تجمعات الرياض الأسبوعية

**slaitr** · 24-03-2009, 07:56 PM

انشاء الله اني ابجي وسامحوني لاني ما جيت الاسبوع الماضي لانه صارت علي سالفة ما خلتني اجي ان شفتكم قلتها لكم

**محمد بن عبد العزيز** · 24-03-2009, 11:21 PM

زي ماقلت لكم اذا مافيه غبار راح يكون تجمع

وحسب الي سمعته بالتلفزيون ان فيه غبار جاي خلال الساعات القادمه
والعهده ع المذيع

والله يتمم الويكند على خير

* واخويانا الي يبون يجون ومستحين .. الشباب موجودين وحياك الله ..
* واللي يقول ودي اجي بس مرتبط .. الله يعينك على اشغالك وعقبال ماتمسك المصالح العامه >>على وزن مايحتاج كل تجمع تكرر الي تقوله

**عطر الحكي** · 24-03-2009, 11:25 PM

ياكثرهم الي يقولون راح نجي ولا يجون

والمشكله هم اكثر ناس يقولون وين التجمع فيه

وبعضهم يتصل وتوصف له واخر شي بوري وهو ماشي

اقول يا زينكم ياربعنا بس

ناس يعتمد عليهم

**FiRe || TeaR** · 25-03-2009, 02:40 AM

خلآص عند المركز ..

ان شاء الله بعد صلاة العشااء بتحصلوني عند المكان المحدد ..

اذا جاءكم واحد دق بووري وقالكم (( قفطتكم )) اعرفوا انه هذاا اناا علطوول :d

واعتبروني معكم حتى نمشي كلناا ..

وان شاء الله مانشغل بس .. واذا انشغلت اببلغكم ان شاء الله ..

**A C C O R D 0 8** · 25-03-2009, 06:13 AM

ابوووتس يالكليه اللي تقوم لها من الحين :( ..

:p ..<< موب تسنه بفمي طعم تراب ؟؟؟؟ ...

تسنه غبار هالحين :p ...

**محمد بن عبد العزيز** · 25-03-2009, 09:20 AM

كما توقعنا ياطويل العمر
بو حميد .. حبيب البي ..
فمك ريحته تراب والا طعمه تراب .. من عقب هذاك حق البرندا وانت رايحن فيها
ياخوي انت تقوم من بدري بس ماشوفك تحت كبري الوشم .. >>ملاحظ انه مكان غبي يجمعنا :d

**تويتي** · 25-03-2009, 09:30 AM

^^^^^^^^
هههههههههههههه
مكااااااانكم يافتحي خييييييييييخ خيييييييييييييخ
ابو حميد نسينا ايام المعلق اشطفني واشطفك هههههههههههههه
يالله خلوونا نشوف الخميس في غبار ولا بينزل خطاب يوقع عليه المدير << يقصد محمد بن عبدالعزيز بشأن موعد التجمع

**صديق عبدالله هاشم** · 25-03-2009, 05:55 PM

سلااااااااااااام علااااااااااكو

كيفكووووووووا

يا قدمي قدمااااااااااااااااااه

طيب وين حددتوا التجمع واي يوووووووووم؟

تفحيطاتي لكم

**King** · 25-03-2009, 07:24 PM

المشاركة الأصلية كتبت بواسطة صديق عبدالله هاشم

سلااااااااااااام علااااااااااكو

كيفكووووووووا

يا قدمي قدمااااااااااااااااااه

طيب وين حددتوا التجمع واي يوووووووووم؟

تفحيطاتي لكم

تفضل يالغالي

هذا كروكي الموقع

http://www.gesten.org.sa/newsImg/kroki.jpg

وإقتباس لرد مشرفنا

محـمد بـن عبد العـزيز

المشاركة الأصلية كتبت بواسطة محمد بن عبد العزيز

ياشباب بمشيئة الله راح تكون التكيه

في مخططات مركز الملك فهد الثقافي
بعد صلاة العشاء على الساعه 9 - 8
يوافق 29-3-1430هـ
(نقول ان شاء الله اذا مافيه غبار)
والعشاء نتفاهم فيه هناكـ
0557855715
الوصف:
1-عند الصالات الخضراء
2- شارع التخصصي تقاطع المعذر وانت جاي من خريص
تلف يمين متجه (للطب الرياضي-الصالة الرياضيه-البولينق-مركزالملك فهد الثقافي) واتبع لوحة مركز الملك فهد الثقافي..
تمشي تحت النفق .. تعدي الاشاره .. تجيك اشاره يسارك مركز الملك فهد وتديور وتدق علي .. واكمل لك الباقي

^^
الوصف يشمل جميع الاتجاهات .. ماعدا سكان الغرب والجنوب
كلهم عارفين الدرب مع شارع الوادي

نتشرف بشوفتك وحياك الله

**يامطنش** · 26-03-2009, 07:38 AM

الجو يبشر بخير وتبدا الافكار بتحول الى حفيرة نساح

و الجو بارد يعني اذا ما جبنا حطب شكلها خشب عماير

**B Useful** · 26-03-2009, 12:51 PM

هع هع خشب عماير ،، والله فكرتك جهنمية حقت نساح ،، بس تعرف ،، مالها داعي تطعس بالهوندا وتنصك بعين !!

