مشكله في القير ارجو المساعده ( هوندا اكورد ) فضاوه + نتعه (( تم حل المشكله ))
السلام عليكم ورحمة الله
سارتي اكورد 2008 4 سلندر اوتوماتك
ماشيه 300 الف
المشكله
بدأت بضعف بعزم السياره من كذا شهر
ثم في اخر 3 اسابيع سارت السياره تفوت يعني لمى ادعس على البنزين تعطيني احيانا كانها على ال N
هذي المشكله بدت لمى الف يسار فقط
وكملت قلت ناهاية الشهر ورحت فيها للطايف ( الشفا ) ومع اخر طلعه بالشفا يالله بالله مشت ووصلتني
هذا قبل اسبوع او اكثر
بعدها لمى رجعت سارت تفوت حتى وهي ماشيه عادي
واحيان ماتمشى توقف مكانها كاني مخليها على ال N وادعس بنزين
لمبة التشك انجن مولعه على طول
احيان لمبة D حقت القير تاشر ( تشتغل وتطفي )
في مدينة رابغ لقيت مهندس سوداني قال الزيت ناقص واسود وتحتاج تنظيف الحساسات
غيرت معها الفلتر الخارجي
اخذ 300 تحسنت السياره كثير بس
لسى احيان تفوت
وسارت تنتع بين ال 1 و2 نتعه قويه
التعديل الأخير تم بواسطة alfarsi22 ; 12-08-2015 الساعة 08:29 AM
عليكم السلام ورحمة الله وبركاته
حياك الله أخي الكريم الله يعطيك من خيرها ويكفيك شرها
بداية تأكد من العكس الداخلي الايمن جهة الراكب يكون سليم
ثانيا لمبه التشك انجن افحص كهرباء بالوكاله لأجل يتبين الكود الظاهر معاك ونقدر نحل المشكله باذن الله
متى آخر مره غيرت زيت القير وهل انتا منتظم بتغييرات القير ؟
شاكر لك ردك اخويالمشاركة الأصلية كتبت بواسطة أكــــــــــورد11
فعلا مشكلة العكس ماقد جات ببالي (( ان شاء الله راح اشيك عليه وعلى كراسي الجربوكس لاني ماقد غيرتها ))
اخر مره غيرت زيت الجربكس قبل 8000 عند بنشر ومدري اش حط من زيت (( اتوقع هي اللي سببت المشاكل )) قبلها كنت اغير زيت الجربكس كل 60 الى 80 الف
الملاحظ اليوم ان السياره بعد مامشت على الزيت 70 كيلو فيه تحسن كبير
اتذكر صاحب الورشه قاللي ترا حتى بعد ماغيرنا الزيت لسى الزيت الاسود باقي (( من بقايا الزيت القديم ))
والزيت القديم كان رايح فيها
تتوقع لو تتوقع لو رجعت غيرته مره ثانيه حيفيد بالموضوع
------------------
فحص الكمبيوتر راح اسويه بعد اسبوعين لان جده مشوار 160 كيلو
والسياره مريحهامجرد مشوار بسيط كل يوم
ان شاء الله ان احتجتله وقتها نزل تقريرهم هنا
وماتقصرون
الزيت الموصى من الوكاله زيت قير هوندا العلبه ب35 ريال والتعبئه المطلوبه للجيربوكس (القير) 3علب زيت هوندا وتغيير فلتر القير الخارجي وموقعه أسفل علبة الفرامل فوق الجيربوكس وانتظم بتغيير الزيت كل 40الف ..موفق ياغالي
هي فعلا المشكله اتوقع من التغييره اللي كانت قبل 8000 كيلو لان غيرته عند بنشر عادي وماكان زيت الوكاله
هل تنصحني اني اغير الزيت للمره الثانيه علشان يروح اثر القديم
مع التذكير باني غيرته قبل حدود 90كيلو مع الفلتر وتنظيف الحساسات
بس على كلام المهندس انه لسى باقي الزيت اسود من اثر الزيت القديم
يلزم تغير الزيت القديم واستخدام زيت هوندا لانه مقاوم للحراره والرطوبه ولايؤثر سلبا على حساسات القير
ياغالي لانا غيرت الزيت حق الجربوكس (( زيت الوكاله قبل 150 كيلو ))
ابشركم
تم حل المشكله
وانقاذ السياره من براثن الورش النصابين
ماراح تصدقون اش كان سبب الفضاوه اللي بالسياره واللي هي سببت كل هذي المشاكل
البارح قلت خلني اسوي تنظيف للثروتل بدي ممكن يحل شوي من المشكله
خاصة انه من اول ما اخذت السياره مانظفته
9 سنوات يامفتري هههههههههههههههه
اخذت العده ونزلت
اول مابديت افك الكلبسات وانتبه لهذا اللعين
الخرطوش مقطوع نصه
لفيت عليه شطرطون ههههههههه وقلت خلني اجرب الا راح كل التفويت السياره تقريبا ساااغ سليم
باقي النتعه فقط
كملت تنظيف الثروتل بدي
لقيت جوته مصاااااااااااااااااااااايب
ركبته وشبكت البطاريه وطفيت كل الانوار بالسياره وجلست داعس على البنزين معلق عليه على 3 لمدة 6 دقايق
حركت الا السياره ماشاء الله حصان جامح
وراحت لمبة التشك انجن
ولمبة القير اللي كان تومض (تأشر) وهي على D سارت طبيعيه
باقي نتعه بسيييطه اتوقع بسبب زيت الجربوكس لازم اغيره للمره الثانيه
او انها من كراسي الجربوكس
يعني الجربوكس مافيه الا العافيه
وكانو الورش بيدفعوني 6000 الاف ريال
بسبب خرطوش فيه شرخ
يعلم الله اني مريت على 4 ورش وكلهم كانو يقولون توظيب قير
ومن ربك ما اقتنعت
طبعا ان شاء الله بكره راح اخذ خرطوش جديد وبكذا تنتهي الحفله
اتمنى ان يساعد هذا الحل غيري
شرحك للمشكله مغاير تماما للحل
يعني ان المشكله الي شرحتها هي مشكلة القير يفوت النمره ولا تمشي السياره وكأنها في ال n
بعتقادي انها مستحيل تنحل بتنظيف الثروتل
والي صار معك ان مشكلة القير تظهر عندما يسخن القير يعني بعد ممشى طولي نسبياً
على البركه في ايجاد حلك للمشكله وموضوعك يدور حول القير اذا مشيت مسافات بعيده يسخن القير ويكون عندك نتعه ومشكلتك تدور حول الزيت مثل ماتفضلت الميكانيكي وضع لك زيت غير هوندا ولايتحمل الحراره
نصيحه غير الزيت بالوكاله وعندهم ماكينه خاصه لشفط الزيت القديم من الجيربوكس
للاسف طلع كلتش النمره الثانيه رايح واضطريت اخذ قير من التشليح
ضوابط المشاركة
رد مع اقتباس
مواقع النشر (المفضلة)