تجمعات الرياض الأسبوعية

**سعودي ستايل** · 09-08-2009, 09:55 PM

^^^^^^^^^^^^^^
اما ياكاكاشي تصدق بعد ماشفتك تقول ياعمي طييييييير
قلت الرجال متعصب نيسان وجالس معنا
وياهلا فيك يوسف نبي نشوفك مره ثانيه
وتر الاكورد كوبيه احلى من الاتلما كوبيه بكثير :p <<< ماسكه

**Accord1116** · 09-08-2009, 11:31 PM

السلام عليكم ورحمة الله وبركاته

يسعد مسائكم بالخير والمسره

وشلونكم طيبين ان شاء الله

انا جديد وحاب اني اشارك معكم بالاجتماع بس يكون بالسويدي :p

والله مشوار بالشمال <<<:d انواع الكسل

ارجوا ان يكون يوم الاجتماع موضح بالتاريخ الهجري

<<< قروي تحملوووه كم يوم :o

بالتوفيق ان شاء الله للجميع

**S.M.A.R.T** · 10-08-2009, 12:36 AM

^^^

وعليكم السلام ورحمة الله وبركاته
ويسعدك صباحك ومساءك بكل خير وحب

وانت جاي جب هذا معك :d

دعابة لا تزعل

**تويتي** · 10-08-2009, 08:35 AM

مشكله ياجوزيف عيال النيدووووو
بس شكله مايفهم بالكورة خله يحضر تجمع ونفهمه في الكووووووووره
خيييييييييخ خييييييييييييييخ
نراكم قريبااااااااااااااا

**Honda*2008** · 10-08-2009, 10:41 PM

خلالالاص متى ناوين تحطون الاجتماااع

**Accord1116** · 10-08-2009, 11:24 PM

واجيب لك شابوره بعد لو تبي :p

والله ماعرفنا لكم شوي تقولون بس الكوبيه وشوي تقولون اجتماع للضعوف <<< امثال طويل العمر :d

والموضوع اشوف داخل فيه كوره ليش ناوين تجتمعون وتفرقون ؟؟

على العموم انا زعلت مانيب جاي بروح ادور اجتماعات بالبحرين

**S.M.A.R.T** · 10-08-2009, 11:55 PM

تعال وابصم لك على العشرة انك ماراح تفوت ولا تجمع

فله ... وناسة ... ضحك .... سواليف ..... ( ..... مشفر ):d

**Accord1116** · 11-08-2009, 12:21 AM

ههههههههه اهم شي المشفر لو يصير اللي في بالي تصير كذا

وين اجتماعكم فيه ومتى والساعه كم ؟؟

**S.M.A.R.T** · 11-08-2009, 12:44 AM

للحين ما تحدد بس انت تابع الموضوع

**AL_ADMIRAL** · 11-08-2009, 12:45 AM

Accord1116
أنت أهم واحد في التجمع الجااااي :d
لازم تجي ~_^

وترى في ناس جدد يعني أنت سوي نفسك تسلم على هذا وعلى هذا وتضحك مع هذا
وكل واحد يحسبك تعرف الثاني وهو جديد ههههههههههههه
أمزح أمزح بس لاتنسانا عاد (^_^)

**أبو نايف أكورد 2007** · 11-08-2009, 01:10 AM

أقترح السويدي ولا البديعه

ليت يكون بعد فيه كمره تصور

وأبشروا بالقهوه والعلوم السفره

**سعودي ستايل** · 11-08-2009, 01:26 AM

:d ^^^^^^^^^^
الله يا زمان اول يا ادميرال
تتذكر لما قلت لك تعال التجمع تقولي لالالالالالا ياخي كيف اتعرف عليهم
ياخي لو شوي اوكيه شكلهم كثير
والحين ماشاء الله تجي قبلي
خخخخخخخخخ
ولا تعزم اناس انت وخشتك
دعابه دعابه :d

**AL_ADMIRAL** · 11-08-2009, 02:02 AM

^
^^
^^^
هههههههه
والله من جد كنت مستصعب أول تجمع , بس الحمد الله مرت على خير ^_^

ولا تعزم اناس انت وخشتك

I'm loooonely
زين الحين أني أجي التجمعات أصلا :d

**أبوعبدالله** · 11-08-2009, 03:43 PM

الاسبوع هذا انشا الله

انه في الشمال

وننتظر تنسيقكم......

