الموضوع: نصائح لمن يريد شراء هوندا اكورد

لهذه الدرجه اصحاب هذا المنتدى بخلاء في النصيحة ،، لايكون ندمت إني شاركت في هذا النادي ،، كل المواقع أول ماتحط موضوع وفيه نصيحه على طول يلبون لكن هالموقع ؟؟؟؟؟؟؟؟؟؟؟؟؟؟؟؟؟؟؟؟

لا تزعل بس اكثر اللي في النادي طلاب وانت عارف الوضع اللحين اختبارات وقروشه

لكن لاتزعل انا بقولك اللي عندي بالنسبه للون هو يجي على لؤلؤي مو ابيض ناصع وهو اللي منتشر حتى موتري لؤلؤي

والاربعه صوت المكينة انا اشوفه عادي

واذا فلوسك تمكنك انك تاخذ 6 سلندر تستاهل السته كل ريال فيها

لكن اذا بتاخذ مستعمل

انا انصحك بأكورد على يدك احسن من بانوراما مستعمل

الصراحه مافي فرق بين 6 و 4 بس في القومه بالخط الصراحه الاربعه مافيها حنه ولا صوت مكينة ولا حاجه حتى لو بغيت تبيع السياره ترا 4 سلندر تجيب اكثر من 6 سلندر فأنصحك اخوي انك تاخذ 4 سلندر لون لؤلؤي

س1:الــ4 سلندر مافيها حنه ليش؟
ج- لأن الأكورد الجديدة 5 تعشيقات بالقير وهادية بالخط ورح وجرب بالوكالة.

الله يعافيك ياعمر انت وابو عليان ماقصرتوا على هالمعلومات الطيبه ،، ونصايحكم أباخذها بعين الاعتبار ــ
الله يوفق كل منهو يختبر ،، واعذروني على ردي الثاني لأني متحمس اشتري هوندا ،،

شكراً يــا الأكورد بس جلست مع ناس يقول 6 والا خل عنك ،، مسوين فاهمين ،، ابروح اجرب

اخوي ما فيه فرق بين الـ6 و الـ4 ...
كلها تفصل عند 215
والحنه اهي على السواق رجله حاره على السياره بيكون فيها حنه...

السلام عليكم اخوي انا عندي اكورد 2008 ماشاء الله في الخط راحه ورساوه

وانا اقولك مافي فرق بين ال ا4 وال6 اتوكل على الله وخذ الي تبغ

تفضل .. وسامحنا لو قصرنا بشي

(1)

موديل 2008 أو 2009 .


تقصد هنا اي موديل تأخذ ..!! مد رجيلك على قد لحافك

(2)

اللون : لؤلؤي أو معدني ( نحاسي الظاهر هو الذهبي ) بس قالوا هذا لون موديل راح تمل منه بسرعه ومايدوم مالك إلا الأبيض .

لا تكن امعــــــه .. خل عندك رأي وخذ اللي يعجبك .. وطز باللي قالوا .. دراهمك ولا دراهمهم

((3)) 4 سلندر قالوا حراام تدفع فيها فلوس حتى لو تتسلف وتشتري الــ 6 سلندر لأنها ممله في الطريق وتسمع صوت المكينه.

حرام ولا مكروه ..!! مــاأقدر افتيك من الناحيه الدينيه راجع اهل العلم
ممله ..!! اذا من ناحيه انها ماتعطي .. أشوف انها الدوله حفظها الله سنت قوانين لحفظ الممتلكات والأرواح
تسمع صوت المكينه ..!! في اختراع اسمه مسجل ردايو بالطريق .. قرآن .. أناشيد .. شلات .. شعر ..محاضرات
دروس دينيه وغيرها .. برامج راديو .. أغاني عربيه .. أغاني أجنبيه ..
الا اذا كان اللي سألتهم يمسكون خط ويكلمون روحهم هذا شي ثاني ..!!
(4) هل سعر الهوندا الــ 6 سلندر حرااام عليها لأن فيه ناس يقولون اذا وصلت هالاسعار اتجه لسيارات ثانيه مثل الافالون او الجيوب طبعاً مستخدمه .

حرام ..!! ارجع وأقول من هالناحيه راجع منتدى فتاوي دينيه
نصيحه لوجه الله : سؤالك أكورد أو أفالون أو أي سياره أخرى .. ؟؟
الدراهم دراهمك .. خذ الشي اللي ترتحاله انت .. اعط لنفسك حريه الاختيار .. اجعلها في هذه المواقف هي من تختار لاتكبلها .. كن واثقا من نفسك .. شف الشيء اللي يلبي لك طلباتك ورغباتك انت .. فلان وعلان وهذا وذوليك وقالوا وما قالوا .. ماراح ينفعونك .. خذلك تست درايف ع الموتر اللي رسيت عليه شف وش مساوئه وش عيوبه
لانك وببساطه .. انت مـــن سيقرر بالنهايه

أرجو الرد وعذراً على الإطاله ..

