الموضوع: اخر اخبار الدوريات بالكويت !

السلام عليكم

حسب ما وصل لنا .. و حسب ما شفنا !

وزارة الداخليه بالكويت تجرب سيارات من 6 اشهر تقريبا او اكثر علشان تكون السيارات القادمه للدوريات !

كانت السيارات المجربينها كالتالي :

1- اودي S6 بمكينة 4.2 8 سلندر للمخافر و الامن و 5.2 10 سلندر للطرق السريعه و المرور !
2- بي ام دبليو الفئه الخامسه للمخافر و الامن و الـ M5 للطرق السريعه و المرور !
3- دوج شارجر R\T للمخافر و الامن و الـ SRT8 للطرق السريعه و المرور !
4- مرسيدس E230 للمخافر و الامن و الـ AMG E63 للطرق السريعه و المرور !
5- عرفنا ان لكزس داخله ضمن الشركات اللي قدمت عروض .. بس ما عرفنا الموديلات المحدده !


طبعا كل شركه قدمت عرض .. و اللي بالاعلى عروض الشركات و لكل شركة اسعارها !

الوزارة بتشوف اللي يناسبها من اسعار و مواصفات !

حسب ما عرفت ايضا .. ان التوجه كان للاودي و للشارجر !
تمت تجربة الاودي و الشارجر .. النتيجه كانت .. ان الشارجر زادت الوزاره شرط .. و هو زيادة التسارع و تقليل المسافه اللازمه للتوقف !
و حاليا اللي عرفته ان تكلفة الشارجر طالعه على الوزارة بزيادة 1000 دينار عن تكلفة الفورد يعني ( 13700 ) ريال !

و الشارجر الجديد اللي تم ارساله علشان يوافق الشرط الجديد وصل !
شوفو الصور و التعليقات تحتها :



هاذي اودي المرور ! حاليا تحت التجربه مع حرارة الصيف القاتله .. اذا عبرت التجربه بسلام .. قد تكون صفقه .. و خصوصا ان الوزاره في السنوات اللي فاتت لها ميل كبير للسيارات الألمانيه !



اودي الامن و المخافر !!



الشارجر القديم .. مكينته هيمي !!



الشارجر اليديد ..



تقدرون تلاحظون الاختلاف في الدعاميات الفولاذ اللي بالامام ( الصدمات الفولاذ )




و بطبيعة الحال .. اذا تمت الصفقتين .. راح تكون الشارجر للافراد .. و الاودي للضباط من رتبة نقيب و صاعد !
مثل ما معمول في البي ام حاليا !!

و الله يستر علينا ....

و اللحين عرفت ان مخالفاتي اللي دفعتها .. كانت دفعة مقدمه للاودي .:p