**عطر الحكي** · 11-08-2009, 04:35 PM

تصدقون فيه ناس كل همهم وين التجمع وين التجمع واخرتها مايجي

والا يجي دقيقه ونص ويقول والله مستعجل

( الظاهر بس يبي يورينا لمعه الكفرات وان سيارته تفتح بالريموت من بعيد )

والا واحد ثاني يجي قبل اذان الفجر ولا يدل ويقول وصفكم غلط وكان بيروح عليه جنط سيارته

الا على طاري الجنوط جنط الكوبيه مع الكفر كم سعره في الوكاله:p

**Accord1116** · 11-08-2009, 09:02 PM

Accord1116
أنت أهم واحد في التجمع الجااااي
لازم تجي ~_^

شكراً على المجامله ياأخ ادميرال ولو ان الوضع اشم فيه ريحة منكح ^_-
وعلى قولتك لازم اجي :d
هههههههههههه

أقترح السويدي ولا البديعه
ليت يكون بعد فيه كمره تصور
وأبشروا بالقهوه والعلوم السفره

صدقت ياابونايف وانا معك بالاقتراح هذا والا وش رايكم ؟؟؟

وبالتوفيق للجميع

**عطر الحكي** · 11-08-2009, 09:11 PM

^^^^^^^

وش الاماكن الحلوه والمناسبه للجلسه والتجمع بعيد عن الصجه واللجه عندكم؟

**B Useful** · 11-08-2009, 09:31 PM

والله اشتقنالكم ..

<<< منطول في ابها بين الغيوم والامطار والرعود والبروق << وعندك مشكلة في جمع التكسير السالم :d

نشوفكم ذا الويكند ان شاء الله اذا وصلنا بدري ...

**سعودي ستايل** · 12-08-2009, 03:28 AM

المشاركة الأصلية كتبت بواسطة عطر الحكي

( الظاهر بس يبي يورينا لمعه الكفرات وان سيارته تفتح بالريموت من بعيد )

والا واحد ثاني يجي قبل اذان الفجر ولا يدل ويقول وصفكم غلط وكان بيروح عليه جنط سيارته

الا على طاري الجنوط جنط الكوبيه مع الكفر كم سعره في الوكاله:p

اكيد هذا مو انا :d
هههههههههههههههههه
تصدق قسم بالله تهاوشت مع الوالد على هذا الدوار دق علي يقولي فهد الضوء الخافت وينه
ويقول جاني دوار اقوله يبه مافي دوار شكلك مضيع خخخخخخخخخخخ:d
خلها مستوره بس
اذا تبي الجنوط تر تلقاهم عند كاكاشي شكله لسه مابعهم :d
وبعدين وش تبي فيهم وش تحتك انت والسيدان حقتك <<<< لوووول خخخخخخخخخخخخخخخ
ياحبي لكم بس على العموم انا اعتذر عن الحظور الاني مسافر هذا الويكاند
تحيتي لكم
وراح اشتاق لكم :o
بايو

**عطر الحكي** · 12-08-2009, 12:46 PM

^^^^^^^^

انا اسأل عن قيمه الجنوط على شانك:p

بعدين عادي اذا راح ترجع من السفر على اذان الفجريمديك تسير علينا

بس انتبه للدوار مره ثانيه

**راكب هوندا ورايح هولندا** · 12-08-2009, 02:01 PM

واللي سيارته بالورشه يوظب راس مكينه كيف يجي

هههههههههههههههههههههههه

المعذره شباب

**لو بكيت** · 12-08-2009, 03:11 PM

المشاركة الأصلية كتبت بواسطة راكب هوندا ورايح هولندا

واللي سيارته بالورشه يوظب راس مكينه كيف يجي

هههههههههههههههههههههههه

المعذره شباب

من خلال متابعتي لهذا الموضوع أشوفك تسأل كثير عن التجمعات وتبغى تحضر تجمعات وتنشب للأعضاء عشان يسوون تجمع وفي الأخير ((( تعتذر عن الحضور ))) ؟؟؟

**محمد بن عبد العزيز** · 12-08-2009, 05:57 PM

^^^
مب هو اول واحد .. هذا يهون على الاقل يفهم الوصف بسرعه

غيره تتعب وانت توصف له وبالاخير يشطف ويدق بوري ولا كان فيه ناس مجتمعين ..

خليها وعليها

يقولون صلة الرحم زينه وخاصه نهاية الاسبوع

**عطر الحكي** · 12-08-2009, 06:34 PM

المشاركة الأصلية كتبت بواسطة راكب هوندا ورايح هولندا

واللي سيارته بالورشه يوظب راس مكينه كيف يجي

هههههههههههههههههههههههه

المعذره شباب

على شان كذا اجلناها

مايصير نجتمع من دونك

بس علمنا تكفى اول ماتخلص

يغلق

**Accord1116** · 12-08-2009, 07:25 PM

المشاركة الأصلية كتبت بواسطة عطر الحكي

^^^^^^^

وش الاماكن الحلوه والمناسبه للجلسه والتجمع بعيد عن الصجه واللجه عندكم؟

الى الحين تدورون على مكان انتم

ماادري ياعطر وش الاماكن الحلوه اول اجتماع بحضره الاسبوع هذا :d

<<< لاعاد تقول خلوه بالبديعه والا السويدي

خ خ خ خ خ

والله اللي تشوفونه

واهم شي الادميرال ;)

ولايهونون الجماعه