للاستعلام عن المخالفات المرورية مجاناً

**ELEGANT BOY** · 04-07-2009, 09:46 AM

بسم الله الرحمن الرحيم
السلام عليكم ورحمة الله وبركاته

للاستعلام عن المخالفات المرورية مجاناً

أضغط على هذا الرابط

http://www.moi.go v.sa/wps/portal/!ut...0SkM 2SzgwNTE!/

انتبهو:ترا المخالفات صارو يدبلونها يعني عليك مخالفه 300 تصير 600 اذا

سحبت عليهم ولا تسدد يعني الحق على عمرك لاتتراكم عليك....

لاتطلع قرض بكرة وتسدد مخالفات

تحياتي;)

**S.M.A.R.T** · 04-07-2009, 10:10 AM

وعليكم السلام ورحمة الله وبركاته

وفيه بعد رقم تليفون ويعطيك المخالفة بالتفصيل

012928888

**ELEGANT BOY** · 04-07-2009, 10:36 AM

المشاركة الأصلية كتبت بواسطة امير الهنادي

وعليكم السلام ورحمة الله وبركاته

وفيه بعد رقم تليفون ويعطيك المخالفة بالتفصيل

012928888

يعطيك العافيه يا امير الهنادي

يحفظك ربي على المرور

تحياتي

**راعي الكامري saad** · 04-07-2009, 10:41 AM

وفيه ارسل رساله فيه رقم الاثبات وارسلها الى 8993

**King** · 04-07-2009, 10:43 AM

وجبتلكم موقع يعلمك مخالفاتك

موقع وزارة الداخليه

بس دخل رقم بطاقة احوالك ويعطيك مخالفاتك

من هنا

http://www.hondaarabia.com/club/showthread.php?t=12625

بسم الله الرحمن الرحيم ..

مدري وين أحط الموضوع .. قلت يمكن أنسب مكان هنا ..

اليوم لقيت رابط لوزارة الداخليه تدخل رقم هويتك يطلع لك عدد المخالفات واجمالي المبلغ ....

هذا الرابط .. والله يصبركم على مابتلاكم .. :d

http://www.moi.gov.sa/wps/portal/!ut...lVRS82XzBfOThW

http://www.hondaarabia.com/club/showthread.php?t=12718

كيف أعرف تفاصيل المخالفات المرورية ؟!

يعني لما أسوي استعلام عن المخالفات المرورية على هذا الرابط

http://www.moi.gov.sa/wps/portal/!ut...zcA!!#7_0_1EC2

تطلع لي

نتائج الاستعلام عدد المخالفات الغير مدفوعة :4إجمالي المبلغ المطلوب :550

أبغى أعرف كل مخالفة بالتفصيل ...

وشكرا مقدما للمساعدة ،،،

http://www.hondaarabia.com/club/showthread.php?t=10415

فيه وسائل كثيره لمعرفة مخالفات المرورية

وهذا الرابطين تقدر تستعلم منهم مخالفاتك المرورية

http://www.rt.gov.sa/

و

www.moi.gov.sa

تروح للخدمات الألكترونية

بعدين المرور

بعدين إستعلام عن مخالفات المرور

**ELEGANT BOY** · 04-07-2009, 11:06 AM

المشاركة الأصلية كتبت بواسطة راعي الكامري saad

وفيه ارسل رساله فيه رقم الاثبات وارسلها الى 8993

الله يعطيك العافيه على المرور

تحياتي

**ELEGANT BOY** · 04-07-2009, 11:09 AM

المشاركة الأصلية كتبت بواسطة king

http://www.hondaarabia.com/club/showthread.php?t=12625

[size=3][font=times new roman][color=#708090]http://www.hondaarabia.com/club/showthread.php?t=12718

[b]http://www.hondaarabia.com/club/showthread.php?t=10415

الله يعطيك العافيه

تسلم على المرور

تحياتي

**accord05** · 04-07-2009, 01:30 PM

تسلم يمينك ربي يخليك تصدق قبل فترة خشيت قالي لازم تسجيل وزي كذا طلعلي نموذج !!!

