سجل حضورك لتجمع يوم الخميس 1432/2/30هـ في مدينة الرياض

**King** · 01-02-2011, 06:09 PM

انا اتخيل عدد الحضور 50 شخص, وقائمة الطلبات باقي فيها فراغات!.

اشوف الحطب ماله اي لزمه او الفحم, الأجواء الايام هذه ممتاز. (الله يستر بس!)

ترى عادي اقدر اخلي الوضع نشافي. :d

**مايكل بن محماس المالكي** · 01-02-2011, 09:34 PM

أقول يالربع يمديها كورهـ ؟ :d

والله متحمس كوره مبطي عنها بس مدري مكان التجمع بوه نور بالليل ومكان لعب أو لا

لأأني بيني وبينكم انا رجال ما أعرف ألعب بلوت ولا أطيقها :d

**دي جي ركو** · 02-02-2011, 02:31 AM

سلام عليكم ... صباح الخ ـير

شباب انا ابي احضر بس وين المكان ومتى الوقت

افدوني الله يعطيكم الع ـافيه بسرع وقت :(

**King** · 02-02-2011, 02:36 AM

الفائدة في نفس الموضوع, لكن وين إلي يبحث ويقرأ!. :p

http://www.hondaarabia.com/club/post489711-33/

**مايكل بن محماس المالكي** · 02-02-2011, 05:57 AM

كنق الله يهب لك حظ ما جاوبتني عاد ياخوي سؤالي اللي ما لقيت إجابته في الموضوع كامل

هب لي جواب الله يهب لك حظ :d

**Honda*2008** · 02-02-2011, 06:13 AM

مآيكل آنآ برد عليك شكل كنق نآيم آلحين <ملقوف :d

آلعيآل آكثريتهم حقين ثيآب

آنآ آلي دآيم آشطح لهم ببدل:d

بس مآ فيه مشكلة آرفعوآ آلثيآب وآلحق آلكورة :d

**مايكل بن محماس المالكي** · 02-02-2011, 11:36 AM

وين حقين ثياب التجمع اللي طاف مسوي فيها رسمي وثوب وشماغ وعقال وحركتات تقل رايح عشاء :d

وأخرتها كلهم بدل وتكميلات .. حسيت الربع يطالعون فيني يقولون وش هاللي حاضر عرس :d

على العموم بكيفهم انا بأجيب تكميله وكوره لقيت ناس تشجع كان بها ما لقيت حولي احد قلبتها باصره الشكوى لله :d

**King** · 02-02-2011, 08:54 PM

ماعندك مشكلة ياصديقي جيب كورة وألعب بدينك ورجلينك, اهم شيء انك تستمتع. :d

بإذن لله التجمع يوم الخميس (غدا ً) بإذن لله بعد صلاة العشاء.

هذا رقم جوالي للحيطة فقط في حال ان احد ضيع, ومااعتقد ان احد راح يضيع المكان لأن الوصف واضح مثل الشمس.

**King** · 02-02-2011, 10:44 PM

والله الاجواء ماتبشر بخير, الله يستر بكرا الخميس وش يصير!.

طبعا ً انا ذكرت اول الموضوع ان في حال ساءت الأجواء راح يلغى التجمع تلقائيا ً.

**عاشق سيييييفيك** · 03-02-2011, 02:58 AM

لا أن شاء الله بكرره الأجواء تضبط.

**ن ع ر السعودية 0005** · 03-02-2011, 05:18 AM

إن شاء الله تكون الأجواء أفضل يا ليت إذا ألغيتو الأجتماع تضعون رد هنا مبكر

متابع معكم

;)

**B 5ob3aH** · 03-02-2011, 01:58 PM

حالة الطقس المتوقعة ليوم الخميس 30/02/1432 للـ 24 ساعة القادمة ابتدأ من التاسعة صباحاً
توالي درجات الحرارة انخفاضها الملموس من (4 -8) درجات مئوية على مناطق المملكة يصاحب ذلك نشاط في الرياح السطحية مثيرة للأتربة والغبار قد تؤثر في مدى الرؤية الأفقية خاصة منطقة الرياض والشرقية ومنطقة نجران وتتحول السماء من غائمة إلى غائمة جزئيا على أجزاء من مناطق شرق المملكة في حين تتكون خلايا من السحب الركامية في فترة ما بعد الظهيرة على المرتفعات الجنوبية الغربية مع ارتفاع في نسبة الرطوبة وفرصة تكون الضباب قد يشمل الأطراف الشمالية من المملكة .
,,
الرئاسة العامة للأرصاد و حماية البيئة

**عاشق سيييييفيك** · 03-02-2011, 04:28 PM

^^^^^^^^^^^^^
يعطيك العافيه اخووي
بس ألحين العصر الجو ولا أحلى.

