الموضوع: احس اني ازعجتكم / كلية المجتمع & كلية التقنية

والله مدري وش اقولك بس انت حاول تدبر واسطه يمين يسار بــ سعود والــ الامام كلها شهادات قويه خاصه بكالوريوس

وترى معهد الادارة حلوة جدا وشهادتها قوية جدا انصحك فيها واذا ما حصل نصيب شوف التقنية قسم كهرب او حاسب غيره لا تدخل نصحيه اخويه والله يوفقنا وياك

والله ودي أخدمك بس ماعرف عنهم أي شئ .,.

انصحك بمعهد الاداره اذا قبلوك
واذا دخلت كلية المجتمع ابعد عن اللغة العربية ترى مالها مستقبل
اللي اعرفه عن كلية الجتمع انها ما تعطي مكافأه

انا طالب بكلية التقنية
قسم محاسبة طبعا هو افضل تخصص
وظيفتي جاهزه براتب وقدره 6200 كأول راتب في شركة الاتصالات
والله الكلية التقنية حلوه وسهله بس شد حيلك ولازم معدل يرفع الراس

انا في المجتمع
اذا هو انتقالي يعني تدرس سنتين في المجتمع الي في الستين والسنتين الباقية في الدرعية

بس ترا ما يعطون مكافئات:(

عن نفسي فضلتها عن معهد الادارة والتقنية

انت شوف وش نفسك فيه وتوكل على الله

نصيحة من اخ لاخوه لا تخش شي ماتبيه

عليكم السلام ورحمة الله ,,

اول شي الف مبروك التخرج ولاتهمك نسبتك بالثانويه ترا كلها كلام فاضي فيه مهندسين نسبهم بالثنويه فاشله ,,

,,

ونصيحه لاتربط الكليه بالوظيفه مالها دخل كلها ارزاق من الله وتساهيل ,,

انصحك بمعهد الاداره ادخل اقتصاد او محاسبه ,,

+

دوره لغه انجليزيه من نيورايزن ,,

اتوقع معهد الاداره هو افضلهم

ودائماً اخوي فكر بتخصص تقدر تطور من نفسك فيه بالمستقبل يعني

ابعد عن اللغات

برضوا لاتدخل كلية التقنيه علشان فيها بكالوريوس لان كلها واسطات ,,

اثنين من اخوياي ماقدرو يكملون بكالوريوس

الاول كان معدله ممتاز جداً

والثاني تخصصه كهرب يوم تخرج وطبق راح لكندا يكمل دراسه وبدأ من الصفر

انصحك استخير اول شي

بعدين معهد الادااره ترا ممتاز ,,

((ويقولون صعب))

اتمنى لك التوفيق يالغالي ,,

آسف على الاطاله ,,

انا متخرج من الكلية التقنية تخصص محاسبة

دحين ليه سنه عاطل وسنه على تخرجي

ادخل معهد الادارة كويسة ويسوو اختبار قبول فيها مو زي التقنيه قدم ملفك وخلاص

والتقنيه مكافئة 1000 ريال وياخدو منك 10 تدفعها لصندوق الطالب ساعة استلام المكافئة

بلعربي كلية تقنية جده حرااااااااااج ومافي تنظيم

اسمحول لي بالمداخلة طول الله اعماركم :-

اولا: ياخوي yka انت وش تبغى تصير هذا الشي الاهم لازم يكون لك هدف محدد ومكتوب حتى لو تبغى تكون مدرس لازم تحدده

ثانيا: بما ان لي خبرة في الشركات واحتياجاتها انصحك اذا بتدخل التقنيه تدرس تخصص هندسي الكتروينات .. كهرباء ... اتصالات ... حاسب ... لكن مو دراسة حي الله تحفظ اللي في الكتب والمذكرات وبس .. لا لازم تزيد من عندك وتجتهد وتبحث وتسال وتحاول توسع مخك بالمعلومات وحاول تعرف كل صغيرة وكبيرة ...... الحين هذولي المدراء اللي رواتهم على 30 الف و 40الف كيف وصلوا للمناصب والرواتب هذي .... واتحدى ان كل هذا بس من الشهادة والدراسة السطحية اللي كل البشرية ماشين عليها بالعكس هذولي اجتهدوا وسووا نفس الكلام اللي قلته وانا اعرفهم شخصيا وربي واتعامل معهم كل يوم