شكراً،،،

**ELEGANT BOY** · 04-07-2009, 01:48 PM

المشاركة الأصلية كتبت بواسطة accord05

تسلم يمينك ربي يخليك تصدق قبل فترة خشيت قالي لازم تسجيل وزي كذا طلعلي نموذج !!!

شكراً،،،

يحفظك ربي يا عزيزي

لا شكر على واجب

تسلم على المرور

تحياتي;)

**A C C O R D 0 8** · 04-07-2009, 02:14 PM

بس كل هالمواقع مامنها فايدهـ ..

انا ابي موقع يجيب لي مخالفاتي بالتفصيل ..

طيب اوكي عندي 9 مخاالفات مجموعها 2000 ريال .. طيب وش هي ..

وش كانت .. ومتى .. ومن هالكلام ..

مافيه موقع يجيب هالشي لكـ .. فريت النت كلهـ .. وجربت مواقع كثير ..

موقع الداخليه والمرور وهلم جرا ..

**open window** · 04-07-2009, 03:33 PM

المشاركة الأصلية كتبت بواسطة a c c o r d 0 8

بس كل هالمواقع مامنها فايدهـ ..

انا ابي موقع يجيب لي مخالفاتي بالتفصيل ..

طيب اوكي عندي 9 مخاالفات مجموعها 2000 ريال .. طيب وش هي ..

وش كانت .. ومتى .. ومن هالكلام ..

مافيه موقع يجيب هالشي لكـ .. فريت النت كلهـ .. وجربت مواقع كثير ..

موقع الداخليه والمرور وهلم جرا ..

دق على الرقم هذا 012928888

**&فارس&** · 04-07-2009, 08:22 PM

يعطيك العافية على الرابط .. والله من زمان ادور عليه

**الـمـسـافـر** · 05-07-2009, 02:03 AM

صراحه المفروض الي يجلس سنه بالسعوديه بدون مخالفه يعطونه نقاط هديه << صارت قطاف :d

بعدين تجمع النقاط وتستبدلها بحجز شرطي من اختيارك << على كيفك هي يالحبيب

**salamify** · 05-07-2009, 06:55 AM

الله يعطيك ألف عااااافية وبجد موقع مفيد خصوصا إن سعر المخالفات هالأيام نااااار مثل صيفنا

**ن ع ر السعودية 0005** · 05-07-2009, 07:45 AM

يا شباب للمعلومية المخالفات تدبل مرة وحدة فقط لان أكثر العالم ما يدرون عن ها شيء ويحسبون كل شهر تدبل المخالفات .... الله يعين أنا أخذت مخالفة سرعة الأسبوع إلي طاف من أمن الطرق حق طريق المدينة هذولا إلي شغالين على المخالفات والله يكون بالعون بس والله يعطيك العافية يا أكشن ............

**ELEGANT BOY** · 05-07-2009, 08:27 AM

المشاركة الأصلية كتبت بواسطة &فارس&

يعطيك العافية على الرابط .. والله من زمان ادور عليه

الله يعافيك يارب

تسلم على المرور

تحياتي;)

**ELEGANT BOY** · 05-07-2009, 08:31 AM

المشاركة الأصلية كتبت بواسطة الــمــســافــر

صراحه المفروض الي يجلس سنه بالسعوديه بدون مخالفه يعطونه نقاط هديه << صارت قطاف :d

بعدين تجمع النقاط وتستبدلها بحجز شرطي من اختيارك << على كيفك هي يالحبيب

هههههههههههههههههه

حلوه نقاط بـ السعوديه (و لله صعبه مره );)

تسلم على المرور

تحياتي;)

**ELEGANT BOY** · 05-07-2009, 08:33 AM

المشاركة الأصلية كتبت بواسطة salamify

الله يعطيك ألف عااااافية وبجد موقع مفيد خصوصا إن سعر المخالفات هالأيام نااااار مثل صيفنا

الله يعافيك يارب

و الله نار من جدا مره ....

(أنا مسدد 700 قبل شهرين و امس احصل علي 300)

تسلم على المرور

تحياتي;)

**ELEGANT BOY** · 05-07-2009, 08:35 AM

المشاركة الأصلية كتبت بواسطة ن ع ر السعودية 0005

يا شباب للمعلومية المخالفات تدبل مرة وحدة فقط لان أكثر العالم ما يدرون عن ها شيء ويحسبون كل شهر تدبل المخالفات .... الله يعين أنا أخذت مخالفة سرعة الأسبوع إلي طاف من أمن الطرق حق طريق المدينة هذولا إلي شغالين على المخالفات والله يكون بالعون بس والله يعطيك العافية يا أكشن ............

