صفحة 1 من 2 12 الأخيرةالأخيرة
النتائج 1 إلى 25 من 46

الموضوع: 300.000 و للعـطـاء بقيـة,, تجربتي الخفيفه مع عشقي اكوردتـي

  1. #1
    دلـخ ومعـه اكـورد
    تاريخ التسجيل
    07-2008
    الدولة
    الجبيـــــل
    المشاركات
    827

    افتراضي 300.000 و للعـطـاء بقيـة,, تجربتي الخفيفه مع عشقي اكوردتـي

    [SIZE="3"][B][FONT="Tahoma"]بسم الله وعلى بركة الله

    انطلاقا من موضوع اخوي اكورداوي وتجربة الـ200.000
    احببت ان اضيف لهذا المنتدى الذي اضاف لي الشي الكثير موضوعـي الخاص عن تجربتي لهوندا اكورد 2005
    300.000
    واتمنى ان تستمعوا برحلاتي مع الأكورد
    ,,,
    في بداية الموضوع وعلى نسق اخوي خالد اكورداوي ,,
    احب اقول لكم إني اول شي طفشت من العاميـه وانا مسوي فيهاا فصحى فووق
    كيف شريت السيآآره؟
    سؤال جميل
    شريت السيااره في اليوم إلي شريتهاا فيه
    إلي اعجبني بالسيااره ممشااهاا القليل 44 الف وحنا بـ2008
    شي طيب ,,توكلت على الله وشريتها ,
    سياستي ,,, القوه والجوده هي اهم شي بالسياره والجوهر هو المهم ولامانع من الشكل يكون حلو والرساوه إلي تقارن بالبورش والألماني بشكل عام ,,
    وهذي اول صوره للعداد

    كنت راح اشتري سوناتا بس قلبي ماطاوعني
    وكل واحد وقناعته
    انا ما اقول السوناتا فيها شي انا اقول لك قناعات وليس تقليل من شركة هونداي ولا هم يحزنون المسأله قناعات
    المهم وصلت السياره عند البيت
    بديت اتمقل فيهاا زين ,,واطلع عيوبهاا
    كنت اتأمل طبلونهاا واتصور جمبه
    اتوقع ذااك اليوم خذيته الف صوره خخخخ
    المهم بارك الله لي في السياره وعاشت معي
    تخللتهاا رفعة ضغط بسبب المشاكل الصغيره إلي ماكنت اعرف حلها قبل اعرف هالمنتدى
    إلا انهاا خدمت في كل الظروف والله على ما اقول شهيد
    وسافرت بها في درجات حرارة عاليه وعلى سرعات عاليه ,, وعلى ممشى زيت يتجاوز الـ5000 كيلو بالرااااحه
    وضرب علي الكفر وانا ماشي 190 ولاحسيت بصعوبه في التحكم بالسياره ولله الحمد والمنه
    وصلت السياره 100 الف وانا ماكنت اعرف نادي محبي هوندا
    مشيت مسافه بالسياره مايقارب 60 الف ,,
    ماكنت اغير لها إلا الزيت والبواجي ,,
    بعد ماتعرفت على النادي ,,
    استمريت على السياره اكرفهاا مدة طويله
    وماعمري دخلت الوكاله إلا مره وحده يوم قالوا لي إنها فيها عيب مصنعي
    لأني عرفت حقيقة الوكاله بعد الفحص المجاني إلي قامو به في حركه منهم لإصطياد اكبر قدر من الناس إلي يخافون على سيارتهم
    لم اغير سير المكينه ولا فلتر البنزين اول مره إلا على حدود الـ200000

