الموضوع: عطوني رايكم في أسرع وقت

المشاركة الأصلية كتبت بواسطة عاشق سيييييييفيك

السلام عليكم كيفكم أنشاء الله بخير
بدخل في الموضوع أنا من فتره كتبت موضوع
وهو أنه في مشكله في سيارتي سيفيك 2006 وهو رجة الموتر وقت تشغيل السياره
بعد ما تحتمي تروح الرجه وخاصه رجه قويه والقير على ريوس المهم ما لقيت لها حل كلن يقول أفحص في الوكاله وفحص الوكاله غالي مدري على ايش واليوم كنت في صناعية الشفاء قلت خلني أدور أشوف وأدور على كم واحد يقولو أكثرهم عندك كرسي مكينه كلهم أبو يمن ما أصدقهم المهم شفت واحد يمدحون شغله تركي قمت دخلت الموتر عنده قام ساق الموتر ودعس عليه قال عندك كرسي المكينه اليمين مكسور
قلت طيب المصيبه رحت الوكاله وسألت عن كرسي المكينه يمين قال 520 ريالا أحس أنه غالي بقووه وشرايكم كيف سعره أتمنى تفيدوني في سعره هل هو مناسب أو لا

ردو في اسرع وقت ممكن اسف على الأطاله

الله مير يسلمك يابعدي

انا توني مغير جميع قطع المكينة ودافع فوق 2000ألف ريال

لأني مهمل وكارف الموتر

والسعر مناسب

وعاد الله الله في البداية لاتدوس عشان يمسك مكانه وبعدها تبي تقاوم تبي تسوي درفت على كيف كيفك

وغيره وتوكل على الله

واذا كنت حاب تتأكد انه كرسي مكينة اذا طلعوه من مكانه تقدر تشوف هل الربل نفسها فيها شي ولالا

مشكور أخوي okr وما قصرت طيب أذا تركته ما غيرته فتره يأثر على الموتر
ونبغى نسمع باقي الأعضاء في السعر

المشاركة الأصلية كتبت بواسطة عاشق سيييييييفيك

مشكور أخوي okr وما قصرت طيب أذا تركته ما غيرته فتره يأثر على الموتر
ونبغى نسمع باقي الأعضاء في السعر

ايه نعم ينزل من عزم المكينة

بسبب المكينة يصير فيها تلاعب ماتكون ثابته

وبالنسبة للسعر هذا سعر الوكالة وماظنتي احد بيقدر يقول شي عنه

مشكور أخوي أوكر وما قصرت وخلاص أنشاء الله بشتري الكرسي

المشاركة الأصلية كتبت بواسطة عاشق سيييييييفيك

مشكور أخوي أوكر وما قصرت وخلاص أنشاء الله بشتري الكرسي

توكل على الله

واهم شي وانا اخوك التركيب

لأنه جدا مهم

أكيد كرسي الماكينة,,, الماكينة عند بداية التشغيل بيكون دورانها قوي ,,, فلأن كرسي المكينة تعبان تلاحظ هذي الرجة
السعر في الوكالة غالي
أنصح تروح أحد الموزعين المعتمدين يكون أرخص ب100 ريال على الأقل,, أنا صار معي هالشي
طبعا لازم تغيره لإنه إذا ما غيرته ما يكون توزيع الحمل على الكراسي الباقية متساوي
فيخربوا بسرعة ,,,,,,,,,,,,أكيد
أخوكم وليد

المشاركة الأصلية كتبت بواسطة المباشر

الحق وبدل الكرسي بأسرع وقت وأفحص البقيه هل فيها مشكلة ولا جيده

على قولته

الحمد لله ركبت الكرسي وقالي الكراسي الباقيه سليمه ومشكورين على المرور.

يعطيك العافية وعفوا على الازعاج
انا من سوريا وما عرفت شو يعني كرسي الماكينة
يا ريت تشرح لي وتفهمني شو اضرار عطل كرس يالماكينة
مشكور