صيانة 155ك/م تعال هنا وأعطينا خبرتك يابطل :)

**ياسر الشمراني** · 13-03-2008, 03:38 PM

0
0
0
0
0
أنت ياللي برا ادخل ;)
اكفششششش
0
0
0
0
0
0
0
السلام عليكم .. كيفكم شباب ؟
تراني مستقصد ان خط الموضوع كبير عشان تقرأ وانت مرتاح
باختصار شديد
ناوي اودي سيارتي الوكاله لعمل صيانة 155ك/م
اكورد 2003
طبعاً اعتقد سعرها: 350 ريال
المهم
بيني وبينكم اول مره اودي سيارتي للصيانه في الوكاله !
في العاده اوديها تغيير زيت او تغيير سير او ماشابه
اما اني اوديها عشان صيانه وتجلس عندهم ابداً ماعمري سويتها :d
المطلوب:
ارجوا من كل شخص يعطيني خبرته في هذا المجال
يعني لما توديها وش يعطونك ؟ وكيف يستلمون السياره منك ؟ وهل الدفع مقدماً ولاّ كيف ؟
يعني اشرحوا لي وش السالفه بالظبط ، لأني اول مره اوديها صيانه .. ولاتنسون تنبهوني على الشغلات المهمه مثلاً اقول لهم لايغيرون اي شي الاّ لما يدقون عليّ مايصير اروح احصلهم مغيرين القطع كلها ويصكوني بـ 5 آلاف >> والله لأخلي السياره عندهم :(
يعني نبهوني على الشغلات المهمه عشان اتنبه لها ولا احد يلعب علي :d

شوكرن حبايب
وبانتظاركم

**momo** · 13-03-2008, 04:49 PM

هلا وغلا

اول شي تدخلها وتقولهم صيانه كامله

ولاتغيرووووووون شي الا اذا دقيتوا وعلمتوني قبل اذا وافقت انت ولا لا

تدق تحجز موعد وتروح تنزلها عندهم تقعد يوم تقريبا وتستلمها وتدفع المبلغ بعد ماتخلص

اذا سكت وماقلتلهم شي تحمل المبلغ اللي يجيك بقولون لك غيرنا المكيف مثلا ب6الاف لان

درجه الحراه 16والمفروض 15 ههههه تراهم يدورن اي شغله بسيطه

اي خدمه اخوي

بشرنا وش صار على اخوك..

**ياسر الشمراني** · 13-03-2008, 09:40 PM

هلا بك اكثر ياحلو
بيّض الله وجهك وماقصرت والله على هالمعلومات
بالنسبه لأخوي محمد لازالت حالت همستقره (غيبوبه) ولاهناك اي جديد
الحمد لله على كل حال
اسأل الله الاّ يريك مكروه ياغالي .

**الهادف** · 14-03-2008, 11:39 AM

بالنسبة للصيانة .. انا مثلك ما خذيت سيارتي للوكالة أبداً ما عدا المرة الا غيروا فيها ليات الدركسون ..

طبعاً بما انك شخص غير ملتزم بالصيانة فالمبلغ الي بتدفعه بكون 550 ريال + قيمة قطع الغيار لو احتاجت سيارتك ..

طبعاً يعلموك بالمبلغ الا اهو 550 ريال والدفع يكون عند استلام السيارة بعد الأنتهاء منها .. وفي حالة احتاجت سيارتك لقطع او اي شي يتم الأتصال بك وابلاغك بالأحتياجات وفي حال موافقتك يتم تغييرها ..

طبعاً انا هذا الي حصل معي اما بالنسبة للفروع الأخرى فما ادري عنها
وفي الأول والأخير حرص عليهم ان يتصلون لك ويعلموك وش يصير اول بأول .

**B Useful** · 14-03-2008, 12:49 PM

اخبرك في تبوك !!

والوكالة عندكم مثلها مثل اي بنشري على كلامك السابق في مواضيع سابقة !!

ليش متحمس هالمرة

**ياسر الشمراني** · 14-03-2008, 02:18 PM

المشاركة الأصلية كتبت بواسطة الهادف

بالنسبة للصيانة .. انا مثلك ما خذيت سيارتي للوكالة أبداً ما عدا المرة الا غيروا فيها ليات الدركسون ..

طبعاً بما انك شخص غير ملتزم بالصيانة فالمبلغ الي بتدفعه بكون 550 ريال + قيمة قطع الغيار لو احتاجت سيارتك ..

طبعاً يعلموك بالمبلغ الا اهو 550 ريال والدفع يكون عند استلام السيارة بعد الأنتهاء منها .. وفي حالة احتاجت سيارتك لقطع او اي شي يتم الأتصال بك وابلاغك بالأحتياجات وفي حال موافقتك يتم تغييرها ..

طبعاً انا هذا الي حصل معي اما بالنسبة للفروع الأخرى فما ادري عنها
وفي الأول والأخير حرص عليهم ان يتصلون لك ويعلموك وش يصير اول بأول .

جميل جميل يابطل
اشكرك بهمه ونشاط ماقصرت وبيض الله وجهك ياغالي

المشاركة الأصلية كتبت بواسطة كوكو كورد

اخبرك في تبوك !!

والوكالة عندكم مثلها مثل اي بنشري على كلامك السابق في مواضيع سابقة !!

