الموضوع: الوكاله ماعرفوا يصلحوها والحل طيب ؟؟

المشكله الأوله

أنا دايم أسمعها ولاعطيتها بال وأعتبرها طبيعيه لإن الحديد يبرد ويمكن يطلع صوت وخرابيط وبالنسبه لي مافرقت معي واجد


المشكله الثانيه موجوده برضوا عندي ووديت السياره لصيانة خريص وفيه هندي طويل نسيت إسمه والله

فتح الشنطه وفك المرتبة اللي وراء وجلس يفك ويربط ويرشّ حق الصدأ

ماطوّل والله

10 دقائق تقريباً وإختفى الصوت نهائياً


الله يعينك وأنا أخوك ويوفقك

نصر القصيم

الصوت غير طبيعي بتاتا البته صوت قوي جدا ماكان موجود بالسياره قبل واكيد الحديد يبرد بس درجه الحراره
وانا اخوك بالشرقيه ماهي بتحت الصفر :d
بالنسبه للصوت الديكور شكلي ابروح لوكاله خريص علشان يوخرون هالصوت وكاله الدمام مااااش ...

كاكاشي سان

خلاص هاذا هو الحل اذا رحت لم الوكاله فرع خريص قلهم وش سويتوا عشان يروح الصوت
وخلهم يعلموك وابد متى مارجعت الهفوف وصرت تسمع الصوت سووا مثل اللي يقولولك عليه
ولاتنسى تعلمنا بلييييييز :o

صوت المكينه غالباً يكون طبيعي لن مع مرور الوقت يتراخا الجنزير والبلوف من التقلص والتمدد والاستخدام

واغلب مكائن 4 سلندر كذا

وسيارتك 2008 استبعد وجواد مشكله في الجنزير انه خربان او البلوف تحتاج وزن

شغلة وسوسه

الاخ مطنش
هاذي مو أول مره يكون معي 4 سلندر ولعلمك هاذي ثالث أكورد معي وكلهم 4 سلندرالشغله مو وسوسه ...
أنا ماأتكلم عن صوت مكينه أو غيره المكينه صوتها طبيعي لكن وقت التشغيل اذا كانت الحراره ع السي
وجيت أشغل الموتر يطلع صوت مزعج مثل احتكاك حديد ببعضه جهه المكينه أو السلف صوت الله لايوريك
ومايطول يعني كلها ثانيتين ثلاث وبعدها ابد مايطلع ...

اتوقع انه من السلف
وش رايك نجرب نركب سلف سيارتي على سيارتك
وانا اللي بركبه بيدي :d
واذا صارت اوكي سيارتك
حلال عليك الســلف

واذا طلع صوت عرفنا انه مو من السلف ;)

مع اني شـبه متأكد انه من الســلف :(

الله يرضالي على هــنادي 2007 وبـــس

بالنسبة للمشكلة الاولى انصحك لا تسكت عليها
اما مشكلة الشنطة وما ادراكما الشنطة فردد ياليل ما اطولك كلنا في الهوى سوى .
تقبل مروري

المشاركة الأصلية كتبت بواسطة فيصل500

اتوقع انه من السلف
وش رايك نجرب نركب سلف سيارتي على سيارتك
وانا اللي بركبه بيدي :d
واذا صارت اوكي سيارتك
حلال عليك الســلف

واذا طلع صوت عرفنا انه مو من السلف ;)

مع اني شـبه متأكد انه من الســلف :(

الله يرضالي على هــنادي 2007 وبـــس

أهلين يا صقيقي فيصل
يا أخي انت أكوس واحد في الدنيا ... كل هايدي بتسويه لـــــ إلي :o حبييييييييييييييتك
الصوت من السلف او لا بصراحه ماادري احترت ... بعدين ياقلبي انت كل يوم تشغل سيارتي وسيارتك الصباح
ماعرفت الصوت من وين يطلع ... انت تشغل سيارتي اكثر مني :p
ليه العنصريه ياصقيقي ليه الله يرضالك ع ال2007 وش فيها زووووود
انت تدري كان معي 2006 واقولك ال 2008 احلى بواجد والاعتراف بالحق فضيله ;)
نورت يا بعدهم

المشاركة الأصلية كتبت بواسطة الدكتور محمد

بالنسبة للمشكلة الاولى انصحك لا تسكت عليها

اما مشكلة الشنطة وما ادراكما الشنطة فردد ياليل ما اطولك كلنا في الهوى سوى .