    ابداا معكم اولا رحلة الصيانة والتي كانت اقل المواجهات للسياره ,,بس كانت مزعجه في الأسعاار
    فقط بعدها تعرفت على محل قطع غيار النعماني إلي عرفته ايضا عن طريق نادي محبي هوندا
    السياره لم تواجه اعطال كارثيه او اعطال غريبه من نوعهاا
    اولا على الـ 140 الف تم تغير كراسي المكينه بعد الرجه على الـD او بعد السرعات العاليه 160 وفوق
    عند دخول السياره الـ200.000 كان فيه تهريب من صرة الزيت
    استغربت إنهم قالوا لازم يرفعون المكينه من السياره ...
    انا خلاص ضاعت علومي قلت كيف تشل المكينه عشان فيه تهريب من تحت؟
    يقول لي إن الكارتير مثبت تحت المكينه
    شلو المكينه من السياره وكأنهم انتشلوا قلبي معها :
    عدت للسياره بعد خمسة ايام وجدتها بحالة يرثي لها ,,قابعتن في الورشه هناااك ,,,غطى الغبار شمعاتها,, و اثار ايادي العاملين على جسدها من كل مكاان ,,
    تلطخت بالسواد ,,احسست بها وهربت بها مسرعا خارج الورشه
    غسلتها ونفضت عنهاا غبار الذكرى السئيه التي قضتها بالورشه
    كانت خمسة أيام عصيبـه علي وعليها والحمدلله الذي رجعها لي سليمه بعد ما عبثت بها ايادي الفنيين ولكن للظروف احكـام ض1
    ومن بعدها لم اشتكي من السياره وسأوجز لكم بإختصار اعمال الأعطال والصيانه العامه
    -دريشة السواق الموتور خرب وعلق علي
    الحل استبداله بواحد تجاري تايواني
    بـ200 ريال عن الأصلي بـ1110 ريال ,,!
    يمشي الحال وكمل معااي حدود السنه وبدا يعلق بعض الأحيان بس اخليه لين يبرد الموتور وترجع الأمور تمام
    - الرمانات بلي الأماميه
    تعرف خرابهاا
    من صوت يطلع تتوقع إنه من المكينه وهو من الكفر
    حط السياره في الفاضي والسيااره تمشي 40 إذا سمعت الصوت معناته من الرمانات
    الحل غير الإستبنـه,,,!
    الحل اكيد إنك تغير الرمانات بعد
    وهذي صورة لما فكو الرماان من الهووب


    2-المقص اليمين
    غيرته من زمااان ما اذكر متى,, السبب صوت طقطقه غريبه
    3- جلد المقصات غيرتها مرتين
    ما ادري احس طولت ماغيرتهاا للحين بس لما اشيك عليها يقول لي مايحتاج تغيير وسليمه
    4- اصلاح مع اللي حق الدركسون وقضيت على مشكلة الدركسون ,, مع مراقبة نقصان الزيت وتعبئته بزيت تجاري ولا انصح به ولكن للظروف أحكام أيضا خخ
    5- خرط الهوبات وتغير الفحمات
    ارتحت لما غيرت الهوبات الأماميه وركبت فحمات نيشن من سالفة انعدام الهوب بسرعه او نهاية عمر الفحمات
    السياره بتوصل الـ90 الف والبريكات بحالة جيده جدا من ركبت فحمات نيشن ,,
    6- تنظيف الثروتل بدي بين فتره وفتره
    7-تغير السنتر لوك لباب الراكب اليمين بواحد تايواني بـ70 ريال وللحين تمام ,,الأصلي بـ300 ريال
    وبالنسبه لموية الرديتر بعد 290 الف قطعتها السياره كنت اعبي طول هالمده مويه حلوه من عند الباب والأمور ماشيه تمام ياربي لك الحمد
    لكن في الفتره الأخيره فضيت المويه من الرديتر واستبدلتها بموية حمراء من باب التغيير
    اللمبات الداخليه قليلة الخرابات إذا شفت ان اللمبات قامت تخرب
    قلل على الإضاءه الطبلون وخل النور إلي فوق يكون طافي إذا فتحت الأبواب,,,, هذا بيزيد من عمر اللمبات الداخليه
    ,,
    لا تقاوم بالسياره دام الأمر مايتطلب ذلك ولا تدعس فيها وتقومها بطريقه رياضيه مالها لزووم
    من بعد 200 الف بديت اغير الأشياء الإستهلاكيه بإنتظام والسياره تتحمل حتى 100 الف بالنسبه لفلتر البنزين بس راح تشوف العزم يضعف
    بالنسبه السياره خذيتهاا سياحي وقد ماقدرت إني اغير من شكلها الخارجي

