعجل وبما أن عندي سيارة ثانية وكانت أموري المادية مش ولابد وقتها خليت صاحب السطحة يمشي قلت أفكر وأشوف وديت السيارة وقفتها تحت البايكة بالمكان اللي أنا ساكن فيه والسيارة نزلت من السطحة شغالة نزلتها من السطحة والقير شغال بدون دف ولا شئ وقفتها وشغال القير ما كأن فيه شئ والآن السيارة صار لها مايقارب 6 شهور واقفة أشغلها من فترة لفترة ولازال القير يعطي تعاشيق طبيعي وتفز السيارة ما شاء الله ولكن الزيت مخلوط مع الموية حتى بالرديتر الموية طالعة مخلوطة بالزيت تقول كبيت لبن بدل الموية


    سؤالي يا حباني بعد المقدمة الطويلة هذي اللي لازم منها عشان نعرف تاريخ المشكلة وتسلسل الأحداث

    وش تنصحوني فيه ؟؟ نصلح القير نفك ووننظف على قول السوداني ؟؟
    والا اشتري واحد من التشليح ؟؟ وكم سعر المبرد في الوكالة ؟؟
    وش يتوجب علي اسوية بالخطوات ؟؟ وش تنصحوني بورشة كويسة بالجبيل أو الدمام يكونوا فاهمين بالقيرات ؟؟
    وهل الرديتر تأثر من جراء عملية الخلط ؟؟ << أتعب عاللغة العربية هههه

    وش رأيكم بالقيرات اللي تجي من تشاليح الكويت قالي عليها واحد من الشباب ؟ هل تنصحوني فيها والا لا ؟؟

    علمي وسلامتكم وأبي المشورة منكم

  2. #2
    عضو
    تاريخ التسجيل
    02-2012
    الدولة
    جبيل.:.الشرقيه
    المشاركات
    6

    افتراضي

    وين أهل الخبرة والمشورة؟!!!

  3. #3
    عضو
    تاريخ التسجيل
    04-2017
    الدولة
    ط§ظ„ط³ط¹ظˆط¯ظٹط
    المشاركات
    38

    افتراضي

    ياحبيبي مشكلتك بسيييييييييييطة وهذولي حرامية والله اعلم

    اذا كان مبرد زيت القير مدموج مع الراديتر فمشكلتك فقط في الراديتر غيره وغير زيت القير مع الفلتر وامشي عليه 100 كلم وغير زيت القير مره ثانية مع الفلتر

    بإذن الله تدعيلي .. بس لاتنسى تعلمني اذا ضبطت معك الطريقة

    وتاكد قبل تغير الراديتر هل زيت القير له مواسير او ليات رايحة للراديتر او لا لأني ماعندي خلفية عن تبريد القير في الاكورد ال 6 سلندر .

    اذا تبريد زيت القير عن طريق الراديتر فتأكد مليوووووون فالمية انه من الراديتر ..

    تحياتي لك ,,,

  4. #4
    عضو
    تاريخ التسجيل
    02-2012
    الدولة
    جبيل.:.الشرقيه
    المشاركات
    6

    افتراضي

    اقتباس المشاركة الأصلية كتبت بواسطة خرموش الهرموش مشاهدة المشاركة
    ياحبيبي مشكلتك بسيييييييييييطة وهذولي حرامية والله اعلم

    اذا كان مبرد زيت القير مدموج مع الراديتر فمشكلتك فقط في الراديتر غيره وغير زيت القير مع الفلتر وامشي عليه 100 كلم وغير زيت القير مره ثانية مع الفلتر

    بإذن الله تدعيلي .. بس لاتنسى تعلمني اذا ضبطت معك الطريقة

    وتاكد قبل تغير الراديتر هل زيت القير له مواسير او ليات رايحة للراديتر او لا لأني ماعندي خلفية عن تبريد القير في الاكورد ال 6 سلندر .

    اذا تبريد زيت القير عن طريق الراديتر فتأكد مليوووووون فالمية انه من الراديتر ..

