كفرات السيفيك 2009

**iam_alive** · 28-02-2010, 02:48 AM

السلام عليكم شباب ..... كيف الحال والاحوال .....
شباب انا بدخل بلموضوع مباشرة وهو ان انا عندي سيفيك 2009 جديدة وكالة والمشكلة الي مجننتني هي صوت طقطقة الديكور .....

السيارة توها جديدة والصوت ذابحني مأدري احد عنده مثل هالصوت ولا لأ ؟
الصوت خفيف ولكنه مزعج
er 30 الي توصلت له انه ممكن يكون الصوت من الكفرات لانها مرة قاسية (بالمناسبة هي بريدجستون تورنزا
انا شريت السيارة في اخر شهر في 2009 يمكن علشان كذا الكفرات كانت مخزنة و قديمة شوية علشان كذا طالعة قاسية ؟

بالله عليكم شباب الي عنده فكرة يشور علي و هل فيه كفرات اخرى سعرها مناسبة و مريييييييحة مرة ؟

**عاشق سيييييييفيك** · 28-02-2010, 04:28 AM

هلا والله أخووي أنا بنسبه لكفرات بريجستون ما قد جربتها
أنا أركب دنلوب والحمد لله الكفرات حلوه
لكن بنسبه لديكور أشوف أنك تروح للوكاله أحسن عشان أنا معي 2006 الحمد لله ما فيها اصوات
اتمنى أكون أفدتك.

**salamify** · 28-02-2010, 12:57 PM

بالنسبة للكفرات واصواتها فإحتمال كبير جدا انه بسبب التخزين وشركة بيرجستون ما عليها أي كلام مع إني مركب دنلوب ومرتاح جدا لها..

**SoOoNa** · 28-02-2010, 01:59 PM

والله يا غالي انا عندي اصوات في الديكور ومررره جايبتلي الجنان
وتحس الصوت من الابواب الخلفيه صح
انا قلت يمكن من التهبيط
مع العلم انو سيارتي 2008
اما الكفرات والله مدري عنها

**meshoo** · 28-02-2010, 03:18 PM

راجع الوكاله وبلغهم بالمشكله وراح يعطونك خطاب لـ بريجستون وبعدها تروح لـ بريجستون ويشيكون على الكفرات اذا فيها مشكله يعوضونك بكفرات جديده

**iam_alive** · 28-02-2010, 08:24 PM

الله يجزاكم خير ياشباب ...... انا رحت الوكالة و علمتهم وطبعا انواع الاستهبال هناك ...... بس ان شاء الله لي معهم عودة وبكون رااااااايق وفايق لهم وان شاء الله باعلمكم بالي صار والله يجزي الجميع خير

**بلا وجع راس** · 01-03-2010, 12:57 AM

انا كنت مركب كفرات دنلوب على طيس كويسه مره وثمن ركبت جنوط كروم ركبت قودير والله مرررره حلوه ولينه ومريحه في السفر اتمنى لك اتوفيق

**AHMAD KHALID** · 09-03-2010, 08:05 PM

السلام عليكم

كنت راح اكتب موضوع جديد لكن موضوع الاخ iam_alive يكفي وزيادة.لأن انا بعد عندي سيفيك 2009 وكالة من اسبوعين ومع ذلك اسمع صوت طقطفه،فأنا اقول لك يا اخوي iam_alive انا عندي نفس المشكلة.وبروح الوكاله يوم الخميس إن شاءالله واشوف وش سالفتهم.انا الصوت يطلع عندي اذا كنت ماشي 30 وضربت فرامل.

**iam_alive** · 09-03-2010, 10:23 PM

انا اليوم رحت الوكالة وطلع معاي المهندس الفلبيني ودعس بالسيارة على خريص ووصلنا لين 130 وبعدين رجعنا الوكالة وكان التقرير ان الصوت بسبب مشكلة في الكفرات و عطونا خطاب اروح بيه لوكيل البيرجستون ...... ان شاء الله اروح بكرة واشوف وش راح يصير وان شاء الله خير

**هـsiـاجر** · 11-03-2010, 10:00 PM

اولا روح للوكالة وثانيا السيفيك 2006 الى2010 نفس الشكل اللهم الصدام والمسجل.....روح الوكالة

**ابوزكي** · 13-03-2010, 12:44 PM

انا كانت كفرات الوكاله مال بريجستون اوكي معاي ..
وبعدها رديت ركبت اثنين من نفس وكالة بريجستون ..
وخبرك التهبيط يعفس التواير الا ورى ويخلي السيفيك يفرشو كفراتها ولا يدوم معاي لأني اطلع بها العمل وهاي وي ..
الخطوه الا بعدها جربت تواير اثنين ركبتهم ورى من شركة بيرلي .. وبصراحه ماعليهم كلام وان شاء الله الحين بعد شهر يمكن أرد أركبهم جدد ويمكن طقم كامل ..
علاماً ان تاير البيرلي نفس مقاس السيفيك بالضبط راح يكلف .. 505 ريال اذا مازاد سعره للحبه الوحده ..