    بداية من رش الزعانف بنفس لون السياره
    وتغير جنوط السياره من 15 إلى جنوط 16 بكفرات دنلوب ولن انسى ايام هذه الكفرات ,, كنت ادخلها منعطفات على 150
    وانا اطبل على الدركسون من الثقه بالكفراات ورساوة الأكورد ;)

    طبيعـة سواقي مزاجيه بكل ماتحمله الكلمة من معنـى ,,! يعني مره رايق تشوفني نظاامي
    مره معصب تشووف انوااع المشااكل على الطريق خخخ
    وانا توني شاريهاا

    وهي على وشك الدخول بـال300 الف

    ومع ذلك ماشفت أي خراب ناتج عن سواقتـي ,, مطباات ,,واتذكر طحت بشارع محفور وفي نهايته الشارع القديم طبعاا صاير زي الرصيف آخره
    ضربته بقوه وعلى سرعه
    شيكت على السياره وسوست يومين ونسيته وماشفت شي من الضربه والفضل يعود لله طبعاا
    كل الخرابات كانت طبيعيه جدا ونتجيه اخطاء مصنعيه خارجه عن ارادة وطبيعة السياره ,,
    الحــوداث
    الله يكفيكم شرها
    الحوادث نوعين



    حادث احد يبتيلك
    وحادث انت تبتلي نفسك وتبتلي الطرف الثاني
    1-
    عانيت من بوية السياره والحمدلله على كل حال ,,


    طبعا انا المتسبب الأول والأخير في هذه السالفـه<<
    اخوكم في الله كان فاتح باب السواق و كنت مشغول بمكالمه بالجوال ومن الدلاخه ,,,والباب مفتوح نسيت اقفله والسياره ترجع ورا وضرب الباب في عمود البايكـه ((الكراج))
    وبدات رحلة المعاناة والبحث عن الحلول


    احسب كل الصباغين زي بعض وإنها صبغه ورقم لون وخلاص
    ياطويلين العمر و السلامه انرش الباب عند نفس الورشه 3 مرات حتى يطابق اللون ولا طابقـه
    لين صارت سيارتي معروفه من بابها إلي له لون مختلف فاااتح عن باقي لون السياره
    دخلت المنتدى ودلني المباشر علي ,,على ورشة اللمسة الفنيه ما ادري التقنيه المهم إنها في لمسه ,,
    ووديتها هناك وقالوا نرش الجمب كامل



    رش يامال العافيه هي خاربه خاربه



    ورش والحمدلله رجع اللون زي ماكااان
    وهذي صورتها وهي بالورشه

    2-
    ضربه في الرفرف الخلفي من اليسار وخليته ماسويت له شي ,,
    3-
    الكبوت نسيته مفتووح وانا ماشي طلع بوجهي وكسر القزازه الأماميه




    سألت عن الكبوت قالوا غالي



    والورش قالوا مايتمسكر الكبوت
    بس بالحقيقه يتمسكر وسمكرووه بدون شق ولا قص مع ضمااان سنه ,,هو عطاني إياه من نفسه


    4-بعد سالفة الكبوت بشهر
    حكيت سوااق من الجمب ودخل الباب والرفرف الأيمن بشكل خفيف والمرايه راحت
    الباب خذيت واحد تشليح بـ1500


    والرفرف شريت واحد ايضا من التشليح لكن هو للفل فيه اشاره



    قالوا لازم ينرش بس الورشة إلي سمكرت فيها الكبوت عطوني كلمه إنهم راح يرجعون الرفرف بأقل كمية من المعجون ض1
    طبعا قلت الحل عشان لا ارجع لسالفه البويه من جديد
    رشيت الجنب الأيمن الكامل مع الوجهيه كامله ( الرفرف اليمين (المتمسكر) والصدام والرفرف اليسار والكبوت
    والنتيجـه ,,,
    بالنسبه للإكسسوارات الداخليه
    كنت اتمنى اركب جلـد ولكن سعره غالي