**راكب هوندا ورايح هولندا** · 26-03-2009, 02:22 PM

العشاء بطلع اغير الفحمااااااااااااات ان امداني جيتكم

تحيااااااااااااااااااااااااااااااااااتي

**A C C O R D 0 8** · 26-03-2009, 02:39 PM

888888

سبحان الله .. توها تطلع الفحمات اليومـ !!..

يالطيب ترى التكيه موب بالغصب ان جيت حياك وان ماجيت الله يستر عليكـ

**محمد بن عبد العزيز** · 26-03-2009, 02:48 PM

عبودي التكيه بالمخطط بس تو اخوي اخذ موتري وانا اخذت موتره .. والا كان ودنا بحفيرة ..

بس الجايات اكثر طال عمرك ..

حكمة الحياه .. اذا بغيت تجي يطلع لك مليون الف شغله .. واذا مابغيت تجي اقرب تصريف ونص حبه بخاري ع الرصيف ..

الوعد هناك ان شاء الله في مخططات مركز الملك فهد الثقافي

**لو بكيت** · 27-03-2009, 01:03 AM

المشاركة الأصلية كتبت بواسطة راكب هوندا ورايح هولندا

العشاء بطلع اغير الفحمااااااااااااات ان امداني جيتكم

تحيااااااااااااااااااااااااااااااااااتي

ردك هذا ذكرني بأغنية قديمة تقول (( وما حدن ضربكم على ايديكم ))

**يامطنش** · 27-03-2009, 04:02 AM

اعتذر لشباب عشان مشيت لظروف خارجه عن التغطيه والتامين

ولي جاب العشاء دراهمه موجده بشيك مصدق

**King** · 27-03-2009, 04:34 AM

^ ^ ^

سبب التصديق ! !

:p

انا اقول حسافه إلي ماحضر التجمع

ومن جد فاته نص عمره

انا صراحه اشكر الشباب الجدد إلي شرفونا حضورهم

**Black Accord 2008** · 27-03-2009, 09:57 AM

أوووووووف أخيراً خلصت السوالف هنا ..

لي 4 صفحات في الموضوع ماقريتها وقلت لازم ارجع من آخر رد لي ..

----------->> اي فاضي

وأنا ماحضرت ..

فلذلك .. نقول الجايات أكثر ان شاء الله ..

**S.M.A.R.T** · 04-04-2009, 11:26 PM

مافي خطط على نهاية الاسبوع ؟؟

اشم ريحة تجمع وبيكون اكوس واحد

الحين واحد بيجي ويقول عندي اختبارات <<<<<<<<<< يا دين الله خرب الجو

**محمد بن عبد العزيز** · 05-04-2009, 12:55 AM

^^^
عندي اختبارات .. وفاينل بعد

>هذا اللي خربها من جد

**الـمـسـافـر** · 05-04-2009, 01:07 AM

^^ قدااااااااام يا عزيزي ^^

لي اسبوعين ما شفت الشباب عقب ما ضاعو بالجزيرة :d

يالله وين منسقنا يضبط الامور

**King** · 05-04-2009, 01:27 AM

وش رايكم بطلعة بر , الأجواء جميلة جدا ً بعد الأمطار التي رأيناها بالأيام الماضية

مو شرط تكون الثمامة !

فيه اماكن كثيرة احسن من الثمامة !

وهو بالأول وبالآخير مجرد

" إقتراح "

**B Useful** · 05-04-2009, 01:29 AM

يلة شبااااااااب ،، العشا هالمرة فول وبيض ،،

مبطى ماشفتكم ،، نصحية ،، اذا احد بيروح الجزيرة لا يروح مع احد مامعة تصريح وجاي على سيارة ابوة !!! عشان لا ينلطع 13 ساعة يحتري واسطة ولا راح الجزيرة ،،،

باقي السالفة والتفاصيل في التجمع ان شاء الله

**momo** · 05-04-2009, 01:50 AM

**تويتي** · 05-04-2009, 01:54 PM

المشاركة الأصلية كتبت بواسطة كوكو كورد

يلة شبااااااااب ،، العشا هالمرة فول وبيض ،،

مبطى ماشفتكم ،، نصحية ،، اذا احد بيروح الجزيرة لا يروح مع احد مامعة تصريح وجاي على سيارة ابوة !!! عشان لا ينلطع 13 ساعة يحتري واسطة ولا راح الجزيرة ،،،

باقي السالفة والتفاصيل في التجمع ان شاء الله

خلك يامصمص عشان تعرف مره ثانيه من تروح معه للجزيرة خيييييييخ خيييييييخ مانفهم كورة اجل << مالها دخل

المهم وش وضعكم في الويكند هذا
بانتظاااااار المنسق