تقبل مروري

الدكتور محمد
شي اكيد ماراح اسكت وان شاء الله الاقي حل .. وبالنسبه لصوت الشنطه انت جرب حل الاخ توني يمكن يزبط معك ... كذا شخص هنا جربوه وصلح معهم ... وان كانها ع صوت الشنطه فهو يهون عن صوت ديكور باب السائق... وبيني وبينك الصوت مو مره عالي بس يرفع الظغط احيانا شوي
وشرفتنا يالغالي

المشاركة الأصلية كتبت بواسطة أكورداوي

هلا ماجد ..


أنا عندي هالصوت منذو مبطي والحمد لله ماشفت منه أي ضرر .. فأنا أقولك ريح بالك ولاتخاف .. لكن لامانع انك تبحث عن المشكله ,,



تقبل مروري يالغالي

اهلين وسهلين بالغالي ..
الصوت عندك أكورداوي يعني انت فاهم معاناتي ... وانا زيك ماشفت منه اي ضرر له الحين حوالي سته اشهر او اكثر بس قاهرني هالصوت ... العالم تشغل سيارتها بهدوء و start engine وانا يالله صباح خير مع صوت الاحتكاك ذاولا وش رايك
ان شاء الله راح الاقي حل بالقريب العاجل واطرحه هاهنا
وحيــــــاك يابعدهم

المشاركة الأصلية كتبت بواسطة lambo

السلام عليكم ورحمه الله وبركاته

اعضاء محبي هوندا اتمنى ان تكونوا بصحه وعافيه جميعا
يالغالين موضوع أقلقني من كذا شهر وهو صوت عند تشغيل السياره وخاصه لما تكون بارده
يعني العداد الحراره ع السي لها ست سبع ساعات مااشتغلت يطلع هالصوت لثانيتين او ثلاث ثواني ويوقف
وبعدين لا عاد اسمعله لا حس ولا خبر ؟؟
صوت مزعج تقريبا الا انواع الازعاج جاي من جهه المكينه
زي كذا قرقرررر وبعدين نص بيمول ...
ثلاث مرات وأنا أوديها الوكاله واشرحلهم المشكله وتقعد عندهم السياره بالثلاث والاربع ايام
وارجع والاقي ابد ماسووا شي ...
فاللي يعرف الحل يطرحه مشكورا جزاه الله الف خير تعبت وهالوكاله تعبتني
ياحبهم لزرف النقود وتسميع الخامس لا صحاب الاكورد ...

هذه المشكلة اتوقع بمضخة الزيت

او

oil pump

اتوقع هالمشكلة منها

المشاركة الأصلية كتبت بواسطة MOHAMMED SS

هذه المشكلة اتوقع بمضخة الزيت

او

oil pump

اتوقع هالمشكلة منها

محمد اس اس
سيأخذ توقعك بعين الاعتبار .. بس ليه مضخه الزيت.. تراني بلعت العافيه
شاكر لك مرورك

المشاركة الأصلية كتبت بواسطة المباشر

والله ياطويل العمر حاولت أفهم نوع المشكة ولكن ماقدرت

على العموم أنت راجع الوكالة مادام السيارة على الضمان وتأكد ان المهندس اذا مافهم وش المشكلة راح يحولها لمهندس أفهم منه وان شاء الله يحصلون المشكلة وترى الشرح الواضح لنوع المشكلة لمهندس الصيانة يعتبر 80 % من حلها

المباشر
راجعت الوكاله ثلاث مرات ..المشكله ليست وليده اللحظه ..شرحتلهم وفهموها .. لكن مثل مااسلم السياره استلمها
طال عمرك كل هالشرح ولافهمت :o حطمتني
ونورت يالغالي

المشاركة الأصلية كتبت بواسطة lambo

يالغالين موضوع أقلقني من كذا شهر وهو صوت عند تشغيل السياره وخاصه لما تكون بارده
يعني العداد الحراره ع السي لها ست سبع ساعات مااشتغلت يطلع هالصوت لثانيتين او ثلاث ثواني ويوقف
وبعدين لا عاد اسمعله لا حس ولا خبر ؟؟
صوت مزعج تقريبا الا انواع الازعاج جاي من جهه المكينه

أخي الكريم ،

حل مشكلت التشغيل البارد هنا
http://www.driveaccord.net/forums/showthread.php?t=30048

تحياتي

المشاركة الأصلية كتبت بواسطة المباشر

عزيزي ماشفت أي حل بالرابط اللي انت حاطه ... وش السالفة

يا عزيزي ، كاتب الموضوع في الرابط المرسل سابقا يطلب منك ان ترسله رساله على الخاص ببريدك الالكتروني ليرسلك نشره الخدمات الفنيه المصدره من شركه هوندا الام لمعالجه مشكله الصوت عند التشغيل البارد في محركات الاربعه اسطوانات من 2008 الى 2009 .

