النتائج 1 إلى 3 من 3

الموضوع: تغيير مسامير الهوب الأمامي

  1. #1
    عضو
    تاريخ التسجيل
    03-2018
    الدولة
    وسط الرياض
    المشاركات
    7

    افتراضي تغيير مسامير الهوب الأمامي

    السلام عليكم جميعا
    عندي هوندا أكورد 2008 استاندرد طيس جيت قبل كم يوم بفك الطيس أرشها المهم حصلت صامولتين في الكفرات الأمامية مجيمة وعيت تطلع توصل لنصف المسافه او نهايتها وتصير تدور مكانها صامولة أمامي يمين وصامولة امامي يسار
    المهم مثل ما انتوا عارفين المسمار اصبح تالف بهالحالة والآن ماشي على 4 مسامير لكل طرف بدل الخمسة
    هل يضرها شي بهذه الحالة علما انه ما فرق معاي اي شي رجه او اي شي آخر وهل يمديني اغيرها بسهولة ؟ شفت كم موضوع على الانترنت يقولون في صاجه خلف المسمار ولازم فك الرمان .... الخ ...
    أفيدونا جزاكم الله خير واللي يعرف ورشة تزبطها أكون لكه من الشاكرين

  2. #2
    عضو
    تاريخ التسجيل
    03-2018
    الدولة
    وسط الرياض
    المشاركات
    7

    افتراضي

    هلا بالجميع
    27 مشاهده ولا رد
    بفيد الجميع بتجربتي بعد ماقطعت الأمل من الرد علما أنها كانت مجازفه بالنسبة لي هذه اول مرة السيارة تطب ورشة غير الوكالة
    رحت الورشة وفكيت الهوب وفعلا ما يطلع الا بفك الرمان مخرطه .... في حل واحد فقط وهو ازاحة الرمان شوي لورا بالمخرطه وسحب المسامير المتضررة بعدين اعادته بكبس المخرطة او انك تقص المسمار وتسحبه والمسمار الجديد تنزله من الخلف ولكن بتضطر الى انك تحفر شوي بالجرم اللي خلف الهوب ويمكن تقصر المسمار شوي وانا ما فضلت هالعملية
    عن نفسي فضلت اغير الرمان لأن السيارة مشيت 150 كلم على الرمان وفي بداية صوت خفيف عند التهدئة يطع من الرمان وطبعا كعادة اي عملية اصلاح يطلعلك اي شي مانت عامل حسابه انا طلعلي الفحمات قريب تنتهي
    التكلفة كالتالي
    الرمان الواحد 200 ريال وكالة وليس تجاري او ياباني ( الباباني يمدحوه ب 90 ريال فقط )
    المسمار مع الصامولة 30 ريال أصلي وكالة ( التجاري حول 15 ريال )
    الفحمات الأمامية 210 أصلي وكالة ( ماسألت عن التجاري ولكن اعتقد حول 90 ريال )
    مخرطة خرط هوبات مع كبس رمان وتركيب المسامير 80 ريال
    أجرة يد 120 ريال
    والحمدلله الأمور طيبة والشغل اخذ يادوب ساعة زمن الى ساعة ونص عند ورشة مختصه بالهوندا

    عيوب الإصلاح بالورش عديدة منها انك لازم تفضل واقف فوق راسهم تماما علشان لا يجيب العيد بشي مثلا فط الكليبر وبيتركه متدلي بينما هو لازم يربطه بسلك او اي شي علشان لا يتدلى
    طبعا لو سيارتك لون اسود خذ انواع الخدوش بعد العمل
    واكيد بعد ما خلص جا بيركب السيارة علشان يدبل فرامل الحمدلل لحقه قبل لا يركب وووووووووووووووين يابو الفرش مخمل بيج يلق لق ماشاء الله من النظافه ولا خليته يطب السيارة
    لازم تجيب شي معك ورق او جرايد علشان تحطها على ارضية دعاسة السائق لأن انت نفسك بتصير رجولك كلها زيت من الورشة
    وسلامتكم

  3. #3
    عضو
    تاريخ التسجيل
    04-2017
    الدولة
    ط§ظ„ط³ط¹ظˆط¯ظٹط
    المشاركات
    38

    افتراضي

    ما شاء الله عليك وتقريرك ممتاز جدا جدا

    والمعذرة منك لأني ادخل المنتدى من فترة إلى اخرى ولا كان افدتك بحكم انها مرت عليه في سيارة ازيرا نفس مشكلتك والحمد لله صلحتها مثل ما صلحت سيارتك

المواضيع المتشابهه

  1. مشاركات: 2
    آخر مشاركة: 20-06-2013, 01:46 AM
  2. الهوب
    بواسطة امير الحب في المنتدى هوندا اكورد Accord
    مشاركات: 2
    آخر مشاركة: 02-03-2012, 09:27 AM
  3. استفسار: تغيير الزجاج الأمامي
    بواسطة Moooody في المنتدى هوندا اكورد Accord
    مشاركات: 3
    آخر مشاركة: 10-05-2011, 01:06 PM
  4. ون ونه في الهوب الايسر
    بواسطة عنيد زمانه في المنتدى هوندا اكورد Accord
    مشاركات: 5
    آخر مشاركة: 08-02-2011, 01:19 PM
  5. طريقة فك وتركيب الصدام الأمامي + تغيير الأسطبات الأمامية ( فيديو )
    بواسطة THE SILVER ACCORD في المنتدى هوندا اكورد Accord
    مشاركات: 9
    آخر مشاركة: 21-06-2010, 09:46 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 45.43 Kb. compressed to 40.66 Kb. by saving 4.77 Kb. (10.50%)]