السلام عليكم ورحمه والله وبركاته
انا معي اكورد 2013 وماشيه 207000 الف راح اول شي اعرض لكم تجربتي مع الحلول وبعدها راح اعرض لكم مشكله صايره وما لقيت لها حل وابي مساعدتكم
اشتريت السياره وهيه ماشيه اصفار بعد ممشى 50 الف حسيت انه السياره فيها رجه مع المكيف وديتها على صيانه 50 الف وبعد الفحص قالي غيرنا لك كرسي المكينه الي في اليسار جنب قربه المويه حقت المساحات طيب مشت السياره 100 الف ووديتها للصيانه وسويت لها صيانه وطلع فيها جلده العكس مقطوعه وصلحوها على الضمان طيب الان السياره خارج الضمان حلو بعد ممشى 112 بدت مشكله صوت شداد السير رحت اشتريت شداد كامل وغيرته مع سير المكينه لانه الوكاله نصابين ياخذون فلوس ولا يغيرون شي في السياره المهم بعد ممشى 156 رجع وخرب شداد السير قلت سلامات اروح اشتريه مره ثانيه المهم رحت اشتريت بكره لشداد اصليه 260 وركبتها 50 لانه الشداد غالي المهم واختفى الصوت على ممشى 170 خربت جلده غطى المكينه رحت اشتريته وركبته طيب على ممشى 198 رجع صوت الشداد المهم المشكله الي صايره هل في حل لمشكله الشداد الي مجنني والمشكله الثانيه الي طلعت الان انه صار في الصوات في الكفرتين الاماميه مع الطريق المكسر كانه في حديده مرتخيه
اما بخصوص مشكله مسحيه الكفرات الخلفيه للاكورد شي طبيعي لانه اصلن وزنيه الكفرات الخلفيه تجي من الوكاله لزياده ثبات السياره الحل انا اول ما شتريت السياره كان عليها كفر ميشلان بسم الله ما شاء الله كمل مشى معي الى 150 الف بدون مسحيه بس صار محبل وبعدها غيرت كفر كوري ومشيت عليه 40 الف الممشى 180 الف الا متفاجئ انه انمسح وقرب تطلع الاسلاك يعني بكل اختصار الكفر الممتاز للاكورد هو ميشلان ما يصير فيه مسحيه بس مشكلته يصير محبل بعد سنه ونص والان غيرتها بكفر ميشلان وما شاء الله مثل الحلاوه المهم نرجع للموضوع
ياليت الي عنده خلفيه على موضوع الشداد وموضوع الصوت الي في الكفرتين الاماميه

المواضيع المتشابهه: