للبيع قطعه مثبت السرعه 2003 -2007

**الـمـسـافـر** · 16-11-2008, 01:52 PM

السلام عليكم ورحمه الله وبركاته

للبيع قطعه مثبت السرعه للاكورد 2003 - 2007

تنفع القطعه لاصحاب السبشل كـ اكسسوار ( اللي قالبها فل كامل ويبي شكل المثبت ع الدركسون )

وهذي صوره للقطعه ( مسروقه من موضوع كوكوكورد :d)

طبعا هي قطعه وحده بس اللي بالصوره فوق (مثبت فقط )

طبعا نفتح السومه بـ 100 ريال وطالع ( لا احد يجي يقول بـ 20 ولا 30 ريال

)

**B Useful** · 16-11-2008, 03:07 PM

دام الصورة مسروقة مني ،،،

بعت بـ 99 ريال ؟؟

صامل ،، وخويك بعد ،،

**الـمـسـافـر** · 16-11-2008, 04:14 PM

^^^^^^^^^^^^^^^^

99

ما قلت ان فتح السوم يبدا بـ 100 ريال

لو قايل بـ 101 ريال يمكن اوافق بس الحين لا :d

**برستيج** · 16-11-2008, 05:05 PM

130 ..

اذا القطعـه نفس شكل الصـوره ..

**الـمـسـافـر** · 16-11-2008, 05:43 PM

^^^^^^^^^^^^^^

سومه جيده

القطعه نظـــــــــيــــفه (شبه جديده شكلها )

**wahd** · 16-11-2008, 06:16 PM

بس ابسألك لونها أسود ولا بني يعني بالعربي مأخوذه من داخليه سودا ولا بيج

وإذا بني أسووم بـ140وصامل

**الـمـسـافـر** · 16-11-2008, 06:51 PM

^^^^^^^^^^

القطعه من سيارتي 2007 داخليه بيج ( مع اني ما اشوف فرق بين الداخليه البيج والاسود بالمثبت )

**__spider__** · 16-11-2008, 08:51 PM

طيب اخوي

مالها طريقه تركب وتستعمل الازره

يعطيك العافيه

**الـمـسـافـر** · 16-11-2008, 11:32 PM

اذا السياره سبشل ما تقدر تشغل المثبت ابدا

يعني بس ديكور

**مسروق جواله** · 17-11-2008, 06:27 AM

السلام عليكم ورحمة الله وبركاتة ..... بصراحة أنا عندي هوندا أكورد فل كامل جلد 4 سلندر هل القطعة ممكن إستخدامها في السيارة ... ما أبيها شكل أبيها تشتغل ... وإذا كان الجواب أنها تشتغل في الفل كامل ,,, ودي أعرف محل يسويها بدون أي أضرار في السيارة مع العلم أني من أهل الرياض ,,,,, شاكر ومقدر

**الـمـسـافـر** · 17-11-2008, 08:45 AM

^^^^^^^^^^^^^^
القطعه المعروضه للبيع هي قطعه المثبت فقط (القطعه اليمين بالدركسون )

بما ان سيارتك فل كامل اكيد عندك مثبت (الا اذا القطعه خربانه عندك )

وبالنسبه للتركيب مثل هالشغلات عندك محل المتميز بالغرابي

**F-505** · 17-11-2008, 12:44 PM

طيب اخو لتوضيح فقط انت فاكه من سيارتك ولا شريه يعني تفاصيل ....

ومعليش اذا كان هاذا يزعجك
......
...
..
.

**الـمـسـافـر** · 17-11-2008, 01:19 PM

المشاركة الأصلية كتبت بواسطة الــمــســافــر

^^^^^^^^^^

القطعه من سيارتي 2007 داخليه بيج ( مع اني ما اشوف فرق بين الداخليه البيج والاسود بالمثبت )

الكلام اللي فوق يدل على اني فكيت القطعه من سيارتي

وللتوضيح اكثر .. انا شريت قطعه التحكم بالصوت مع المثبت من الوكاله (تجي القطعتين مع بعض مثبت +تحكم بالصوت)

عشان كذا بغيت ابيع قطعه المثبت اللي بسيارتي لاني ما استفيد منها الحين

**B free** · 17-11-2008, 02:24 PM

الله يجبرك في مصيبتك اخوي سلطان

يا أخوان

الرجال فاك قطعة مثبت السرعه فقط لا غير .