    تحياتي لك ,,,

    تشكر أخي الكريم عالرد

    بالنسبة للتبريد مية في المية انه عن طريق الرديتر لأنه حتى الموية في الرديتر تغير لونها صارت مخلوطه بزيت

    ولكن السؤال هل القير بيمشي معي والا يعتبر وضعه في خطر لأن الموية أكيد دخلت داخل القير وهذي مشكله

    ولكن كلامك على متمه يعني ماراح اخسر كثير اذا جربت حلك كلها زيت وفلاتر ورديتر وراح اروح اسعر الرديتر في محلات القطع واشوف

  5. #5
    عضو
    تاريخ التسجيل
    04-2017
    الدولة
    ط§ظ„ط³ط¹ظˆط¯ظٹط
    المشاركات
    38

    افتراضي

    دائما ابداء بالحل السهل ثم تدرج الى الصعب

    1- غير الراديتر
    2- ضع ماء عادي
    3- قم بتصريف زيت القير من اسفل
    4- قم بفك فلتر زيت القير
    5- قم بتعبئة الزيت الجديد تبع القير
    6- امشي عليه مسافة 15 كلم وشيك على الزيت والراديتر
    7- قم بتغيير الزيت مع الفلتر مرة اخرى
    8- قم بتغيير ماء الراديتر مرة اخرى بماء عادي حتى تتأكد انه لم يعد هناك اي خلط
    9- اذا تأكدت انه ما عاد فيه خلط قم بتغيير زيت القير والفلتر وماء الراديتر اصلية .

    10- دعواتك لنا
    8- بع

  6. #6
    عضو
    تاريخ التسجيل
    04-2017
    الدولة
    ط§ظ„ط³ط¹ظˆط¯ظٹط
    المشاركات
    38

    افتراضي

    بشر وش صار معاك ؟

  7. #7

    افتراضي

    صارت معاي والحل مثل ما قالوا لك الشباب غير الرديترا
    والزيت وراح تضبط امورك ان شاء الله

    بالتوفيق

  8. #8

    افتراضي

    اولا قير الاكورد مايركب له مبرد خارجي لأنو المبرد يجي فوق القير وموصله له لي مويه من المكينه

  9. #9

    افتراضي

    فيه محلات تبيع مكائن وقير مع بعض ياباني جديد مافك شد بلد استخدام ياباني في الرياض الصناعية القديمة خلف زجاج سالم سعر المكينه والقير 5300 6 سرندل أنا مغير من عندهم مشاءلله جديده

المواضيع المتشابهه

  1. أريد تغير فلتز وزيت القير لسيارتي هوندا أكورد 2007 في الرياض
    بواسطة عادل الحرف في المنتدى هوندا اكورد Accord
    مشاركات: 4
    آخر مشاركة: 18-02-2013, 04:24 AM
  2. لأصحاب الخبرة، أين أجد آخر نسخة من I GO Primo V1.2
    بواسطة أبوعمر في المنتدى هوندا اكورد Accord
    مشاركات: 2
    آخر مشاركة: 25-05-2011, 09:29 PM
  3. مشكلة في القير .....شباب الخبرة والاكورد 2002
    بواسطة eido في المنتدى هوندا اكورد Accord
    مشاركات: 2
    آخر مشاركة: 12-11-2010, 07:36 PM
  4. زيت القير وزيت الدركسوون...!!!!!!!
    بواسطة عالي مستواه في المنتدى هوندا اكورد Accord
    مشاركات: 10
    آخر مشاركة: 10-02-2010, 05:29 AM
  5. سعر السيفون .. سعر فلتر القير وزيت القير ؟؟
    بواسطة ملك الـCiViC في المنتدى هوندا سيفيك Civic
    مشاركات: 19
    آخر مشاركة: 01-06-2008, 10:16 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 70.91 Kb. compressed to 62.48 Kb. by saving 8.42 Kb. (11.88%)]