الموضوع: للبيع اكورد 2002 سبيشل

طيب اخوي كم سيم الموتر

وكم حدك فيه

وياليت صور إضافية للموتر

السياره بأي مدينه

وكم السوم

السياره موجوده في الرياض
والسوم 30500الف ريال
واي تفاصيل على الماسنجر

المشاركة الأصلية كتبت بواسطة nlive

سلامات ياحبيبي هوندا شو 30 الف ريال والله مو صاحي اخذ بهذى السعر هاي ازيد اشوي واخذ هوندا 2005 والله العظيم يو رحت المعارض شفت اسعارهم على 17 و 18 الف لكن مو فل اوبشن المشية اقل يعني لو فل اوبشن يصير حدود السعر 23 او 24 حسب نظافة السيارة حتى مانبخس في حق الهوندا اذا كان نضيف مرة ترى لا 2001 ولا 2002 فية الفخامة ذاك الزود طيب بسعرك هذى شو خليت لهوند من موديل 2003 الى 2005 سيارتك اخوي ماشية 260 الف كيلو مو فل ابشن ب 30 الف الله يهديك بس الله يوفقك اخوي وان شاء الله تنباع بهذى السعر

السلام عليكم

الله يهديك بس قل ( آمين )
وش 17 و 18 الف
إذا ماتبيها قل الله يرزقك
2003 سبشل ماتشدها بأقل من 35الف إذا هي نظيفه
وبعدين هي سوومه والسومه ماينزعل منها
والموتر ماشاء الله لاإله إلا الله نظيف ( وعلى الفحص )
وانت قابل الرجال واحكم على الموتر
وفي النهايه اسف من كل قلبي إذا قسيت عليك بالكلام

السلام عليكم
هذي صور للاكورد 2002 المعروضه للبيع

المشاركة الأصلية كتبت بواسطة like.no.other

تنبيه للكل من كتب رد هالموضوع ...

الرجال حاطط سعره وكلنا متفقين وانا معاكم انه السعر غالي جداً بالنسبه لموديل السياره ..
بس الله يوفقك الجميع... وكل خرووف وله مزرعته يمكن يلاقي حد يشتريها منه بالسعر الي بده اياه ...

تسلم اخوي على اخلاقك
والله انك تحرج باخلاقك

يعطيكم العافية
خذ راحتكم السوم ماينزعل منه
بس انا اقول الصدق وانت بكيفكم
وانا آسف اذا غلطت على احد فيكم

الله يرزقك ان شاء الله

وإذا حاب بـ31000

هذا ايميلي للتفاهم

ant-m7bobe@hotmail.com

المشاركة الأصلية كتبت بواسطة nlive

السلام عليكم ورحمة الله وبركاتة

اولا مشرفنا العزيز
like.no.other

انا جدا متأسف لحذف تعليقي واتمنى ان يكون منتدى هوند ارابيا مساحة للنقاش بحرية بحيث لا يتعدى حدود الاخلاق والاداب

accord040
انا احترم رائيك ولك وجهة نظرك

honda accord 2002
بالنسبة للصقر الي مايعرفة يشوية
والله لو ماعرف الهوند زين كان مجايت منتدى هوند بالتحديد وبحثت عن السيارة هذى ان دل على شي دل على سمعتها الجيدة وان شاء الله يكتب لك الي فيه الخير
______________________________

خلاصة مافي الموضوع انا اعتذر اذا اسأت لاي شخص اولا

ثانيا : انا لا ابخس بحق الهوند ومادى قوتها لكن بعد اخذ جولة على السوق في الشرقية الخبر - الدمام - الاحساء

الاسعار كالتالي بعد جولة على السوق والله على ماقولة شهيد

حسب نظافة ودرجة نوع السيارة

هوندا من 2000 الى 2002

الاسعار من 20 الى 24 الف

هوندا 2003 الى 2004

الاسعار من 25 الى 35 الف

هوندا من 2005 الى 2006

من 35 الى 45 الف

هوندا من 2007

من 50 الى 65 الف

رائي احتمال يكون صائب وربما يكون خاطئ والانسان بشر و

الاختلاف في الرئي لا يفسد الود قضية

ولكم تحياتي

السلام عليكم
اقدر لك احترامك اخي العزيز هذا اولا
ثانيا \ اذا هذي اسعار الشرقيه فما شاء الله بالعربي ( الاسعار رخيصه )
اذا تبغى النار تعال للرياض ( أنا شريت 2004 اكورد سبشل بحدود 41,000 ) قبل 7 اشهر وكان راعيها الاول مستعجل ع البيعه وكان وقتها اشوف 2004 مصدومه أو المحركات ليست سليمه سوماتها توصل الـ 43,000
واحب اعطيك معلوومه اسعار منطقة القصيم تراها رخيصه

وبالنهايه الله يرزقك وتلقى الموتر اللي يعجبك وترتاح له

accord040
اخي الكريم اشكرك على المرورو والتعليق انا انصحك زيارة معارض الدمام طريق بو حدرية وتعال وشف الاسعار بعينك ومادى نظافة السيارة وكم ذكرت بالضبط وربما تكون اقل من ذالك لكن انا لا اريد اطيل عليك ولا على اصحاب مالكي الهوند انا فقط ادعو جميع مالكي الهوندا انا ياتو الدمام او الشرقية بشكل عام وينظرو الى الاسعار ربما انا مخطي لكن عند المجيئ الاسعار سوف تقنع الكل منتدى هوند يعرض السيارات في قسم البيع والشراء بالحبات لذالك صاحب الهوند يضع سعر في بالة ولا يعرف سعر السوق لكن السوق والله بالكميات تحصل الهوند لكن الوقت لا يساعد على الذهاب وهناك مايزيد عن 1500 معرض يوم واحد لا يكفي للزيارة اقل شي يومين والله على ماقولة شهيد

_________________________________

والله ولي الموفق ولكم جزيل الشكر

تحياتي