فاكها من سيارته ويبي يبيعها .. تراها مو صناعة صاروخ :p

**هوندااا** · 17-11-2008, 04:02 PM

شكل بس ولا كل شي؟

**شوفرلي** · 17-11-2008, 04:06 PM

اهلين انا ابيها اخوي وين مكانك؟

**الـمـسـافـر** · 17-11-2008, 04:43 PM

نرجع ونقول يا شباب

القطعه انا فكيتها من سيارتي اكورد 2007 فل كامل مراتب جلد لونها لؤلؤي ماشيه 44000كيلو (البنزين فيها على النص)
القطعه تبع مثبت السرعه فقط اللي يجي يمين الدركسون

القطعه ما تشتغل على الاكورد السبشل بس تصير (شكل - زينه - كشخه )للي مسوي سيارته فل

شريت قطعه من الوكاله (مثبت+تحكم صوتي تبع الـv6 )وابي ابيع القطعه اللي عندي

ممكن تشتغل على الاكورد الفل كامل اذا كانت قطعته خربانه و مستحيل تخرب

انا موجود بالرياض - حي السلام - شارع الامام الشافعي

رقم جوالي 0554184855

قسم بالله اللي بيسال بعد كذا انه ...............

**المـــــلكـ اكـــــورد** · 17-11-2008, 05:51 PM

<<مبروك تركيب التحكم بالصوت ياولد

<<لك وحشه :o

<<اسامه لاتحذف ردي مفهوم :p

لم يتم الحذف فقط لانك راعي اكورد لا غييير ..

**AcCoRd - 949** · 17-11-2008, 06:09 PM

نرجع ونقول يا شباب

القطعه انا فكيتها من سيارتي اكورد 2007 فل كامل مراتب جلد لونها لؤلؤي ماشيه 44000كيلو (البنزين فيها على النص)
القطعه تبع مثبت السرعه فقط اللي يجي يمين الدركسون

القطعه ما تشتغل على الاكورد السبشل بس تصير (شكل - زينه - كشخه )للي مسوي سيارته فل

شريت قطعه من الوكاله (مثبت+تحكم صوتي تبع الـv6 )وابي ابيع القطعه اللي عندي

ممكن تشتغل على الاكورد الفل كامل اذا كانت قطعته خربانه و مستحيل تخرب

انا موجود بالرياض - حي السلام - شارع الامام الشافعي

رقم جوالي 0554184855

قسم بالله اللي بيسال بعد كذا انه ...............

__________________

حلووووهـ الســيرهـ الذاتيــه ...:d:d

الله يعــينك على اســئلة الملاقــيف ..

.

**LikE.nO.oThER** · 17-11-2008, 08:54 PM

نسيت تذكر اسمك للمعلومات ..
انته روييق .. ماشاء الله .. ترا اذا بدك تبيع شغله بالقسم هذا فانه اختبار من عند الله بالصبر والتحمل والقدره
على ضبط الاعصااب ..
وشغله ثانيه انا لو كنت مكانك كنت كسرتها والحين بمصنع تكراار النفايات ..
فالله يعيينك

**الـمـسـافـر** · 17-11-2008, 10:37 PM

^^^^^^^^^^^^^^^^

اي والله صبر جميل والله المستعان

المهم يا شباب القطعه وصلت 150 ريال

اللي بيزود تكون من نصيبه

خلااااااااااااااااص انا بطلت ابيع شي ثاني مره :d

( تووووووووووووووبه ابيع )

**برستيج** · 18-11-2008, 01:43 PM

160..

بس بسـألك سيـارتي سبشل مابي المثبت ابي ازرار التحكم بالصوت بس مو مشكله اركب المثبت كـ.. ديكور

بس مادري هل قطعة التحكم بالصوت معه او لا لأن المتميز قال اقدر اركب لك قطعة الصوت وتقدر تتحكم بها من الطاره

**محجوب** · 18-11-2008, 02:14 PM

^^^^^^^^^^^^^^^^^^^^^^^

اولا: قطعة التحكم بالصوت ما تركب وتشتغل الا مع مسجل الاكورد ابو 6 سيديهات ومستحيل تركب على مسجل السبيشل ابو سيدي واحد
ثانيا: الرجال شوي و بينجن صار له ساعه يقوووووول :
1-

طبعا هي قطعه وحده بس اللي بالصوره فوق (مثبت فقط )

2-

القطعه المعروضه للبيع هي قطعه المثبت فقط (القطعه اليمين بالدركسون )

3-

عشان كذا بغيت ابيع قطعه المثبت اللي بسيارتي لاني ما استفيد منها الحين

4-

القطعه تبع مثبت السرعه فقط اللي يجي يمين الدركسون

الله يعينك يا المسافر لو انا منك اغلق الموضوع او اعطيها هدية لـ كوكو كورد لأنه الوحيد اللي سام القطعة بدون اسئلة من نوع (سلامات) :d <<<<<<< يبغا يظبط كوكو ومو عارف :d

**B free** · 18-11-2008, 05:02 PM

هذي الصوره يا مال اللي منيب قايل

هذا اللي للبيع ما فيه شي غيره

**الـمـسـافـر** · 18-11-2008, 11:41 PM

!! للمعلوميه يا شباب !!

تم الاخذ برائي الاخ محجوب واهداء الاخ كوكو كورد قطعه المثبت (بـ 150 ريال :d)

*شكر خاااااص لاخواني (محمد بن عبدالعزيز &كوكو كورد ) لتركيبهم التحكم الصوتي على سيارتي *