الموضوع: ليه يا أعضاء هوندا

أول شيء الله يعوض عليك...وعساها دفع مكروه عنك..

ثانيا أنا أعتذر لك إن كنت تشوف إني قصرت في التوضيح للشباب في المنتدى عن العيب...وابشر بالحق وما يلحق...:o

لكن...!!!

ليس كل موديل 2006 فيها هذا الخلل...لو وديت سيارتك على الضمان ماراح يغيرون شداد السير إلا إذا كان خربان...

العتب على الصيانة اللي مفروض تسوي إعلان عن الخلل هذا...مب الإعلان عن خلل لمبة الفرامل اللي ما يتعدا قيمتها 8 ريال!!

إذا غيرت شداد السير ما يعني هذا إنه لن يخرب عليك...أخونا Black Arrow غيره مرتين وأعتقد انها كلها بعد الضمان..:(

أعيد وأكرر اعتذاري الشديد لك ولكل أصحاب السيفيك وابشر والله بالحق...

بالتوفيق

حبيبي انا عندي سيفيك 2006 .. بس من قلت انت هالمشكله وانت خوفتني ..
السيارة هالشهر دافع فيها مبلغ .. يعني امغير زيت القير وامركب كفرات بيرلي وزيت المكينه وشاري ليها فلتر للهواء ..
ومانى ناقص وجع راس ..
بس الله يخليك ممكن اتقول لينا كيف اعرف سيارتي من أي دفعه ..؟؟
لأن نزلت مشكله في السيفيك و أعلنو عنها في الجريده الى كل السيفيك 2006 بس على حسب رقم الهيكل ..
ويوم رحت قالو لي انت مو من هذي الدفعه الا فيها هالمشكله ..
فممكن اتقول لينا رقم الهيكل حق سيارتك عشان نعرف سياراتنا من أي دفعه ؟؟

المشاركة الأصلية كتبت بواسطة C I V I C 2006

أول شيء الله يعوض عليك...وعساها دفع مكروه عنك..

ثانيا أنا أعتذر لك إن كنت تشوف إني قصرت في التوضيح للشباب في المنتدى عن العيب...وابشر بالحق وما يلحق...:o

لكن...!!!

ليس كل موديل 2006 فيها هذا الخلل...لو وديت سيارتك على الضمان ماراح يغيرون شداد السير إلا إذا كان خربان...

العتب على الصيانة اللي مفروض تسوي إعلان عن الخلل هذا...مب الإعلان عن خلل لمبة الفرامل اللي ما يتعدا قيمتها 8 ريال!!

إذا غيرت شداد السير ما يعني هذا إنه لن يخرب عليك...أخونا Black Arrow غيره مرتين وأعتقد انها كلها بعد الضمان..:(

أعيد وأكرر اعتذاري الشديد لك ولكل أصحاب السيفيك وابشر والله بالحق...

بالتوفيق

مو مشكله يالغالي و الله يعطيك العافيه

و ان شاء الله يستفيد باقي الشباب

المشاركة الأصلية كتبت بواسطة ابوزكي

حبيبي انا عندي سيفيك 2006 .. بس من قلت انت هالمشكله وانت خوفتني ..

السيارة هالشهر دافع فيها مبلغ .. يعني امغير زيت القير وامركب كفرات بيرلي وزيت المكينه وشاري ليها فلتر للهواء ..
ومانى ناقص وجع راس ..
بس الله يخليك ممكن اتقول لينا كيف اعرف سيارتي من أي دفعه ..؟؟
لأن نزلت مشكله في السيفيك و أعلنو عنها في الجريده الى كل السيفيك 2006 بس على حسب رقم الهيكل ..
ويوم رحت قالو لي انت مو من هذي الدفعه الا فيها هالمشكله ..

فممكن اتقول لينا رقم الهيكل حق سيارتك عشان نعرف سياراتنا من أي دفعه ؟؟

والله يا طويل العمر المشكله هذي مالها علاقه برقم الهيكل

انت لازم تروح الوكاله و تقول لهم ان سمعت ان فيه مشاكل بالسير و كذا و كذا

و هم بيشيكون السياره و بيشوفون


و انا عندي صوره موضح فيها الطريقه الخطأ و الطريقه الصح و القهر ان الورقه من الوكاله :d و تجي مع السير الجديد اذا جيت تشتريه و قيمت السير لحاله حدود 350 ريال

وقت ثاني ان شاء الله برفق الصوره

ماعندي وقت اروح الوكاله والوكاله في الدمام وانا في راس تنورة وللأسف ماعندي وقت ..
يعني بالموت استغنيت عن سيارتي يوم واحد عشان ايغيرو زيت القير ..
ما بالك اشوف ليي وقت ثاني بعد عشان اروح وأسأل ..
وانت على فكرة ترى كتبت في الموضوع ان المشكله في الدفعات الأولى ..
فأكيد ان رقم الهيكل اله دخل في الموضوع ..

...أخونا Black Arrow غيره مرتين وأعتقد انها كلها بعد الضمان..

ما شاء الله عليك للحين تذكر :d ،

المرة الأولى على الضمان غيرتها بس المرة الثانية اكلتها :(

المرة الثانية كانت بتكون مكلفة اكثر لان المسمار حق شداد السير انكسر ، نصه طلع مع الشداد والنص الثاني ضل في بلوك المكينة ، وديته الوكالة وما قصر المهندس شهباز اعتقد الكل يعرفه ، قالي بحاول لك اني اشيله وراح يكلفك 300 ريال شغل يد ، بس اذا ما قدرت راح يكلفك 1000 ريال علشان نفك المكينة ونصلحها لك ، طبعا قبلها رحت ورشة الجنوب وقالو لي نفك المكينة ونغيره لك بـ 800 ريال

انا صراحة قلت ما تفرق 200 ريال اهم شي شغل الوكالة اضمنه خاصة انه في قطعة مهمة زي المحرك ، المهم انه قدر يشيله بدون ما يفك المكينة ، دفعت قيمة الشداد + سير جديد + بكرة طرمبة الماء

نجي لمسألة عيب مصنعي ، انا عن نفسي ما قالوا لي انه فيها عيب مصنعي ، ثانيا ما شفت احد من قبل اشتكى من هالشي فقلت يمكن انها غلطتي لاني ادعس كثير على السيارة + ماسك خطوط على سرعات عالية

لو نجي لاخطاء مصنعية ترى في لائحة تطول وتطول ، بودي لو نسوي موضوع نشوف كل واحد جاته مشكلة في السيارة وطلعت عيب مصنعي >> راح اسوي هالموضوع الحين