**مايكل بن محماس المالكي** · 03-02-2011, 05:30 PM

لا لا بإذن الله الوضع تمام التمام المهم يا شباب لا أحد يتأخر ترون فيه تحضير :d

**B 5ob3aH** · 04-02-2011, 01:22 AM

هآهـ , بشّروو ..

شلون تجمعكم !
:d

**نـاعسـ الجفن..!** · 04-02-2011, 02:04 AM

المشاركة الأصلية كتبت بواسطة B 5ob3aH

هآهـ , بشّروو ..

شلون تجمعكم !
:d

شفيك مستعجل كذا :d

**accord790** · 04-02-2011, 02:43 AM

انا وصلت الساعة 9:30 ولا لقيت احد جلست الى 9:50 مافيه احد ومشيت

ملاحظة الجو كان بارد جدن جدن جدن ولهم حق مايحضرون

**عاشق سيييييفيك** · 04-02-2011, 02:51 AM

^^^^^^^^^^^^^^^^^
أخوي أخاف أنك مضيع:d
الشباب متجمعين من الساعه 8 تقريبا أنا وصلت الساعه 9:30 وحصلتهم
والتجمع كاان رووعه والجو كاان بارد وتعرفنا على الشباب
ومشكور أخوي كنق على تنضيمه لتجمع.

**accord790** · 04-02-2011, 02:58 AM

غريبه وين كنتم جالسين ؟

العادة السيارات مصفوفه بالشارع اللي يمر على طول يشوفها

انا يوم مريت ما انتبهت للداخل شفت الشارع مافيه سيارات ووقفت شوي ادور رقم كنق وطلع اني مسجله في الجوال الثاني وانا ناسيه بالبيت

ومشيت بعدها لاني مالقيت ولا سيارة هوندا مرت بعدي والا كان طبيت في عينه على طول

يالله خيرها بغيرها

**عاشق سيييييفيك** · 04-02-2011, 07:09 AM

^^^^^^^^^^^^
الجايات أكثر أن شاء الله.

**الأســـيـــر** · 04-02-2011, 11:14 AM

افا فاتنى التجمع ماطقينى خبرررر التجمع القادم ان شاء الله

اقتراح رئي

ياليت تكون فيه رسايل على الجوال مثل بعض الموقع السيارات تكون فيها رسايل تجيك رساله ان يكون فيه اجتماع في تاريخ كذا بعدين يتواصل مع المنتدا .

نتمنالكم التوفيق

**MLoOoOoK** · 04-02-2011, 11:54 AM

تم التجمع
وتعرفنا على الوجيه الطيبه
واشكر اخوي كنق على تنظيمه للتجمع.//

**alhlali** · 07-02-2011, 12:59 PM

إلا ياشباب كان فيه تجمع واكثر من رائع

من بعد العشاء تعرفنا عالشباب الطيب

وشاي وقهوه وسواليف وضحك

وإن شاء الله فيه تجمع الاسبوع هذا

**مجيد العتيبي** · 13-02-2011, 01:02 PM

يؤؤؤؤ
اول شي السلام عليكم
ثاني شي اهنيكم على المنتدى
ثالث شي كنت بحط رقمي لان فيه موضووع يقول تبي تعرف التجمعات وين وتوصلك رساله <<المهم سجلت ومدري وين راح الموضوع
هذا رقمي يا ليت تكون رساله 0541461327 :d

وش كمان بخصوص الخميس مع اني مدري هو هذا الي بيجي ولا الي بعده او ان راح وقتها بس حلووو ولو فيه بجي اول واحد ;)

تحياتي لكم واسف على الاطاله

**King** · 13-02-2011, 01:11 PM

صديقي كيف حالك. :d

التجمع قدييم, والمفترض اني اقفل الموضوع.

بخصوص الموضوع إلي ذكرت انك تسجل رقم جوالك هذا هو.

http://www.hondaarabia.com/club/t37940-2/#post492353

إذا كان في اي خبر للتجمعات سواء بالرياض او بالدمام او غيرها من المناطق راح تتم في مواضيع التجمعات الأسبوعية المثبته في اعلى القسم.