ثالثا: اذا مالك رغبة بالتخصص الهندسي ... روح معهد الادارة وبحسب معلوماتي ان شهادة معهد الادارة معترفه بين الشركات العالمية لانها قوية بس لازم تكون عندك لغة انجليزية مستوى المتوسط واعلى

رابعا: الله يوفقك دنيا واخره واعذروني على الهرج الكثير بس لاني مقهور من الاجانب اللي محتلين اماكننا واحنا احق منهم

يوسف .....

المشاركة الأصلية كتبت بواسطة امير الهنادي

مقهور من الاجانب اللي محتلين اماكننا واحنا احق منهم

والله نفس الشعوور يايوسف ,,

لو كل الطلاب عملوا بالي تقووله ماتشوف اجنبي واحد شغال بالسعوديه والنظره راح تختلف عن كفائة الموظف السعودي ,,

,,

^ ^ ^ ^

مشكوووووووووووووووووورين الله يعطيكم الف عااااااااااااااافية

والله ماقصرتوا

يعني الافضل كذا :

* معهد الادارة
* كلية التقنية
* كلية المجتمع

والله يا يزيد اذا تبي معهد الإدارة الي في الدمام بالأخص
و قدمت فيه و اختبرت و لا سمح الله صرت على الإحتياط راح اكلم عمي و اضمن 80% مقبول ان شاء الله
هذا الي اقدر اساعدك فيه

المشاركة الأصلية كتبت بواسطة أبو الريش

والله يا يزيد اذا تبي معهد الإدارة الي في الدمام بالأخص

و قدمت فيه و اختبرت و لا سمح الله صرت على الإحتياط راح اكلم عمي و اضمن 80% مقبول ان شاء الله
هذا الي اقدر اساعدك فيه

والله مشكوووووووووووور اخوي ابو الريش

والله احرجتني مادري وش اقول لك :o

بس المشكلة اني في الرياض يعني ماااااااااافية امل اطلع برى الرياض

المشاركة الأصلية كتبت بواسطة meshoo

عيبنا احنا كاشعب سعودي مو الكل لكن الاغلبيه

نبي شي جاهز مانتعب فيه

ياخي ليه ماتشوف الاجانب وهم تاركين بلادهم وجايين عندنا يكدون ويتعبون واغلبهم من اكبر التجار بالسعوديه الان

ليه مانشد حيلنا وندرس ولما نتخرج مانخلي باب الا نطقه

البعض مننا يتخرج ويجلس بالبيت ينتظر احد يدق على بابه ويقوله تعال حصلنا لك وظيفه

والبعض يدرس عشان سمع ان الدرس زينه وماعنده اي طموح

والله حال بعضنا لايسر الصديق ولا العدو

ليه نطالع في الاجانب ونقول الاجانب والاجانب والاجانب

من راقب الناس مات همآ

اتعب واشقى زيهم والله بيرزقك

ولاحد يزعل مني ياشباب لكن والله مقهور من حال البعض وهذا بعض ماعندي

والله يوفقكم جميعآ

مشكوووووووووور اخوي ميشو ع المرور

انا يااااااخوي نزلت الموضوع استشارة فقط

يعني فيه نااااااس درسوا وتخرجوا >> ان ابغى استفيد منهم وش التخصصات المناسبة وشي الي مو مرغوب

وبعدين انا الي فهمته من كلامك >> روح ادرس او توظف في اي مكان انا اكبر اخواني >> يعني اروح واجيب اهلي

يعطيكم الف عااااااااااااااافية