الموضوع: بنسبه لتعميم كراسي المكينه

يعطيك العافية عالتوضيح يا غالي وللأسف وكالاتنا غير واضحة أبدا في ما يخص مصلحة الزبون والمستفيد مع إن الشغلة واضحة للعيان إنها عيب مصنعي ..
أخوي بخصوص الفيوز وشهو العيب المصنعي اللي فيها؟ وايش يسبب؟

الله يعطيك ألف عافية يا غالي وما قصرت..

يا شباب انا اليوم رحت الوكاله اللي في جده فرع طريق المدينه
و اعتقد هذا الفرع هو الفرع الرئيسي في المملكه

و سالت مهندس الاستقبال عن العيب الصناعي اللي في السيفيك , قالي ان ما وصلهم خبر و لا سمع ناس يشتكوا بهذا الشي !! و لا يعتقد ان هذا الكلام صحيح
سألني من فين جبت الكلام هذا ؟؟
قلت اليه من الانترنت ,, قال لي ( أكيد من منتدى محبي الهوندا ؟ )
:d قلت له نعم
قال هذا المنتدى احن ما نحبه ونسميه منتدى كارهي هوندا

حقرته ومشيت عنه قلت يمكن ما يدري عن شي

دخلت الورشه اللي في الوكاله ( مكان الصيانه ) بدون لا يشوفني المسؤول لانه الدخول ممنوع
و شفت واحد من المكنيكيين و سألته عن العيب هذا
قال لي و هو مبتسم : لا تسأل واحد في الوكاله عن هذا الشي علشان لا تصير نكته عنده
قال هذا الكلام مش صحيح و اصلا السيفيك و الـ CR-V أقل سيارات يختربوا في الهوندا
و قعد يمدح في السيفيك أكثر من الاكورد !! تصدقوا
المهم
قال لي لو هذا الشي عيب مصنعي كان جتنا سيارات سيفيك كثيره للصيانه , بس احنا ما نشوف سيارات سيفيك فيها هذي المشكله الا قليل و لا تعتبر عيب مصنعي



في الاخير ابي رايكم بالكلام هذا
يعني في كثير منكم واجه هذا المشكله ؟ و هل تصنفها كعيب مصنعي ؟
مع العلم ان عندي سيفيك 2008 و كارفها كرف و الضغط طول الوقت على السبعه :d ولا أحميها في الصباح ولا شفت منها و لا مشكله , ما شاء الله كأنها وكاله

أولا شي مشكور أخوي ولد الديره على المجهود بخصوص الموضوع
أما بنسبه للمشكله ألحظ أكثر ألي يشتكو أذا وصل ممشى السيفيك 100 ألف ينكسر كرسي من كراسي المكينه
وأنا معي سيفيك 2006 يوم مشت 100 ألف أنكسر عندي الكرسي اليمين وغيرته والحمد لله الموتر ما في أي عيوب ثانيه وأكرر شكري على المجهود.