كم سعر الجنوط

**النيف** · 31-07-2006, 10:45 AM

شباب انا في الدمام

وابي مساعداتكم في تركيب جنوط لسيارتي الاكورد 2006

هي عليها جنوط اللي باللون الاسود وحجمهم 15

انا ابي اعرف مكان في الدمام ابادل معه بالتواير بس .... اللي هم ميشلان

واخذ تواير ميشلان حجم 16 مع جنوط الاكورد 2004

فما ادري كم بكلفني وهل بتصير السياره ترج في الخط

و و و ... نصايحكم

**accord-se** · 31-07-2006, 01:27 PM

اول شي نصيحه لاتبيع الي عندك خليهم على جنب ممكن تحتاجهم بعدين

ثاني شي ليش ماتركب جنوط 2006 بحكم سيارتك بهذا المديل و الناس تركب جنوط احدث من مديل سيارته

بتكون التكلفه حدود 2300

**النيف** · 31-07-2006, 02:07 PM

والله ودي بالجنوط القديمه افضل عندي يالحبيب

وعلى طاري البيع باخذ بمشورتك وما راح ابيع

بس صحيح 2300 تكفي لجنوط 16 مع تواير اللي تجي على الجنط الاصلي حق الوكالة

ومشكور يا اكورد سي على تجاوبك

**الاخطبوط** · 31-07-2006, 02:33 PM

الاسبوع الماضي ولد عمي مركب جنوط 16 بـ 1850 بالغرابي مع الكفرات بالغرابي

السيارة موديل 2003 والجنط جنط 2003-2005 بس الكفرات ماهي ميشلان ناسي اسمها والله بس هي كفرات اكورد 2003 وفيه رجه على خفيف يعني اللي مايدقق مايلاحظ

او يمكن هو موسوس

**النيف** · 31-07-2006, 07:33 PM

مشكور اخوي الاخطبوت

والله حلو دامه بهالسعر

بس بغيت تاكد لي اذا كانت الرجه من الجنوط ولا من التواير

انا اضنه من التواير لان سعرهم رخيص اذا على كلامك

الشباب اللي عنده تجربه مع الجنوط التجاريه يا ليت يكتبها لي

وياليت يكتب اسم المكان والتواير وش نوعها

لاني ابي اركب نفس نقش تواير الوكاله ونفس حجمهم بالضبط

بس الجنوط تجاريه .... واذا فيه اصلي يارليت تكتبون لي سعرها

ومشكورين

**اكورد الجنوب** · 01-08-2006, 08:27 AM

المشاركة الأصلية كتبت بواسطة الاخطبوط

الاسبوع الماضي ولد عمي مركب جنوط 16 بـ 1850 بالغرابي مع الكفرات بالغرابي

السيارة موديل 2003 والجنط جنط 2003-2005 بس الكفرات ماهي ميشلان ناسي اسمها والله بس هي كفرات اكورد 2003 وفيه رجه على خفيف يعني اللي مايدقق مايلاحظ

او يمكن هو موسوس

قد تكون الكفرات قود ير لانها كانت تنزل من الوكاله بها

**NEO FOX** · 01-08-2006, 01:01 PM

السلام عليكم

هو الأكورد جنوطو 15 ولا 16 ؟؟؟

... ولا تفرق الشغلة بين الفل اوبشن و العادي ؟؟!!

عموما اذا ممكن اشضاركك برأيي المتواضع ... ركبلها 17 او 18 انش و ابعد عن شكل الوكالة ؟؟!! ... اذا كنت بتركب جنط عشان تتميز و تفرح بسيارتك ... و ين التميز اذا حتشتري جنط مثل الوكالة ؟؟!!

طيب شوف الصورة الي تحت

مدام السالفة فيها فلقه ... افلق نفسك صح ... و ركب شي حلو ... ولا خلي جنوطها عليها ...

انا لي تجربة مع الجنوط التقليد ... ركبتها على تيرسل ... و كمارو ... و رانجلر ... و قريبا على الأكورد ... (( واحد معاه جنوط و كالة )) ... بصراحة ماعمري اشتكيت منهم ... التيرسل ركبت الجنوط عليها ... و صقعتبها رصيف ... الجنط جاتة طعجة في الشفة بس لا انكسر ولا خرابيط ... حتى رجة مافي (قولو ماشاء الله) ... لكن حتى أكون صادق معاك ... مرة واحد من الشباب انكسر الجنط و هو على خط و مسرع ... و صدقني الحادث بشع ... لا تقولي ايش الي كسرو مو تقول انو كان معاك تمام ... بجاوبك والله ما ادري ، انا معاي تمام لكن مع صاحبي مو تمام ... عشان كذا انا انصح تاخد جنط اصلي و حلو في نفس الوقت ... حتى بأذن الله ما ينكسر و تقول انا ما أدري ليش انكسر مثل صاحبي ;) ... و يجعلنا كلنا سالمين وسامحنا على كثر الحكي

على فكرة انا ما ركبت ابد الا برجستون و بس ....بلا اندنوسي بلا صيني ... احنا بالسعودية عندنا حر محد يشوف مثله ... و شوارع الله بالخير ... خلي الصيني عند أخل الباندا ... و خذ كفر عدل ...

