الموضوع: تجمعات القصيم الأسبوعية

الاستراحه افضل من الشوارع

يا أخوان قبل 3 اسابيع تقربيا


كان فيه تجمع التيما .. << صح شويات بس اسمه تجمع ههههههههههههههـ ..




المهم كانوا متجمعين عند المخازن الكبرى .. يقول واحد من الشباب وربي ان راعي الدوريه يدور عندنا



ولا قال شي ولا سوا شي .. لأننا ما سوينا مواكب ولا ازعاج ولا شي ..




واللي تشوووفونه انا معكم ..

صح شويات

ممكن راعي الدورية رحمهم وسكت عنهم :d
اللي أنا أعرفه ان التجمع عادي ..
بس أهم شيء مايكون فيه هياط شباب ومواكب ..

تحياتي لك ..

انا اذكر ان به استراحة على طريق الملك فهد وانت جاي من البكيرية قبل لا تدخل بريدة على اليمين
شوفوه اعتقد مكان مناسب لكن ملفت لانظار الملاقيف:d

وش صار عليكم ياشباب

عطونا اخبار اول باول

أبو عزوز :
الله يسلمك ويعافيك ..
وتكون سويت معروف ماينسى إذا تواصلت معهم عشان يحضرون التجمع ..

عبدالعزيز 11 :
يكون أحلى إذا كان التجمع في استراحة ..
تحياتي لك وأشكرك على الاقتراح الجميل ..

SAFWAN :
ولا يهمك أي شيء راح يصير راح نكتبه عالموضوع ..
وإذا ثبتنا الموقع الوقت راح أرسل لكل عضو عالخاص ..

--------------- مهم جدا جدا -----------------
ياشباب..اللي من أهل القصيم يراسلني عالخاص
---------------- اسـتـفـتـاء ------------------
وش رايكم يكون الاجتماع .. في استراحة والا في أحد المسطحات خضراء ..
الاستراحة ايجابية بشكل كبير من ناحية الستر من -الدوريات-والملاقيف- .. :d
الاستراحة فيها ملعب .. بحيث يكون في مبارايات إذا تبغون .. ;)
الاستراحة فيها مطبخ .. عشان نرتاح من قصة الشاي والقهوة ..
واللي فيه قوة على الطبخ بعد .. :d
* الاستفتاء مفتوح حتى يوم السبت .. :o
00000000000000000000000000000
ملاحظة هامة : اللي يبغى يغسل ويلمع سيارته ..
يسوي اللي يبغاه قبل الموعد المحدد .. تفاديا عن الإحراجات .. :(
تحياتي للجميع .. وأنتظر ردودكم وتفاعلكم ..

(( بقي 10 أيام على التجمع .. فلتكن على استعداد ))

سجل عندك واحد نفر تو ما تحركو الشباب ويسون تجمع نبغاء أكبر عدد ممكن وين حقين القصيم يا الله شدوء حيلكم ....

الله ياعيااااااااااال شدوو الهمه

مانبي باستراحات ياناس خلوناا فررري مانبي رسميااات تكفووووووون


بالداشري ولا بأي مكان اهم شي مانبي استراحات

ههههههههههههههههههههه

من ناحيتي كان ابو عزوز يبي يجي جيت

واذا صار مهب جاي انا وب جاي <<< مسكت غلط ;)

وبالنسبه للاستراحه اتوقع افضل مكان للتجمع

وبالنسبه للشباب انا اعرف كم واحد راعي اكورد

من القصيم هنا وان شاءالله اخليهم يجون

الله ياعيااااااااااال شدوو الهمه

مانبي باستراحات ياناس خلوناا فررري مانبي رسميااات تكفووووووون


بالداشري ولا بأي مكان اهم شي مانبي استراحات

ليش بالاستراحه مهب فري الا بالعكس فريين مو واحد

وبالنسبه للدائري تبي تصير الجلسه مناظر السيارات اللي يجن

وبعدين ترااك بالقصيم <<<< العن ماخلق الله الدوريات به:(

يعني يبون الزله والصراحه ماله داعي سطحات والقرعاء

ن ع ر السعودية 0005 :
يعطيك العافية .. وان شا الله الشباب ماراح يخيبون ظنك ... بس خلهم ينتهون امتحانات ..

ملك الـCiViC :
مشكور وماقصرت على التفاعل .. وأشكرك على ابداء رأيك حول مكان التجمع ..

SAFWAN :
وش دعوى ياروحي ماأعجبوك الشباب .. << يبي المشاكل :d
لا ان شا الله ... بتجي أنت وابو عزوز وكل الشباب .. وفوقها بوسه على الرأس .. هاه .. وش تبي أكثر بعد .. أنا جاهز ..
وياليت ياخوي تجيب معك كل اللي تعرفهم .. وأنت وطريقتك في اقناعهم .. سواء كانت الأخلاق ( ) والا ( )
والكلام للجميع .. نبغى يكون تجمع مو صاحي .. يعني جناااااااااااان .. يذكرفي تاريخ منتدى محبي هوندا << متأثر بالبرامج والوثائقية :d
تحياتي لك وللجميع وأشكرك من كل قلبي على التفاعل والمشاركة المميزة ..

بالنسبة لردك الثاني : أشكرك على إبداء رأيك في استفتاء حول مكان التجمع ..

