الموضوع: من هنا تستطيع طلب تفصيل ستائر السيارات ( التظليل المتحرك )

المشاركة الأصلية كتبت بواسطة انا واحد

ممكن تقول لي كم سعر تفصيل الستارة
أسود وسط
للسياره كامله ماعدا الامامى

لسياره
فوكس واجن
بيتل 2003

تم الرد على رسالتك على الخاص

المشاركة الأصلية كتبت بواسطة >>ăҒשּׂЙă<<

السلام عليكم ورحمة الله وبركاتة
في عندي يا أخي العزيز كم استفسار

1- الحين تعتبر عازل أفضل من التظليل
2- لما تفتح القزاز عادي يعني تنزل مع القزاز مثل البي ام وو
3- اللي برا يقدر يشوف
4- لما اسوق بالليل او بالنهار أقدر اشوف
5- هل هي ممنوعة من الدوريات
6-امممممم القيمة لاهنت على أكورد 2009

7 و 8 محذوفة لا تذاكرها هههههههه
9- سلامتك

تحيتي,,,

وعليكم السلام ورحمة الله وبركاته

الحل /

1- أحسن من التظليل أبو 40 ريال .. لكن مو أفضل من الأنواع الممتازه الثانيه الي ب 1000 وطالع
2- تمنيت لو انك ماسألت هالسؤال .. ماذاكرته :d لا ياخوي ماتنزل لأنها ثابته مو متحركه بالكهرباء
3- على حسب الدرجه يعني الكاتم مستحيل يشوف والوسط يشوف شوي لما يقرب والخفيف يقدر يشوف كم ماشيه السياره :p
4- تعتمد على عيونك مو على الستاره :d لكن بالنهار تقدر تشوف وبالليل ماتقدر تشوف من المرايه اليسرى لكن لها حل موجود ان شاء الله
5- على حساب مزاج العسكري ,, أحيانا يعتبرها تظليل واحيانا يعتبرها شي عادي مثل هذيك الي كانت موجوده ايام زمان الي تتلزق على القزازه وعليها صورة شمس وبحر :d لكن تقدر تفكها في ثواني لو مريت عند تفتيش واهم شي القزازه حقت السواق تفكها وتقطها على وجه الي راكب ورى وتقول اسف ماكان قصدي

إقلب الصفحه

6- واضح لدي انك من تبوك <- قالك فطين الولد ;) فراح تكلفك 180 ريال لأن الشحن (20 ريال ) على المستلم فيصير المجموع 200 ريال .. 180 تحولها اذا بغيتها وال 20 ريال تدفعها انت اذا جيت تستلمها من الشركه ,

7- محذوف
8- محذوف
9- الله يسلمك

تمنياتي لكم بالتوفيق

المشاركة الأصلية كتبت بواسطة ahmed_alhawi

السلام عليكم اخوي اكورداوي
انا بغلبك معي بغيت ستاير لهوندا اكورد 2008 سبيشل
ابغى ستاير لكل السياره اقصد
1-للقزاز الامامي والخلفي يكون من الدرجة الثالثه اللي هي خفيفه رقم 3
2- الاربع درايش + مع المثلثات ابغاهم الدرجة الثانيه اللي عليها اكثر شي طلب رقم 2
3- ترى ازعجناك وغلبناك بس مالنا غيرك ياصديقي
ياريت تعلمني كم راح يكون سعرها لاني اضفت القزاز الامامي معها ولا بتحسبهم لي 200 :d

وعليكم السلام ورحمة الله وبركاته

بالنسبه للأمامي للأسف مافيه لموديل 2008 ومافوق ,,

يعني المتوفر هو الجوانب مع الخلفيه .. وكمان القماش رقم 3 مخلص والله من زمان وماراح يجي مره ثانيه ,, يعني الموجود الوسط والثقيل فقط ,,

اذا لك طلب ارسله على الخاص الله لايهينك

والله للأسف يالغالي .. مافيه مقاس للكوبيه حاليا

المشاركة الأصلية كتبت بواسطة th620

أنا لي أنتظر تظليله الكوبيه أكثر من سنة يا memories أصبر وبجيك الفرج انا مسافر الشرقية بر الاسبوع الجاي علما أني بجي من جدة وبفصل ان شاء الله .. الله لا يعوق بشر بخلي أكورداوي يأخذ المقاسات حق النوافذ ويفصل لي.. خليني أسمع والا أشوفك تقولي مقدر والا ما عندي يا أكورداوي هع

ممتاز ..

إذا لك جيه على الشرقيه خلينا نتفق على موعد يناسبك تاخذ فيه المقاسات ونعتمدها للشباب ان شاء الله


memories جاك الفرج :d

فيه حل أفضل ,,

نتقابل بالخبر وتستلمها من هناك .,. واذا مالك نزله السعوديه فممكن أشوف لك البريد او اي شركه تشحن للبحرين ان شاء الله

المشاركة الأصلية كتبت بواسطة black die

اخوي..القزازت الخمس..!

الزجاجة الخامسة حق وين .؟:d

حقت الخلفيه طال عمرك ;)

المشاركة الأصلية كتبت بواسطة سلطان الأحزان

السلام عليكم:
خبارك اكورداوي بس طلب بسيط لو ممكن ترسلي صور لسيارة مركب الستاير كامل وتكون من درجة وسط وخفيف.هذا واحد
ثاني شي بالنسبة للصور حق التركيب لم تظهر عندي ايش السبب
مع خالص شكري وتقديري

وعليكم السلام ,,

الله يسلمك اخوي سلطان الاحزان ,,

هذي مجموعة صور في المرفقات وان شاء الله تكون واضحه الفكره ..

أما بالنسبه للنوع الخفيف فللأسف ماهو متوفر من زمان ,

(جميع الصور للنوع الوسط )

اما بالنسبه لصور التركيب فبصراحه ما أذكر اني حطيت صور للتركيب

والتركيب اصلا مايحتاج له توضيح لأنه جدا جدا سهل وبتعرف له بمجرد انك تشوف الستاره على الطبيعه ,,

المشاركة الأصلية كتبت بواسطة SAND

السلام عليكم ..

اخوي ابغاء ستاير للاكورد 2007 النوع الوسط رقم 2 ..

بس عندي سؤال اقدر افكها واركبها في اي وقت ؟

وعليكم السلام ورحمة الله ..

اي نعم تقدر بأي وقت

طيب , ابغاها :o

راجع الخاص