اسعار الجنوط تختلف على حسب النوع و الحجم و الصناعة ة الموديل ... و كمان بلد الصنع ... يعني لو اشتري للأكورد حقي جنط 18 (انشاء الله) من امريكا ما بيكون بسعر جنط ابوكلب مقاس 15 من كيلو 2 بجدة لكن ارخص جنط شفتو في حياتي مقاس 15 تقليد كان بـ 1200 ...

تحياتي

**النيف** · 01-08-2006, 02:55 PM

نيون فوكس ما شاء الله عليك

من جد اقنعتني لما حطيت صورت التاير الاصلي والتاير الزينه

الظاهر يبي لي جنط مقاس 17

اكشخ .... واميز

يعطيك العافيه

**النيف** · 01-08-2006, 03:01 PM

اخر سؤال عندي

الجنوط ال 17

معليش شباب شوي غشيم بس استحملوني

اسمع يقولون انه اذا ركبت جنوط اكبر من اللي جاي على الوكالة تصير تحس بالمطبات قويه

و تتعب الادرعه ومدري شنو ..... الخ

هل هذول بشريه مهووسه ولا صحيح كلامهم

ووين الاقي جنط ما ينكسر اقصد اصلي مو مشكلة ان كان بالشرقيه ولا الرياض

المهم اصلي

**NEO FOX** · 02-08-2006, 07:38 AM

النيف

أقول .... !!! .... قم بس قم

بلا مطبات بلا اذرعة بلا ابهام رجل :d ... واحد مسوي فيها معصب !!

حبي روح لأي محل تلغيم في مدينتك اذا حبيت تتأكد ... ولا مكانيكي ... واسأله ... عسان تتأكد ... انا اول مرة اسمع بالموضوع هذا.

المهم

ركب 18 و ادعيلي ... ;)

و بالنسبة لباقي اسألتك ... ماعندي خبر لأني اشتريها من امريكا ... لكن اتذكر في محلات بالرياض و جدة كثير يبيعو شي نظيف مو جنوط الأمارات !!

انتظر اسمع منك اخبار حلوة ... و هل ركبت ولا لا و من وين و بكم !!! ... ((واحد ناشب)) :d

تحياتي

**النيف** · 02-08-2006, 06:04 PM

نيون فوكس

<---- عامل فيها معصب

مشكور على التهزيئ:d

والله انك محمسني بزياده على الجنط ال 18
وش تنصحني بالماركة اللي اخذها بالنسبه للجنوط لاني بصراحة ث**** ببرسيمه

اساس ما يطلع لي بنقالي ولا هندي ويتفلسف علي بنوع ( تلفيق ) ;)

ولك مني يا نيون فوكس احط لك صورة السياره بالجنوط الجديده :d اساس تشوف وتحكم

على فكره راس مالي في الجنوط بالتواير 4000 ريال يكفو ولا نتم على الحديد:o

يالله مشورتك وهداية الله

واشكر تفاعلك معي

**الاخطبوط** · 02-08-2006, 07:56 PM

نيو فوكس لاتخرب الرجال

اول كان عاقل ويبي يركب جنوك 16 الحين وصلتها 18

الله يستر بس بالتوفيق باي نوع تبيه والله يكفينا واياكم شر الحوادث

**النيف** · 04-08-2006, 12:08 AM

المشاركة الأصلية كتبت بواسطة الاخطبوط

نيو فوكس لاتخرب الرجال

اول كان عاقل ويبي يركب جنوك 16 الحين وصلتها 18

الله يستر بس بالتوفيق باي نوع تبيه والله يكفينا واياكم شر الحوادث

الاخطبوط :d

اذا ممكن تقول لي

جنوط اكورد 2004 صيني ب 900 ريال مقاس 16 حلو ولا غالي ؟

**الاخطبوط** · 04-08-2006, 05:09 PM

حلو بس كثر كتشب خخخخخخخخخخخخخخخخخخخخ

لا والله سعر طيب

**النيف** · 04-08-2006, 05:20 PM

طيب الكاتشب ما يطلع السياره من الضمان :d

**الاخطبوط** · 04-08-2006, 05:50 PM

الكتشب مشكلته انه احمر مثل لون الاسهم وهي نازله :(

اتوقع اذا صارت مشكله بالسياره نعم يروح الضمان لكن مو اكيد

يفيدوك الشباب >>>> يمكن الهلال خخخخخخخخخ >>> شكله بيتصفق اليوم