شاشة الأكورد 03-07 للبيع

**Classic Design** · 18-01-2010, 03:38 PM

السلام عليكم ورحمة الله وبركاته

تعرفون موضوع الشاشة و أكثركم شاف التقرير

أنا إن شاء الله ناوي على الشاشة بس السعر لك عليه شوي و كلمتهم عن السعر و قلت لهم بدون كاميرا خلفية ولا يمين يسار قالي إذا أنتم مجموعة نعطيكم تخفيض بس واحد صعبه

علشان كذا أنا إن شاء الله راح أطلب الشاشة يوم السبت الجاي و أي واحد يبي وحده يرسل لي اسمه ورقمه على الخاص و بعد مانشوف الخصم نقولكم عن السعر و إن شاء الله تسهل

بالنسبة للسبيشل اللي متأكد منه أن الفل تشتغل عليه و السبيشل راح نتأكد ونرد لكم خبر إن شاء الله

تحياتي

**S.M.A.R.T** · 18-01-2010, 03:46 PM

ماشاء الله عليك ابراهيم ضربت الحديد وهو حار ... تعجبني

مبدئيا نشوف مواصفات الشاشة على الطبيعة ونجربها ثم نطلبها

تشاااااو

**مجوووودي** · 18-01-2010, 03:57 PM

طيب موضوع انها تشتغل ع فل قضينا منه ..

الحين نبيكم تحطون كل اهتماماتكم في السبيشل والسياحي .. لان اغلبية الاعضاء اقل من الفل ..

يعني بيصير خصم حلو مرة ..

يعني قبل تطلبون ياحقين الفل اصبرو الين يتأكد تشغيلها بالفئات الثانية ..

عشان نطلبها مرة وحده ويكون شحنها مرة وحده .. عشان ماتكلف ..

تحياتي ,,

**Classic Design** · 18-01-2010, 04:06 PM

يوسف يعطيك العافية منور بمرورك و إن شاء الله إنها تمام و شغالة 100%

مجووووووووودي بالنسبة للسبيشل راح أجيبلكم الخبر من المنتدى الأمريكي إن شاء الله و نرد لكم

بس اللي أبغاه مبدئيا أي واحد حتى لو يفكر أنه يشتري الشاشة يعطين خبر أنا أبي عدد تقريبي لأني صراحه تحطمت كل هالتقرير و مراسلات و آخر شيء أشوف كل الأعضاء يقول أصبر نبي تعريب نبي ما أدري ايش و أنا ما ألومهم لكن أبي عدد تقريبي علشان إذا فيه خصم نصبر ولا أتوكل على الله و أشتريها لو بـ 4000

**A N M A R** · 18-01-2010, 04:09 PM

اول شي ابغا اتاكد اذا كانت تشتغل على السياحي

اجمع قروشي واديك الخبر

ويعطيك العافيه على مجهودك

**مجوووودي** · 18-01-2010, 04:20 PM

هي زبدة الموضوع ياكلاسيك الان ( تشتغل ع السبيشل او لا )

اول مايتأكد الموضوع راح تشوف تفاعل الاعضاء ويقولون سجل اول طلب وثاني طلب إلخ

اذا تشتغل ع السبيشل .. انا اول المشترين ..

**King** · 18-01-2010, 06:02 PM

يعطيك العافية إبراهيم

راح يثبت حتى إنتهاء المدة المعنية لطلب الشاشة ...

**The Golden Accord** · 18-01-2010, 11:31 PM

انا ان شاءالله باشتريها

وسجلني من ضمن اللي بيشترون حتى لو ب 4000 ع قولتك

لكن اجمع القريشات واعطيك خبر

**V6 2007** · 19-01-2010, 12:15 AM

هـلا اخوي بالنسبــه للشـاشه والله هي
اوكيـه بس نبي نعرف كم سعرهـا بالضبط
مع الشحن !!
وهـل تشغل الـ 6 سيديات ولا سيدي واحد
يعني نبي كل المعلومـات عنها
عشـان الواحد يقـدر يقول يبيها ولا لا ..!!
تـدري الشاشه ماهي رخيصه عشان نضحي :d

تحيتي

**King** · 19-01-2010, 12:34 AM

بخصوص أغلب اسئلة الشباب هذا رابط موضوع مواصفات الشاشة حتى لا تتكرر الأسئلة والأستفسارات ^_^

هذا موضوعها الأصلي وفيها نقاشات وإستفسارات قد تهمك

http://www.hondaarabia.com/club/showthread.php?t=31343

مواصفات الشاشة في موضوع آخر

http://www.hondaarabia.com/club/showthread.php?t=31488

**ن ع ر السعودية 0005** · 19-01-2010, 08:24 AM

وعليكم السلام ورحمه الله وبركاته
وأنا مع جوزيف في الرائي وإذا تبي عدد أنا منهم ورقمي موجود عنك و إن شاء الله تكون بعد هذا العناء تستحق الواحد يأخذها .