    اولا ,,
    فقلت اقلهاا دامني مغرم بالجلد انّجد الطاره جلد واتمتع بلمس الجلد واحسس نفسي إني مركب جلد عشان اعيش الجو مع نفسي ض1
    وهذي صورة للطارة باالتنجيد





    شطحة توني تذكرتها :-
    ياشباب الورش المتمرسه وإلي تبي شغلها اوكيه


    مثلا لو الباب عندك يحتاج بويه يرش لك الجنب كامل حتى يصير في شي اسمه ويضبط معك ولا يكون في اختلاف بالألوان , coloration
    السياره يوميا تقطع 200 كيلو
    و80 كيلوا تقطعها على سرعة 160 إلى 180 يومياا
    وبالنسبه للعزل للأكورد
    ردئ جدا جدا
    والرساوه
    ممتازه لأبعد حد
    الجوده والقوه والتحمل والكرف
    لايعلى عليها
    وبخصوص اصوات الديكور
    للأسف حاولت اطلع العيب بالسياره حتى ماا اكون متعصب
    بس مافي لااصوات ديكور ولا شي


    الديكور متماسك بشكل قوي


    في النهاية اتمنى الموضوع يكون خفيف وإني مانسيت شي او افادة ولا ذكرتها واتمنى إنكم تستفيدون من هالموضوع


    ونصيحه ياشباب لا تتعصب عشان الأكورد وتسبب حساسيه بينك وبين اخوياك او بين أي احد
    خاطبه على قد عقله وعلى قد معلوماته ولا تحاول تقنعه إذا شفته مقتنع بسياره ثانيه ,,
    عيال النيدو الجديدين على الأكورد وهوندا العريقه
    حاول ان تتكلم معهم على قد عقولهم
    وإن ذكروا سلبيات الأكورد
    فسلك لهم وخفف عنهم مابداخلهم
    فأنا والله العظيم لا اعلم حتى الأن ماهو سبب حقد البعض على الأكورد ,,!
    لا تخبره عن نظام التعليق المستقل بالأكورد والأمان ,,لأنه لن يعرف عنه شي دام نظرته محدوده على تلك السيارات,,
    اقولها بكل امانه
    الأكورد سياره من الطراز العالي والنادر ,,
    الأكورد سياره لا يعرف سرها إلا من يجلس خلف مقودها ,,
    التعديل الأخير تم بواسطة فـــيـــصـــل..607.. ; 27-01-2012 الساعة 02:38 PM

  2. #2
    دلـخ ومعـه اكـورد
    تاريخ التسجيل
    07-2008
    الدولة
    الجبيـــــل
    المشاركات
    827

    افتراضي

    الحين كنت مبعد بين الخطوط لما سويت تحرير رجعت محشوره بين بعض

    وش نظام هالمنتدى حتى اصلا لما تنزل موضوع يطلع لك صفحة غريبه وتتوقع إن موضوعك مانزل لذلك تحصل بعض المواضيع مكرره ثلاث مرات من عضو واحد


    للتنويه فقط

  3. #3

    نايس

    يعطيك العافيه مقصرت بس يا خوووي دخلت جووو معك انا :d
    حسيت انها فلم هندي
    بجد اتمنى لك قياده ممتعه بس لا تسرع كذا 200
    ارفق بروحك ويعطيك العافيه على الربورتاج الجميل ننتظر الصور

  4. #4
    عضو نشيط
    تاريخ التسجيل
    08-2009
    الدولة
    المدينة المنورة
    المشاركات
    188

    افتراضي

    ماشاءالله
    الله يباركلك بسيارتك ويبعد عنك شرها
    تجربتك مثيره والمشاكل اللي واجهتها تبين مدى تحمل الاكورد

  5. #5
    عضو فعال
    تاريخ التسجيل
    11-2010
    الدولة
    جده المكرمه
    المشاركات
    295

    افتراضي

    تنظيف الثروتل بدي بين فتره وفتره

    الله يعطيك خيرها ويكفيك شرها

    ممكن تقولي ايش يعني الثروثل بدي هل هيا البخاخات؟؟ عشان مني عارف فيه نفر يقولي بخاخات وفيه نفر يقولي شكمامنات