علمني اذا احتجت اي مساعدة .

سلام عليكم جميعا::
والله اخوي انا سيارتي نفس مشكلت سيارتك ولا عطيتها وجه على الصوت لين بروحا مع الايام راح بروحا

اخي المباشر ، على طول ، ابشر

تحياتي

المشاركة الأصلية كتبت بواسطة المباشر

عزيزي ادري انه يبيك ترسل له لكن المشكلة يالغالي انك تحتاج تسجيل بالموقع وبعدين ترسل له وتنتظر اميل منه .. والأعضاء ماراح يستيفيدون من الرابط وخاصة للي الانجليزي عنده ضعيف

اذا أنت مسجل دز له رسالة وخله يرسل لك الملف

عزيزي ،

وصلني الملف (pdf) و فيه ايضا تسجيل صوتي للمشكله . حاولت تحميله في الموقع و لكن لم استطع حيث وردتني رساله اداريه مفادها "ان الرمز الامني مفقود" او شيئ من هذا القبيل !! علما بان حجم الملف يقارب الـ 9.5 ميغابايت .

ما العمل ؟

المشاركة الأصلية كتبت بواسطة azouqa

يا عزيزي ، كاتب الموضوع في الرابط المرسل سابقا يطلب منك ان ترسله رساله على الخاص ببريدك الالكتروني ليرسلك نشره الخدمات الفنيه المصدره من شركه هوندا الام لمعالجه مشكله الصوت عند التشغيل البارد في محركات الاربعه اسطوانات من 2008 الى 2009 .

علمني اذا احتجت اي مساعدة .

azouqa
نعم مثل ماذكرت يالغالي لاكن هو راح يرسل النشره من الشركه الام بشكل عام
ولم يحدد مشكله الصوت البارد عند التشغيل

المشاركة الأصلية كتبت بواسطة corvette-zo6

سلام عليكم جميعا::
والله اخوي انا سيارتي نفس مشكلت سيارتك ولا عطيتها وجه على الصوت لين بروحا مع الايام راح بروحا

كورفيت
الله يسمع منك ويروح مع الايام لاكن الحين عدت شهور ولا راح هو بروحا حبيت صياغتك لقافيه الكلام
نورت يابروحا وياروحا

المشاركة الأصلية كتبت بواسطة المباشر

عزيزي ادري انه يبيك ترسل له لكن المشكلة يالغالي انك تحتاج تسجيل بالموقع وبعدين ترسل له وتنتظر اميل منه .. والأعضاء ماراح يستيفيدون من الرابط وخاصة للي الانجليزي عنده ضعيف

اذا أنت مسجل دز له رسالة وخله يرسل لك الملف

المباشر
فعلا كلامك عين الصواب .. كأنك حاس في عالم دجه بالانجليزي ..:d
ماشاء الله عن جد انت بتحاول تخلي الحياه شي سهل

المشاركة الأصلية كتبت بواسطة azouqa

عزيزي ،

وصلني الملف (pdf) و فيه ايضا تسجيل صوتي للمشكله . حاولت تحميله في الموقع و لكن لم استطع حيث وردتني رساله اداريه مفادها "ان الرمز الامني مفقود" او شيئ من هذا القبيل !! علما بان حجم الملف يقارب الـ 9.5 ميغابايت .

ما العمل ؟

حلو طيب .. اكيد انك استمعت الى الحل .. اكتبه كتابه هنيا .. ونحن سنستوعب الشرح ان شاء الله
وفي حل اخر .. اعطيك ايميلي ..ترسلي ايميله ..اي شي من هذا القبيل
شاكر ومقدر لك يالغالي

المشاركة الأصلية كتبت بواسطة lambo

حلو طيب .. اكيد انك استمعت الى الحل .. اكتبه كتابه هنيا .. ونحن سنستوعب الشرح ان شاء الله
وفي حل اخر .. اعطيك ايميلي ..ترسلي ايميله ..اي شي من هذا القبيل
شاكر ومقدر لك يالغالي

اخي العزيز ، ارسلي ايميلك لارسلك النشره

هذي والله العالم صوت احدى البكرات شيك عليها
وشكرا

حسب نشره هوندا للخدمات الفنيه فان هذه المشكله هي بسبب عطل في المشغل الميكانيكي للتحكم المتغير بالموقت (Variable Timing Control Actuator) ، رقم القطعه هو ( R44-A01 -14310)

ارجوا من الاخوان LAMBO و المباشر ان يبقونا على اطلاع بالنسبه لهذا الموضوع .

تحياتي ،