الموضوع: هل اقدر احول المكابح الخلفية حق سيفيك 2008 الى مكابح 2009

المشاركة الأصلية كتبت بواسطة هـsiـاجر

السلام عليكم ورحمة الله

شباب انا ابي اغير القماشات الخلفية اللي تجي داخل صحن المدور حق الهند لاكن في ناس ينصحوني اركب هوبات افضل زي سيفيك 2009-11
لاكن ابي اعرف هل اقدر اسوي تحويل بدون اي مشاكل ولا ماقدر وكم سعر الهوب مع القماشات

هلابك عزيزي،،،


يصير تغير للهوبات اللي في موديل 2009 وطالع،، وكنت سألت ميكانيكي عن هذي النقطة وقالي يصير بس يحتاج تغير القطع اللي ملحقة بالتاير الخلفي بموديل 2009 واعتقد انه بكلفك في حدود 7000 ريال سعودي،،

امس سألت محل هوندا بشارع الخضرية . . قالي تكلف حوالي 2000ريال فقط هوبات واسلاك وقماشات والكبس حق القماشات فقط

لا لان شكل الهوبات الخلفية في موديلات 2006 في اليابان نفس 2009 عندنا وشكلها حلو على السيارة اكثر من (الطبله)

يمكن الشكل احلى صحيح انا وياك .. لكن ماتدوم .. انت مستعد اتغير قماشات على طووول ؟؟
اذا مستعد ركبها واخسر من البدايه وداوم على الخساره ..
لكن اللي جايه شد بلد من الوكاله اتدوم وياك 5 سنوات ماتخلص وفوق كده لما اتجي اتغيرها سعرها رخيص .. 150 ريال اصليه ..
وانت براحتك

أنا الطبلة اللي ورى خربت معي بعد حوالي 5.5 سنوات (بعد قطع مسافة فوق 200 ألف كيلومتر) والقطعة ما كانت موجودة فطلبوها من اليابان واستغرق الأمر شهر كامل وسعرها كان غالي (فوق الألف).

سبب عدم تواجدها هو أن القطعة المفروض تدوم مدة أطول حسب كلام مهندس الصيانة، ما أتوقع الهوبات راح يعيشوا هالكثر.

دام السالفه فيها 7000 يلا يا بابا خلني على الزفت الي عندي احسن

انا سئلت قالولي لازم الهند بريك تغيره مع السلك و خرابيط هاي كلام الي بالوكالة و اهم ما يسونها لازم اسويها برع الوكالة

بس دام الموضوع كذا لا غيرت رايي

ما اعتقد صح كلام اخوي ان الهوبات من 2006 الى 2009 نفسها ..

2009 مسوين هوبات وقماشات يعني كل فترة وفترة تغير قماشات وهوبات . . لاكن 2006 و2008 مسوين صحن مدور داخله قماشات صغيرة والهذا الصحن لما ترفع الهند يشد على الصحن ويمسك بقوة شديدة وماتتغير قماشاتها الا كل 5سنوات تقريبا وتقدر تشد عليها اذا ماتبي تغيرها . . كل البريكات ممتازة لاكن حق 2006 اللى 2008 اقوى وافضل