    ياريت توضحلي

  6. #6
    عضو فعال
    تاريخ التسجيل
    08-2010
    الدولة
    Behind you
    المشاركات
    778

    افتراضي

    الله يعطيك من خيرها ويكفيك شرها

    لكن بعض الصور ماطلعت ترى

    انا الصراحه صار لي موقف مع الاكورد قبل 3 اسابيع خلاني اغيير رائيي 100% عنها .. قسم بالله مافي زيها من فئتها

    والاكورد سيارة اعتمادية درجة اولى .. يعيبها بعض العيوب المصنعية "لكنها تهون قدام بعض السيارات الثانية"وسوء الوكيل واسعاره المرتفعه وقطعها الغالية

    لكن الزين سعره فيه


  7. #7
    أنا صورة من الماضي .. أنا الماضي بلا معنى ..
    تاريخ التسجيل
    06-2011
    الدولة
    no place2 live
    المشاركات
    581

    افتراضي

    آسلوبكٌ حلؤؤ ,, ي زينهٌ

    عقبآل المليون كيلوو ..

    ويصككٌ عبدالله هآشم بآكورد جديدةٌ

    وتبتلش في علبة الدركسون هع


  8. #8
    % جيفارا %
    تاريخ التسجيل
    11-2008
    الدولة
    جــــــــدة
    المشاركات
    1,162

    افتراضي

    ماشاء الله تبارك الله

    الاكورد معروفة بجودتها العالية واعتماديتها وهالشي من واقع تجربة موديلين 96/2009

    صحيح فيها عيوب وماننكر هالشي منها (العزل / وغلاء قطع الغيار >وهالشي بسبب الوكيل/صوت ديكور الشنطه)

    لكن الايجابيات اكثر من السلبيات بكثييييييير

    وانتشرها بشوارعنا اكبر دليل على تفوقها


    الله يعطيك خيرها ويكفيك شرها

  9. #9
    عضو فعال
    تاريخ التسجيل
    07-2010
    المشاركات
    463

    افتراضي

    ماشاءالله تبارك الله ...

    عقبال ال 1000000

    كفيت ووفيت اخوي

  10. #10
    عضو فعال
    تاريخ التسجيل
    01-2012
    الدولة
    الرياض
    المشاركات
    859

    افتراضي

    اقتباس المشاركة الأصلية كتبت بواسطة غاب القمر مشاهدة المشاركة
    الله يعطيك من خيرها ويكفيك شرها


    لكن بعض الصور ماطلعت ترى

    انا الصراحه صار لي موقف مع الاكورد قبل 3 اسابيع خلاني اغيير رائيي 100% عنها .. قسم بالله مافي زيها من فئتها

    والاكورد سيارة اعتمادية درجة اولى .. يعيبها بعض العيوب المصنعية "لكنها تهون قدام بعض السيارات الثانية"وسوء الوكيل واسعاره المرتفعه وقطعها الغالية

    لكن الزين سعره فيه

    غاب القمر ماعرفنا لك ,, كل يوم ولك رأيي مرة تذمها ومرة تمدح

  11. #11
    دلـخ ومعـه اكـورد
    تاريخ التسجيل
    07-2008
    الدولة
    الجبيـــــل
    المشاركات
    827

    افتراضي

    اقتباس المشاركة الأصلية كتبت بواسطة ميثم الاحمد مشاهدة المشاركة
    يعطيك العافيه مقصرت بس يا خوووي دخلت جووو معك انا :d
    حسيت انها فلم هندي
    بجد اتمنى لك قياده ممتعه بس لا تسرع كذا 200
    ارفق بروحك ويعطيك العافيه على الربورتاج الجميل ننتظر الصور
    فلم هندي بس بدون رقص :d

  12. #12
    دلـخ ومعـه اكـورد
    تاريخ التسجيل
    07-2008
    الدولة
    الجبيـــــل
    المشاركات
    827