اكيد يا عزيزي مره وحده فقط ...

الله يعافيك يارب

يحفظك ربي على المرور

تحياتي;)

**ashraf rashid** · 06-05-2011, 02:04 PM

حسبنا الله ونعم الوكيل

وألا لعنة الله على الظالمين

شوارع زبااااااااالة

ونظام مرور للجباية فقط

**D.H.o.O.o.M** · 06-05-2011, 06:04 PM

نصيحه لاحد يستعلم

عشان ماحد يجيه مغص بالدماغ وصداع بالبطن :d

حسبنا الله ونعم وكيل

**اكورد مودي** · 06-05-2011, 11:12 PM

للاستعلام عن المخالفات وتفاصيلها وكم الاجمالي هذا الرقم افضل شي
(989)
الله يعين انا علي مخالفة سرعه ومدبله كمان
اجمالي 500 ريال

**abooody riyadh** · 11-05-2011, 01:58 PM

عدد المخالفات : 17
المبلغ : 11700 ريال ..
:(:(:(
الله لا يوفقهم لا دنيا ولا اخره ..
نصابين سرق عيني عينك ..
حط لنا شوارع مثل الناس .. ووقتها حط انظمة على كيفك ..
وعلى اي اساس يدبل المخالفه ..
ياااااخي حراااام شرعا ..
..
يعني فرضنا واحد كان سرحان وزاد السرعة شويه ..
فرضنا واحد عنده حالة طارئه ..
المفروض يكون فيه شويه مراعات .. استثناءات ..
..
والله اننا شعب مسكين .. دايم ملعووب علينا ..
كل شي ملعووب علينا ..
الاتصالات تسرق
والبنوك تسرق
والمرور يسرق
والوكالات تسرق
والتجار يسرقووون
واحنا يا غافل لك الله ..
.............................................

welcome to saudi arabia

**2010 accord** · 11-05-2011, 02:09 PM

^^^^
الله يعينك لكن احنا شعب مو مسكين لا اسمحلي على اللفظ (يحب يخالف) يعني معليش اخوي اش الفرق بينك وبين واحد ما عنده الا مخالفة وحدة او ما عنده تماما .... 17 مخالفة كلها كانت حالة طوارئ وبعدين لو عندك طوارئ قدم حالتك ويشلونها لك وانا مجربها اما هرجة مسرح فانا ما اعتقد انه عذر تسرح فالخط هي لو لا سمح الله واحد قدامك ضرب عليه كفر تصدم فيه وتشيله باهله او اولاده وتقوله مسرح ...لكن الله يعينك ويرزقك من اوسع ابوابه

**اكوورد 2005** · 11-05-2011, 02:36 PM

يعطيك الف عافيه والله وانا معك ياخي طريق الميه في الرياض يحطونه 80 اجلس سنه ما وصلت ولا الشوارع الثانيه 60 ولا 70 يخوي كذا مراح نمشي طول حياتنا

يا اخوي اكورد 2010

والله سرقه عيني عينك واحد من اخوياي ماشي بطريق تمام السرعه 80 جته مخالفه يمشي 76
راح اشتكا قالوله السرعه 70 وانت ماشي 76 وصفلهم الشارع وقال روحو شوفو مكتوب 80 وطلع صحيح عليه ومسحو مخالفته والله حرام يخوي طيب قبل ميجي ساهر يكتب امامك ساهر مثل اروبا والدول المتقدمه الي تفهم النظام زين مو حنا يطلعون الفلوس من اذناب الحمير واسمحلي على الفظ طيب حط ساهر بس قبل الساهر حط امامك ساهر

اذا هم يبون يتطورون مثل الدول الكبيره طيب لاتطبق بس عشان الفلوس طبق عشان السلامه لو يبون السلامه كان بكل مكان حطو ساهر وفيه لوحه قبلها امامك ساهر مو الدعوه لهف فلوس اهم شي عندهم