حياك وبياك .. وأسال الله لك التوفيق في الدنيا والآخره

وش رايكم اصبر الين ينزل 2010 ؟؟؟؟؟؟؟؟؟؟

عودنا ع طير ياللي ......... :(

lambo

اول شي اشكر الاخ (lambo ) بصراحة كفى ووفى
ثانيا : مين قلك مافي اختلاف بين السته والاربعه اسمع الكلام مني ومن اللي جربوا الv6
بالنسبه للمحرك مافي اي مقارنه نهائياً ال v6 هادئه جدا وصوتها منخفض جدا لدرجة وبدون مبالغة اذا كنت متوقف لايسمع لها صوت واكثر من مره انخدع واحسبها طافيه طبعا اذا كنت خارج السياره اما من الداخل مثل ما قال اخوي ما شاء الله عليها (صامت ) ولكن لو طلبت منها عرض عضلاتها بدون استئذان ستسمع وستشعر بقوة الv6 الحقيقيه عندها ستعرف الفرق القوي

هل سعر الهوندا الــ 6 سلندر حرااام عليها لأن فيه ناس يقولون اذا وصلت هالاسعار اتجه لسيارات ثانيه مثل الافالون او الجيوب طبعاً مستخدمه

اخوي ليه تحكم على انه حرام وانت اصلا لم تقوم بتجربه السياره او بمعنى اصح لم تتمتلك السياره لفتره طويله لتحكم عليها
وانا اقلك ان الاكورد تستاهل كل هلله تنحط فيها بعيد عن التعصب ولكنها الحقيقه بمعنى بعد مشيئه الله وبعيدا عن الحوادث واتخاذ افضل السبل للحفاظ على السياره فهي لك وللزمن

وش رايكم اصبر الين ينزل 2010 ؟؟؟؟؟؟؟؟؟؟

اسمح لي حبيبي لو كل الناس فكروا بهذي الطريقة ما كان احد شرا سياره الكل يستنون الموديل الجاي واذا جاء الموديل الفلاني غيروا رايهم وانتظروا الموديل اللي بعده والسيارات عفنت في المعارض والوكالات فلسوا والمصانع وقفت .........

اخوي اذا بتسمع لاحد اسمع لنفسك وعقلك وذاتك واعطي نفسك حرية الرائ والناس ماهمهم إلا استخراج العيوب في كل شي
اكرر شكري للاخ lambo بصراحه كلامة عين العقل
اخوك اكووورد مجنونه

انا معي اكورد 2006 و4سلندر وماشيه 200000 وزي اللوز معي واشيك في الوكاله الى يومك وراعي خطوط وسفريات وخذ موتر سيبك من الهرج الفاضي انا راعي اكورد من موديل 99 وماشفت منها شي واسأل مجرب ولا تسال طبيب
وعذرا على الاطاله اخوي

أخي الكريم ما خاب من استخار واستشار كمان

ولكن المشوره لها حدود كما تفضل اخي lambo

يعني ممكن تستشير ذوي الخبرة في امور فنيه او اسئله ماتقدر تحكم عليها من قيادة السياره لمره واحده

اما السؤال عن اللون وعن القوه او الفئات فكل هذا يكون على حسب مزاجك انت وحسب شخصيتك انت وماتحتاجه فعلا

اللي حيرد عليك حيرد على حسب شخصيته هوا

الله يكتبلك اللي فيه الخير

شكرا

المشاركة الأصلية كتبت بواسطة المـــــلكـ اكـــــورد

انا جربت الاربعة وبعته والحين سته
الفروق
السته اكثر هيبه ..حتى صوت التشغيل غير
مميز ونادر<اغلب اللي بالشوارع اربعة 
طبعا ماننسى القومة... ماشاء الله

باختصار
اللي مايعرف الصقر(السته) يشويه..
ولاحد يقول مافي فرق
‏<ردي هذا ليس غرورا او تعصب لكن من واقع تجربه....

السلام عليكم

اخوي مش مسألة اللي مايعرف للصقر يشوية المسأله وانا اخوك ان الرجال قال في فرق بين الاربعة والستة بالحنه المكينة هو حدد

شكـــــراً للـــــردود اللــــه يعطيكم العـأفيـــه ،، مع التقديـر ،،

المشاركة الأصلية كتبت بواسطة اكووورد مجنونه

ثانيا : مين قلك مافي اختلاف بين السته والاربعه اسمع الكلام مني ومن اللي جربوا الv6
بالنسبه للمحرك مافي اي مقارنه نهائياً ال v6 هادئه جدا وصوتها منخفض جدا لدرجة وبدون مبالغة اذا كنت متوقف لايسمع لها صوت واكثر من مره انخدع واحسبها طافيه طبعا اذا كنت خارج السياره اما من الداخل مثل ما قال اخوي ما شاء الله عليها (صامت ) ولكن لو طلبت منها عرض عضلاتها بدون استئذان ستسمع وستشعر بقوة الv6 الحقيقيه عندها ستعرف الفرق القوي

كلام جميل في وصف السته سلندر .. اقدر اسميه ( درر )
وميـــــــن اللي يقول مافي فرق بين الثرى والثريا .؟؟ قصدي بين ال4 سلندر وال 6 سلندر ..!!
فرق السما عن الارض .. ومافيه مقارنه .. لا من هدوء ولا من قوه .. ولا من متعه قياده .. أحلى بكل شي
وانا هنا مااتكلم عن السرعه والقومات والخرابيط ذي .. اتكلم بعقليه انسان بيستخدم ويبي راحه القياده
بالنسبه لي ماكرهت موتري كره اعمى .. الا لما سقت السته سلندر .. ماتقول اكورد بدون مبالغه تقل سياره ثانيه
بس ارجع وأقول العيـــن بصيره واليد قصيره .. وسبيشل وكاله عندي أطلق من سته مستخدم طبعا
ولو اني اقدر ع السته ماترددت لوهله