    افتراضي

    اقتباس المشاركة الأصلية كتبت بواسطة sairex مشاهدة المشاركة
    ماشاءالله
    الله يباركلك بسيارتك ويبعد عنك شرها
    تجربتك مثيره والمشاكل اللي واجهتها تبين مدى تحمل الاكورد
    الله يجزااك خير يالغلا

    والأكورد تتحمل اكثر ,,

  13. #13
    دلـخ ومعـه اكـورد
    تاريخ التسجيل
    07-2008
    الدولة
    الجبيـــــل
    المشاركات
    827

    افتراضي

    اقتباس المشاركة الأصلية كتبت بواسطة غسانR مشاهدة المشاركة



    الله يعطيك خيرها ويكفيك شرها

    ممكن تقولي ايش يعني الثروثل بدي هل هيا البخاخات؟؟ عشان مني عارف فيه نفر يقولي بخاخات وفيه نفر يقولي شكمامنات

    ياريت توضحلي
    ياطويل العمر
    الثروتل هو البوابه حقة دخول الهواء
    هي البخاخات وشفيني اتفلسف :d

  14. #14
    دلـخ ومعـه اكـورد
    تاريخ التسجيل
    07-2008
    الدولة
    الجبيـــــل
    المشاركات
    827

    افتراضي

    اقتباس المشاركة الأصلية كتبت بواسطة غاب القمر مشاهدة المشاركة
    الله يعطيك من خيرها ويكفيك شرها

    لكن بعض الصور ماطلعت ترى

    انا الصراحه صار لي موقف مع الاكورد قبل 3 اسابيع خلاني اغيير رائيي 100% عنها .. قسم بالله مافي زيها من فئتها

    والاكورد سيارة اعتمادية درجة اولى .. يعيبها بعض العيوب المصنعية "لكنها تهون قدام بعض السيارات الثانية"وسوء الوكيل واسعاره المرتفعه وقطعها الغالية

    لكن الزين سعره فيه

    هلا بك
    والأكورد ماتحتاج شهادة احد ;) كلنا نعرف ونشهد للأكورد بقوتها و جودتهاا وإلي للحين ماندري عن جودتها اي شي

    وحيااااك

  15. #15

    افتراضي

    والله آسف جدآ اخؤوي مآ قدرت اقرأ الموضوع .. آلتنسيق جدآ معدوم :( .. الله يبآرك لك وعقبآل الـ 3000000 :d

  16. #16
    عضو فعال
    تاريخ التسجيل
    03-2010
    الدولة
    الطآئف
    المشاركات
    1,425

    افتراضي

    ماشاء الله تبارك

    فعلآ اخوي الاككورد سيارة اعتماديه وقويه في الرساوة والجوده

    بس يعيبها اشياء بسيطه ولا كن هذا لا يقلل من قيمه الاكورد

    الله يعطيك من خيرها ويكفيك شرهآ

    .....

    شطحه :d

    عندك لمبة abs مولعه

  17. #17
    عضو نشيط
    تاريخ التسجيل
    12-2010
    المشاركات
    114

    افتراضي

    شكرا على الجهود والله يعطيك العافيه

  18. #18
    مشرف عام الصورة الرمزية ملك قوقل
    تاريخ التسجيل
    07-2010
    المشاركات
    1,195

    افتراضي

    ماشاء الله تبارك الله
    الى الامام ياغالي
    والله من افضل السيارت اللي شريتها في حياتي مع ان مسيرتي في السيارات طويله
    اكورد 2005 سبيشل
    اكورد 2005 فل
    اكورد 2007 فل اسود سته سليندر
    اكورد 2007 فل ابيض 4
    كرايسلر 2007 هيمي
    لومينا 2007 ss
    اكورد 2009 v6
    كابريس 2008 ss
    لكزس 350 es 2008
    يوكن دينالي 2008
    وحالياً اكورد 2005 فل
    لانها والله سياره يعتمد عليها من الالف الى الياء صحيح ان عزمها لك عليه مقارنه بالسيارت اللي شريتها لكن كمستخدم رائعه جدا وصدقني لو كان في منها جديد كان شريت بدون تفكير مع العلم بأن اللي معاي حالياً ماشيه اقل من ال50 الف (ماشاء الله )
    على العموم بارك الله فيك اخوي فيصل وما قصرت ياغالي
    ابو ماجد
    سبحان الله وبحمده سبحان الله العظيم

