السلام عليكم ورحمة الله وبركاته
اخوكم جديد على
هوندا
ابقولكم قصتي من اولها لآخرها علشان تعرفون وش السالفه
وطولوا بالكم معي
يوم اني بالثانوي سيارتي كانت
كامري 2010 وانا شخص ما احب اضبط بالسياره يعني حدي
تظليله ومهتم بالسياره بزياده
المهم تخرجت من الثانوي وحصلت لي بعثه وقبل اسافر بعت سيارتي الموقره ومشيت
يوم وصلت امريكا قعدت فتره بعدين اشتريت
فورد 2009 وكانت معي ورده ماتشتكي من شي
لكنها أثرت بالميزانيه بالحيل يعني التأمين حقها غالي والبنزين ذبحني كل اسبوع اعبي ب89 دولار اذا بس جامعه
قررت اني ابيعها وبعد فتره وتدوير لقيت هوندا
سيفك 2003 نظيفه ماشاء الله ومافيها مشاكل ماعدا البويه من قدمها
اشتريتها وصرت ما اعبي بنزين الا كل اسبوعين مره والتأمين حقها رخيص والامور تمام
نجي الان للمشكله
بالعاده اشيك على السياره كل فتره من زيت وموية رديتر والاشياء البسيطه
نسيت مره اشيك على الرديتر وكنت مسافر ارتفعت علي الحراره اتش وطفت علي السياره:p
طلع الرديتر مافيه مويه عبيتها مويه عاديه ورحت لورشه وغيرت المويه وكل شي تمام لكن طلعت لي الحين مشكله
اذا شغلت السياره عداد الضغط يلعب والسياره تبي تطفي لازم ادعس بنزين لمدة خمس ثواني بعدين تضبط ولا كأن فيها شي وعداد البنزين والحراره نزلوا على تحت يعني اذا عبيت فل الانبير يصير على الربع الثالث
سافرت عليها ورحت وجيت بالخط والروحات والجيات السياره تمام
لكن اذا طفيت السياره وبغيت اشغلها تجيني المشكله وفي احد المرات وانا اشغل السياره جتني المشكله
واشتغلت لمبة المكينه يوم وديتها لورشه وجربتها طفت لمبة المكينه بس المشكله للحين فيه
خليت السياره عنده وقال ما دري وش مشكلتك
لكن طبلونك يبي له تغيير علشان العدادات اللي خربت ويمكن تضبط معك علشان الحساس حق الضغط اللي بالطبلون يمكن خربان
قبل لا يغير العداد فحص طرمبه البنزين طلع مافيها شي وقلت توكل على الله والسياره يبي لها تغيير سير التيمن مره وحده
طلعتها من الورشه والسياره الين الحين فيها المشكله اذا عندكم حلول الله لا يهينكم افيدوني واذا لقيت الحل راح انزله بموضوع منفصل
واعذروني على التطويل
ضوابط المشاركة
رد مع اقتباس
مواقع النشر (المفضلة)