**Classic Design** · 20-01-2010, 10:39 PM

آخر الأخبار عن الشاشة بالنسبة للسبيشل

سألت الدعم الفني عن الشاشة هل تركب على السبيشل و كان الجواب أنه ما عندهم بالصين اكورد بمكيف عادي كل أنواع الأكورد اللي عندهم بمكيف الكتروني علشان كذا يقول ما أدري إذا هي تشتغل ولا لا

و الحل مالنا إلا نطلب وحده و نجرب على السبيشل

مين من أصحاب السبيشل مستعد يشتريها و إذا ماركبت يبيعها

**مجوووودي** · 21-01-2010, 12:57 AM

عندي اقتراح افضل ..

واحد من اصحاب الفل اللي طلب الشاشة .. يجربها على سبيشل .. اذا نفع حلو مانفع ربك كريم ..

بعدين يركبها ع سيارته .. هذا ابسط حل ..

صعبه يطلبها واحد ماركبت عندهـ يدور احد يشتريها وباقل من السعر اللي دفعه ..

**Classic Design** · 21-01-2010, 06:18 AM

أنا موجود بالقصيم و أول ما تجي الشاشة إن شاء الله مستعد أجربها على اسبيشل

إذا فيه أحد من القصيم معاه سبيشل و عنده استعداد يجرب يرسل رساله على الخاص

**F-505** · 22-01-2010, 01:01 PM

مشكوووووووووووووووور على الموضوع
سجل انا ابغى شاشه

طيب عندي لك حلى عطهم عدد خيالي وشوف
كم يحسبونه لك
بس مدري يشتغل على سياراتنا

**The Golden Accord** · 24-01-2010, 12:38 AM

هآ بشرنا في جديد بخصوص هالشاشه

وكم ياخذ وقت الشحن

ويارب ييسرها لنا

وتراني متحمس واجد وياخوفي اتحطم

**ابو حكيم** · 27-01-2010, 03:22 PM

هاااااااه بشر وش اخر النتائج ...

**sul6an** · 29-01-2010, 03:32 PM

تركب على سياحي 2003 وكم سعرها

**The Golden Accord** · 29-01-2010, 10:48 PM

المشاركة الأصلية كتبت بواسطة sul6an

تركب على سياحي 2003 وكم سعرها

باجاوب بالنيابه عن العضو

Classic Design

اول ما توصل الشاشه باذن الله سيتم تجربتها على الفل وعلى السبشل

وبالنسبه للسعر
900دولار= 3400 ريال تقريبا
+
200ريال شحن

اتمنى اكون افدتك

**Classic Design** · 02-02-2010, 04:57 PM

^^^^^

اللي يسأل عن آخر الأخبار :d

قبل أمس حولت الفلوس لهم و اليوم راح يرسلون الشاشة

يعني إن شاء الله كلها 6 أيام من الصين إلى هنا بعدها بتصير عند الجمارك كم يوم

الحمد لله تسهلت

**Y.k.A** · 02-02-2010, 05:07 PM

يااالله ياااااصديقي

عساااااكـ ع القوووة

شد حيلكـ وورنا احلى تقرير

**الشمــــالـــي** · 02-02-2010, 05:16 PM

المشاركة الأصلية كتبت بواسطة classic design

^^^^^

اللي يسأل عن آخر الأخبار :d

قبل أمس حولت الفلوس لهم و اليوم راح يرسلون الشاشة

يعني إن شاء الله كلها 6 أيام من الصين إلى هنا بعدها بتصير عند الجمارك كم يوم

الحمد لله تسهلت

لا هانت إن شاءالله

بس شد حيلك يالذيب

وعطنا الأخبار أول بأول

**اكـ2007ــورد** · 03-02-2010, 01:41 PM

يالله ننتظر تقريركـ

***ابوالهنا*** · 07-02-2010, 08:14 PM

الله يبارك لك فيها

وفي انتظار تقريرك

**The Golden Accord** · 11-02-2010, 12:31 AM

الف مبروك يالغلا Classic Design
وتتربى بعزك :o

حبيت اسالك لو نبي نطلبها يالاعضاء في نفس الموضوع هذا والا موضوع ثاني
عشان الاعضاء اللي يبون الشاشه يسجلون اسمائهم ومن ضمنهم انا
وتطلبها لنا الله لا يهينك

ادري بنكلف عليك
لكن مامعنا الا الله ثم انت
ونبي التكلفه كامله وطريقة التحويل او التسديد <مصخها

بس كل ذا بعد مانتاكد انها تركب ع السبشل

وانا متاكد ومتفائل ان شاءالله انها بتشتغل ع السبشل