الكفر صعررررررر لييييه

**ابو سعود** · 12-03-2009, 10:25 PM

السلام عليكم

اخواني اخواني

الكفر (وانتو بكرامه )

صعرر يعني طلع فيه صعرور

يعني زي الانتفاخ من الجنب

الصور لا تحضرني لاني ما لي خلق اصورها

بس المشكله اني غيرت اللي قدام من جهة السواق وغيرته مره وحطيت الستبنه وصار لها نفس الشي

شباب ابوي بغى يصطرني الا شوي

بس الله ستر

وش السوات يا شباب انا شكاي على ام الوكاله

واذا ما بدلوها لي بروح اشتكيهم على حقوق الانسان

واذا ما عطوني حقي الله ياخذ حقي منهم وحسبي الله ونعم الوكيل

والله يا شباب خويي معه كامري كل اسبوع داخله الصناعيه من الحوادث ولا صارلها غير السمكره شي ابد

لا فحمات ولا كفرات ومع انه يفحط عليها

لييييييييييييييييييييييييييييييييييييييييييييييييي يييييييييييييييييييييييييييييييييييييييييييييه لييييييييييييييييييييييه

حسبي الله ونعم الوكيل

لعن الله من (توت توت توت )

**rnkb2004** · 13-03-2009, 04:54 PM

هذا يا الغالي معناه إن الكفر حبل يعني لازم تغيره ضروووووووووووووووووري ولا بينصلخ عليك

**meshoo** · 13-03-2009, 05:14 PM

وش دخل الوكاله في الكفر رح اشتك لموزع كفراتك وبعدين كم لك سنه او كم شهر وانت تستخدم السياره على هالكفرات

وهذا سواء استخدام منك تحبيل الكفر او اذا توك شريت الكفر وصار له كذا ارجع لموزع الكفر نفسه

**O m a r** · 13-03-2009, 05:22 PM

صارت معي .. وفعلاً قبل ما تطلع ، كنت ضارب رصيف بجنب الكفر .. ورحت للوكيل ( ميشلان )
وتم الفحص عليها والنتيجـه : سوء استخدام لا يشمله الضمان .. الله يعين

وهذا طبيعي الكفرات التيوب لس تكون قويه لكن جوانبها ضعيفه وقابله لضرر وأقل ضربه رصيف على جنبها .. تنتفخ وتحبّل ..

**momo** · 13-03-2009, 07:49 PM

انا كفرين كذا واحد انصلخ واحد الحين بالاستبنه رحت ميشلان قالو المهندس يجي الاربعاء وسعر الكفر 900وشوي يؤ يؤ

**dhsv2** · 13-03-2009, 08:29 PM

المشاركة الأصلية كتبت بواسطة momo

انا كفرين كذا واحد انصلخ واحد الحين بالاستبنه رحت ميشلان قالو المهندس يجي الاربعاء وسعر الكفر 900وشوي يؤ يؤ

اف غاااالي يعني يصير اربعة كفرات3600 ريال
واااااااااااااااال الله يعيني كفراتي يبي لهاتغير بعد نص سنة :(

**ارص4180** · 13-03-2009, 08:49 PM

ممكن الكفر مخزن انتهت مدة صلاحيته اذا جديد يشمله الضمان

**امير المشاعر** · 13-03-2009, 09:43 PM

طيب مو مهم تاخذ لك مشيلان !!

خذ لك برجستون

تراها حلووه وشكلها حلوووو

ونصيحه مني ترى تقريباً سعرها حدود 600

ولكن شكل وخدمه ولا احلى

**Honda*2008** · 13-03-2009, 10:15 PM

اخوي انا اول ما شريت السياره طلعلي صعرور في الكفر الايمن الي في الامام
وركبت الاستبنه

**المباشر** · 14-03-2009, 05:47 AM

الكفرات اللي جايه من المصنع مع الموتر مايشملها الضمان

لاتتعب حالك وروح ركب كفر جديد ( والجديد هو اللي راح يكون مضمون من الوكيل اذا انصلخ ولا صار فيه شي )

**أبوعبدالله** · 14-03-2009, 06:08 AM

اخوي الوكاله مالها دخل بالمشكلة هذي

لانك احتمال حاك رصيف ولا ضارب فيه

علشان كذا الكفر يحبل

ومن ناحية كفرات ميشلات غالية على غير سنع

انا انتظر وقت تغييرها

لانها مووووو ذاك الزود

وقل لأبوك (هدي أعصابك)<<<<وش دخلك؟؟؟؟

**ابو سعود** · 16-03-2009, 02:04 AM

شباب كيف الحال
(تراه ستبنه )
انا مالي اسبوع مغيره
وصعرر وش ذار الكلام وما اكلت رصيف ولا مطب ولا حصى ولا شي منتبه باشوف وش بيصير له وصار اللي صار يعني من الوكاله شوفو انا رايح رايح بس احوال الجو ما تساعد المسافه بعيييييييييييييييييييييييييييييييييييييييييييييييي يييييييييييييده من جد وكل يوم قايلين الاحوال الجويه فيه موجه غبار وتحلف امي العزيزه اني ما اطلع من البيت ماذا افعل (اقعد والعب ولا اشوفلي صرفه )
المهم من يخاوي :d بيتشوت

**momo** · 16-03-2009, 02:45 AM

تعال ميشلان بطريق خريص المهندس يجييوم الربعء بس انا بروح لهم الاربعاء ان شاء الله

**ملك مملكة جدة** · 17-03-2009, 12:44 AM

ياخوي لا الشركة ولا حقوق الانسان الله يثيبك

الشغلة واضحك .. اسأل نفسك هل الاسألة

1 - ايش نوع الكفرات الي عليها .. هل هيا اصليه ولا لا ؟
2 - كيف سواقتك ؟ لا تقول لي محافظ .. ترا محافظة عن محافظة تفرق
3 - هل تطمر ارصفة ؟
4 - كم لك تستخدم الكفرات ؟

اذا كانت كفرات الوكالة و حصل معاك نفس المشكلة في كفرين .. لا و الاستبنة الثاني :

1 - يا انك تطمر ارصفة
2 - سواقتك مافيها ذرة محافظة

سلام

**ابو سعود** · 24-03-2009, 10:14 PM

اسمع يا طويل العمر

تخيل انك تركب كفر وتقعد اسبوع ويصعرر

وش راح يكون شعورك ؟؟؟

المشكله مو كذا المشكله اني رحت لهم وقالوا

ان الكفرات مب عندنا عند مشلان زاتها صيانه العن من كذا وش تبي

ما اقول الا الله لا يوفق من كانت بيده الامر وما عرف من يعطيه

ومشكورين وارجو اغلاق الموضوع