-----------------------------------------------------------------------------------------------
ياشباب .. اللي من أهل القصيم يراسلني عالخاص / أشكر أخوي ملك الـCiViC على تفاعله المميز
-----------------------------------------------------------------------------------------------
ياشباب .. بالنسبة للإستفتاء : مارشحوا إلا اثنين وهم SAFWAN و ملك الـCiViC ..
النتيجة حتى الآن : 1/1 .. بقي على نهاية الاستفتاء : 4 أيام .. بقي على موعد التجمع : 8 أيام ..
-----------------------------------------------------------------------------------------------
أرجو منكم التفاعل .. فلم يبقى سوى اسبوع على التجمع

وش دعوى ياروحي ماأعجبوك الشباب .. << يبي المشاكل :d
لا ان شا الله ... بتجي أنت وابو عزوز وكل الشباب .. وفوقها بوسه على الرأس .. هاه .. وش تبي أكثر بعد .. أنا جاهز ..

ههههههههههههه

اجل تبي المشاكل لا والله كل الشباب على عيني وراسي

لكن ابو عزوز ماسكه غلط عليه يعني جاي جاي <<<< حطوه مهب جاي;)

وياليت ياخوي تجيب معك كل اللي تعرفهم .. وأنت وطريقتك في اقناعهم .. سواء كانت الأخلاق ( ) والا ( )

وش قصدك قصدك اني مو اسلوووووب

بالنسبه للصور

اووووف المحل اجرااااام

لكن وينه عن الاستاد

بس ولو فكونا من الشوارع

دوروا لنا استراحه قدامه مواقف كثااااااااااار <<<<< للعاطلين فقط

لا ياخوي SAFWAN .. أنت أخلاقك تمام ان شا الله .. لكن اللي ماتقدر عليه بالـ ( ) تقدر عليه بالـ ( )
مكان الاستاد الرياضي بالنسبة للصورة الثانية ... البوابة الرئيسية واضحة في الخلف .. تحياتي لك ..

نشوف راي الشباب :o

بصراحه .. الاستااد حلوو


خاصه فيه اماكن واحد وملابق كثيره نقدر نلبق مواترنا بدون مشاااكل

وينكم ياشباب .. وين الحماس أول ماكتبت الموضوع ..
كتبت الموضوع قبل التجمع بوقت طويل عشان تتحمسون وتتجهزون للموعد .. :(
مو عشان تحبطوني وتحبطون الشباب اللي متحمسين..
محد رد على موضوعي الا أخواني SAFWAN و ملك الـCiViC .. :(
ومافي أحد من أهل القصيم تواصل معي عالخاص الا حبيبي ملك الـCiViC .. :(
باقي على نهاية الاستفتاء 3 أيام ... وباقي أسبوع على موعد التجمع ..!! :(

سلامات ياخواني ..محد جاهز للتجمع الا الأخوين SAFWAN وملك الـCiViC .. :(
(( باقي يومين على انتهاء فترة الاستفتاء حول مكان التجمع ..
في استراحة والا مكان عام )):(
(( باقي 6 أيام على موعد التجمع الرسمي .. أتمنى محد ينسى هذا الموعد )):o
((أنا عارف محد يرد على الموضوع عشان الامتحانات..بس رد واحد مهم جدا..:o
عشان نعرف شكثر اللي بيحضرون..عشان نضبط الوضع..والا كيف ياشباب..
رد واحد ماراح يضر ان شا الله ))

تحياتي لكم .. ودعائي للجميع بالتوفيق والنجاح في الدنيا والآخرة ..
محبكم : ناســNasNoosــنووس

الصراحه غير الاستراحه مادخل راسي

طيب مو لازم استراحه نبي مكان بعيد

زي مخطط منور ... الخ

نشوف الشباب وش يقولون

لكن مافيه احد قال شي ويـــــــــــــــــــــــنكم

يا شباب وش فيكم مستعجلين أغلب الشباب الي في المنتدى عندهم إختبارات ومو هنا المشكلة المشكلة هي أن أغلبهم من يوم ما بدت الأختبارات ما طب النت أو المنتدى فا أقول أنكم تصبروا شوي لين ما تخلص الأختبارات بعدين يحلها ألف حلل وأنا مثلكم متحمس للتجمع لاكن ظروف الشباب في الأختبارات هي الي منعتهم من دخول المنتدى والرد على الموضوع ...

بالنسبه لي ماتفرق معي أستراحه أو في مكان عام ..أهم شي يكون التجمع.
بالنسبه للمكان اللي أقترحه أخونا نسنوس (مقابل الأستاذ الرياضي ) المكان ممتاز وحلو ..بس هل تضمن أنه بيكون فاضي ؟؟؟
علماَ أن التجمع يوم الخميس وفي أول يوم بالعطله ..يعني صعبه بيكون فاضي ..يعني لو مخطط أو مكان ثاني مافيه زحمه أفضل .

مشكورين وعساكم على القوه

المشاركة الأصلية كتبت بواسطة ناســnasnoosــنووس

وينكم ياشباب .. وين الحماس أول ماكتبت الموضوع ..
كتبت الموضوع قبل التجمع بوقت طويل عشان تتحمسون وتتجهزون للموعد .. :(
مو عشان تحبطوني وتحبطون الشباب اللي متحمسين..
محد رد على موضوعي الا أخواني Safwan و ملك الـcivic .. :(
ومافي أحد من أهل القصيم تواصل معي عالخاص الا حبيبي ملك الـcivic .. :(
باقي على نهاية الاستفتاء 3 أيام ... وباقي أسبوع على موعد التجمع ..!! :(

هع هع وراك توحشت..

تراي معكم بس ارسل لي على الخاص التفاصيل ورقم الجوال..