استفسار عن صيانة 50,000

**the pirate** · 10-12-2010, 10:41 PM

السلام عليكم ورحمة الله وبركاته ....
انا عندي سيفيك 2008 و مشت الحين 50،000 الف !!
السوال : انا مركب فلتر رياضي ، اذا رحت الوكالة بسوي صيانه . يروح الضمان او لا ؟
واذا كان الضمان يروح .. يروح على اي قطع بالضبط << ارجو التوضيح ؟؟
وكم تكلفة صيانة الخمسين الف ( 50000 ) ؟؟ اللي يتم تبديله ؟؟

ملاحظة : انا شايل الاغراض حقت الفلتر الاصلي كلها .. يعني الدبة اللي تحت واللي فوق
ومركب انتيك وفلتر " كي اند ان " ؟؟!!

واسف على الاطالة !! وشكرا مقدما للي يرد !!

**عاشق سيييييفيك** · 11-12-2010, 12:42 AM

أخووي دامك معدل في الموتر ما أنصحك تروح للوكاله
أشتر بس زيت من الوكاله مع سيفون وأقرب ورشه غيرها عندهم
وأذا مشيت 60 ألف لا تنسى زيت القير
واذا مشيت 80 ألف لا تنسى صفاي البنزين
واذا مشيت 100 ألف لا تنسى البواجي والسيور:d

أتوقع لو توديها الوكاله راح يغيرون الفلتر اتمنى أكون افدتك.

**anwar505** · 11-12-2010, 01:19 AM

صيانة 50000 راح تكلفك 300 ريال أو 380 ريال ماراح يتعدى أكثر من كذا مع تغيير الزيت والفلتر وتغيير فلتر الهواء
عادي تقدر تروح الوكالة وتسوي صيانة ماعندك مشكلة .. مايروح الضمان

لكن المشكلة في حالة ::: خليني أعطيك مثال للتوضيح

إنت مركب فلتر رياضي وأنتيك ..
وإنت تشتكي من حساس الهواء أو في مشكلة سببتها حساس الهواء أو شئ متعلق بموضوع إنت مغيره مو من الوكالة :: هنا راح يقلك
الضمان مايشمل الجزء هذا بسبب التعديل .. لكن إذا عندك خارج عن هذا الموضوع كمثال كرسي المكينة أو أي شئ بعيد عن اللي معدله راح يشمله الضمان

وإذا ماتبغى واحد يتفلسف عليك بالوكالة إتبع إرشادات عاشق سيفيك !!
مع العلم أغلب الأشياء إللي يسونها بالوكالة يسونها بـ قلف إكسبريس وقدام عينك ( ^_^) حتى زيت هوندا عندهم
والأمور الميكانيكية في ورشة متخصصة بهوندا مع العلم الوكالة تأخذ فلوس كثيرة فقط للفحص

أتمنى أكون أفدتك بالموضوع

**the pirate** · 13-12-2010, 09:16 PM

تسلموا شباب ما قصرتوا .. انا من اول متردد اوديها الوكالة !!

**meshoo** · 13-12-2010, 09:49 PM

وعليكم السلام

وديها الوكاله بس لاتدخلها صيانه

روح الصيانه السريعه قوله صيانة 50.000 وابي زيت وفلتر بس بـ 105 ريال

والي بالصيانه السريعه مايدققون ولاهم حولك وماحد راح يلغي عليك شي ان شاء الله