  19. #19
    عضو فعال
    تاريخ التسجيل
    10-2010
    الدولة
    جدة
    المشاركات
    281

    افتراضي

    الله يعطيك خيرهآ ويكفيك شرهآ يآ فيصل ,, وفيت وكفيت في طرح الموضوع ,,

  20. #20
    عضو نشيط
    تاريخ التسجيل
    01-2010
    الدولة
    الرياض
    المشاركات
    162

    افتراضي

    مـآشـآء الله تبآرك الله ربي يعطيك من خيرهآ ويكفيك شرهآ وعقبآل المليون وصدز الهنآدي موتر تبيه رسآوه يعطيك تبيه رسم يعطيك تبيه شبآبي يعطيك تبيه خشآت يعطيك :d بس الجد كتبت فآـآبدعت

  21. #21
    عضو فعال
    تاريخ التسجيل
    08-2010
    المشاركات
    2,389

    افتراضي

    ما شاء الله تباركـ الله

    و أخيرا نزل التقرير :d

    و عقبااال المليون كيلو ان شاء الله و عقبال سيارتي بعد :d

    و الله يكفيك شر الحاسدين

  22. #22

    افتراضي


    اي اي يا فيصل عطوونا يا الاكورديين القديمين من هالكلام الزين و الوصف الشااعري ,,

    بس وصفك لماا طلعوا المكينه مش طبيعي اجل اثار ايادي العاملين عليهااا :d

    عقبااال 1000000 كيلوو

    تعييش الاكوورد

  23. #23
    عضو فعال
    تاريخ التسجيل
    01-2010
    الدولة
    خميس مشيط
    المشاركات
    560

    افتراضي

    يعطيك العاااااااااااااافيه على التقرير الجميل ... وقبال المليون يارب الله يعطيك خيرها

  24. #24
    عضو فعال
    تاريخ التسجيل
    01-2011
    الدولة
    الرياض
    المشاركات
    482

    افتراضي

    يعطيك الف عافية اخيرا شفنا التقرير :d

    اما الاعتمادية والله انها دندونة كارف ابوها وهي خربانة خرابات لليل وش رايك بس زيت بنزين وامش

  25. #25
    عضو فعال
    تاريخ التسجيل
    03-2011
    الدولة
    المدينة المنورة
    المشاركات
    375

    افتراضي

    ماشاء الله عليك اسلوبك كذه
    الله يعطيك العافيه يااااارب على الموضوع

المواضيع المتشابهه

  1. تقرير اخراج الصدمات او (الطعجات) الخفيفه ادخل واستفيد
    بواسطة نـاعسـ الجفن..! في المنتدى هوندا اكورد Accord
    مشاركات: 17
    آخر مشاركة: 28-01-2011, 12:40 PM
  2. الـوكـآلـه-تجربتي لها-صور
    بواسطة اكورد الهلالي في المنتدى هوندا اكورد Accord
    مشاركات: 14
    آخر مشاركة: 28-01-2011, 09:57 AM
  3. تجربتي مع التنقيط للحكات الخفيفه
    بواسطة saudiboy في المنتدى هوندا اكورد Accord
    مشاركات: 10
    آخر مشاركة: 19-10-2009, 07:41 PM
  4. تجربتي من 91 إلى 95
    بواسطة xxxsalhxxx في المنتدى هوندا اكورد Accord
    مشاركات: 11
    آخر مشاركة: 07-09-2009, 10:21 PM
  5. سبب عشقي لايطاليا
    بواسطة carpi.ch في المنتدى إستراحة النادي Break Club
    مشاركات: 8
    آخر مشاركة: 04-04-2008, 08:44 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 144.08 Kb. compressed to 125.54 Kb. by saving 18.54 Kb. (12.87%)]