السلام عليكم ورحمة الله ..
تقبل الله منا ومنكم الصيام والقيام
اخواني عندي استفسار بخصوص مشكله حاصله لي مع شركه هوندا ووكيلها عبدالله هاشم
عندي هوندا اكورد 2014 سبورت طلعتها ايجار منتهي بالتمليك عن طريق البنك الاهلي وكان عندي عرض صيانات مجانيه الى 80 الف كيلو
استمريت معهم في الصيانات حتى 90 الف بعد كذا سويت 5 صيانات في بترومين زيت وفلتر فقط وباقي متطلبات الصيانه كانت في الشركه من بواجي وفلاتر وزيت جيربوكس و و و الى اخره
في خلال اقل من ثلاث سنوات غيرت 4 بطاريات وكان عندي مشكله في استهلاك البطاريه ورحت لهم مرتين وكل مره المهندسين يخدرون المشكله ويغير بطاريه ويدفعني قيمتها وقيمة الاجور والمره الثانيه ما اشتغلت حتى وديتها بسطحه وغير بطاريه وحساس البطاريه وقالي نضفنا لك السلف كان فيه رطوبه عالحساس ودفعني مبلغ ما كان اقل من 600 ريال وبعد هذا رجعت المشكله
السياره الان ماشيه 143 الف كيلو قبل تقريبا اسبوع طلع لي نفس العطل وما صارت تشتغل طلعتها سطحه وديتها الشركه وطلع السلف والحذاف لا يعمل واعطوني تقرير بالاصلاح قيمة التكلفه 7700 ؟؟؟
قالي الموظف فالشركه روح لتامين يعطوك لان السياره على ضمان البنك الى 200 الف او 5 سنوات .. اخذت التقرير ورحت لمكتب التامين وتفاجات ان الموظف في مكتب التامين يقولي ضمان البنك الممتد ينتهي في 125 الف او خمس سنوات وبالاصح قالي مالك شي..
والشركه تخلي مسؤليتها بحجة ان الضمان منتهي وهم من ماطل في حل المشكله حتى تعطل السلف تماما وانتهى الضمان
الان انا مجبر ادفع لشركه 7700 في سلف سياره جديده 2014 صياناتها في الشركه ودفعت فيها مبالغ طائله
اللي عنده رأي او نصيحه لا يبخل علينا ولكم كل الشكر