ليش متحمس هالمرة

لازلنا في تبوك طال عمرك :d وكلامك 100% صحيح
لكن الان جاء واحد سعودي فنااااان وهذا اللي حمسني اسلمه السياره بالإضافه الى اني محتاج الى عمل الوكاله في بعض الشغلات اللي ما ابغا يلمسها الاّ الوكاله فقط مثل (تربيط - تغيير زيت - بواجي - وغيرها) عشان كذا هم اعرف بالوزنيه ومحترفين في هالأمور وتقدر بعدين تحاجهم بالضمان او بورقة الصيانه لو تعطل شيء بعدين لاقدر الله وكذلك جميع الأمور متوفره جنبهم قطع الغيار جنبهم وكذا ،، اما ابو يمن اللي في البنشري مافكر فيك ;)

شكراً على مرورك يابطل وكنت اتمنى انك تفيدني

**مزاجي** · 14-03-2008, 02:53 PM

بلا وكالة بلا هم والله ما تستفيد كثير وانت الخسران

**ملك مملكة جدة** · 14-03-2008, 03:29 PM

يعطوك كرتون مناديل؟!

حتي هذه يبغالها شرح ؟

ياخي اتصل و تعرف

**ياسر الشمراني** · 14-03-2008, 03:34 PM

المشاركة الأصلية كتبت بواسطة سواد اكورد

بلا وكالة بلا هم والله ما تستفيد كثير وانت الخسران

معك حق ، لكن :
خلينا نجربهم هالمره ;)

**ياسر الشمراني** · 14-03-2008, 03:39 PM

المشاركة الأصلية كتبت بواسطة ملك مملكة جدة

يعطوك كرتون مناديل؟!

حتي هذه يبغالها شرح ؟

ياخي اتصل و تعرف

عزيزي
لو ابغا اتصل كان اتصلت وانتهت السالفه ، لكن انا ابغى خبره ومعلومات وامور مهمه ينبهوني عنها الأخوان من خلال تجربتهم مع الصيانه ..
رجاءً اخي الكريم قبل لاترد فكر قليلاً واقرأ الموضوع بتمعن ..

**B Useful** · 14-03-2008, 04:50 PM

كويس ... الحين اقدر افيدك دام فية واحد سعودي عندة سالفة عندكم :d

1- اول شي اذا كنت تخبر فية زحمة عندهم .. دق عليهم واحجز موعد ..
2- روح في الوقت المحدد عطهم السيارة ويفضل الصباح الباكر عشان يخلصونها في المساء الباكر :d اذا مافية شغل كثير .
3- * تروح الاستقبال * يعطوك ورقة فيها امر الصيانة * كلهم وش تبي ووش اللي ماتبي - يعني اذا كنت مغير زيت قريب .. قلهم لا تغيروة- .. *خلاص رح البيت .
4- اثناء الصيانة .. اكتشفو ان مثلا مثلا مثلا اممم مثلاً هوب يبيلة تغيير ... عندنا بالرياض يدقون عليك .. يقولون الهوب مخلص وتوفى ويبيلة تغييير نغيرة ولا لا ؟؟؟ اذا قلت لا بيخلونة مثل ماهو ويكملون الشغلات الثانية .. عاد مدري عندكم بيدقون عليك ولا لا ... شيك وانت تعطيهم السيارة .
5- المفروض يدقون عليك اول ما تخلص السيارة .. عشان تستلمها .. في هاللحظات اسئل عن التكاليف ..
6- وانت رايح تاخذ السيارة ... شيك على اغراضك فيها .. شيك عى بدي السيارة .. والصدامات مرة حكو لي صدام وصلحوة على حسابهم ..
7 - وانت طالع بعد ما تدفع الحساب .. (( تذكر اول يوم طلعت في سيارتك من الوكالة ع الزيرو ... المفروض السيارة الحين في نفس الحالة ))

8 - تبي اتفلفس زود ولا يكفي ؟ :d

**ياسر الشمراني** · 22-03-2008, 03:32 AM

كوكو كورد بيّض الله وجهك
والله انت اكوس واحد في العالم

ماقصرت ياغالي وآسف تعبتك معي .. الله يجزاك خير .

**مزاجي** · 22-03-2008, 11:47 AM

خيوووو كيف 155 و2003

**ياسر الشمراني** · 22-03-2008, 05:39 PM

هلا بك اخوي سواد اكورد
هذا ممشى السياره
قل ماشاء الله
تراك خليتني اوسوس كذا ممشاها تمام ؟ ولاّ كارف والدينها ؟؟ :d

**momo** · 22-03-2008, 07:52 PM

لا كارفها والله هههههههه >>>>>>>>>برا

**mhaster** · 22-03-2008, 08:58 PM

8
8
8
8
8
وين كارفها

انا 2006 وماشيه 100 الف

المهم ياخوي انا من النوع اللي اسوي فحص عندهم كل 10 الاف كيلو

الآخوان ما قصرو في شي

بس اللي الاحضه كللهم يقولون تخلص في يومها
لانهم كللهم 2008

اما انت وانا شوي السياراه يبغالها عنايه
انا اقوللك لو خلصت من بكره ترا هذا انجاز

انا دايم تقعد عندهم 3 ايام

مره قعدت اسبوع ونص عشانهم حكو باب السياره من انوله الى اخره وثم رجعو وصبغوه <<<<حقد عليهم