قبل أن تشتري من المعرضْ ، انتبببببه ، !!!

**kakashi-san** · 15-08-2009, 03:29 PM

السلام عليكم ..

اسعد الله أوقاتكم بكل خير ..

باختصر الموضوع من الأخير ..

رحت مع واحد من ربعي قبل اسبوعين الامارات واشترينا سيارة في وقت عصيب جداً ،

السبت لازم يكون بالسعودية واشترينا السيارة يوم الخميس المغرب وكنا مستعجلين ،

ومشينا على الكلام البائع ان السيارة فقط فيها رفرف وباب وكانت الصبغة ممتازة ،

المهم واحنا راجعين طبعاً الكبووت يلعب على خفيف ، ما علينا ..

السيارة ما ارتحنا لها ،

قررنا نبيعها ، وقفناها في معرض وكل من يسألنا نقول له اللي فيها بأمانة ، مب مشكلة الخسارةْ ، !!

المهم بعناها ، لكن المشكلة هِنا ، !!!!!!!! وحط تحتها 323923 خط ، !!!!!

-----------------

دق علينا واحد جرّب السيارة ويتفاوض على السعر وتم بيعه له ،

طيب وش فيها السيارة ، هل جاها صدوم ... ألخ

طبيعي قلنا له جاها باب ورفرف وبسْ وتم تغييرْة ..

الأخ طلع مع صاحب المعرض للفحصْ ،

تدرون وش قالوا له الفحص ، ؟!

ما شاء الله ، تبارك الله السيارة بصراحة وردّه ما فيه مثلها ..

المشتري يسأل الفحص طيب فيها صدمات ولا شيء ولا تحتاج لشيءْ ؟!

قال له الفحص بس تحتاج إلى وزن اذرعة وبسْ ، اصلاً ما جاتها صدوومْ ..

تخيلووا لدرجة ان المشتري اتصل علينا وقال ترى صاحبكم الاماراتي لعب عليكم ، ترى ما فيها صدوم ولا شيءْ ..

المهم بعد البيعة وكل شيء واستلام المبلغْ ..

اتصل علينا صاحب المعرض ، تدورون وش قاااااااااال ، ؟!!!

ترى السيارة اللي بعتوها ، زين بعتوها بهالسعر ، لان الرجال رغبان ..

لان طلع فيها :~

- باب سايق ، باب خلف السايق
- الرفرفين
- الصدام كااامل شامل الشمعات والشبك والكشافات
- الكبوت مسمكر ..

يعني فيها وجهيّة كااااااااااملةْ ،

طبعاً طلعوا المعارض يتفقون مع الفحص أن السيارة يقولون للمشتري انه ما فيها شيءْ ،

طبعاً المشترين هم احنا ، نروح ونوثق أكيد بالفحص ، !!!

وناكلها مثل أكلها اللي قبلنا ،

نصيحة من أخ محب لكــُم ، لا تفحصون بالفحص حقهم ، روحوا الوكالة لو تدفع يا شيخ 500 ريال ،

ترى السيارة اللي بتشتريها انت بتستخدمها ، لا تستخسر تدفع على كل وحده 500 ريال ، إلى أن توصل لسيارة عمرك اللي راح تعيش معااك ..

حراام تدفع مبلغ حوول 60 ألف أو أي مبلغ في سيارة يقولون لك ما فيها شيء ، وعقب كل اشوي موديها ورشة ... ألخ

-----------------

رسالة وبغيت أقولها وما على الرسول ألا البلاغ ،

انتبهوا من المعااااارض ،

**B Useful** · 15-08-2009, 03:34 PM

حسبي الله ونعم الوكيل ..

والله مدري اصحاب المعارض والفحص كيف تحل البركة في اموالهم من هالغش والخداع ... حسبي الله عليهم .

**lambo** · 15-08-2009, 04:06 PM

حال اصحاب المعارض وحراج السيارات :
غش .. كذب .. خداع .. تدليس .. نصب .. احتيال .. بخس .. انعدام الذمه والضمير .. تطفيف .. الخ
ما أدري اذا باقي مصطلحات تصلحلهم ماذكرتها .. :p
عده مواقف سمعتها وعايشتها .. ولكن موقف لا انساه حصل امامي .. عندما اشترى احد الزملاء سياره
ويحلف راعيها انه مشتريها من واحد محافظ ومطلعها وكاله .. ومافيها شي الا رش الصدام .. والوقت مغربيه و زميلي مستعجل ع البيعه .. وانا والشباب يبو فلان تكفى لايغرك السعر انتظر بس ماش طاع شوره .. واشتراها ولا عبرنا ..شهر واحد بس .. كان كفيل باظهار كل شي .. السياره مصدومه ومرشوشه .. المكيف خربان بالكامل ..خرابات يمين ويسار لانهايه لها .. والصدمه الكبرى .. الموتر كان سياره ايجار بمحلات تأجير بالخبر
واكتشف هالشي يوم راح البحرين عند الجمارك .. خبركم الاستماره الزرقاء القديمه .. تطلع بدل فاقد بسهوله
وحط انك المالك الأول ولا الثاني .. ما أقول الا حسبنا الله ونعم الوكيل .. ( غيض من فيض )

**kakashi-san** · 15-08-2009, 04:15 PM

مصعب & فهد

المشكلة لو نتكلم من اليوم إلى بكرة ما فيه شيءْ ، !!

هالرسالة كتبناها عشان بعض الاعضاء اللي يعتقدون في صدق المعارض أنهم ينتبهونْ ، !!

بالتوفيق لكـُم ،

**المباشر** · 15-08-2009, 04:36 PM

بيض الله وجهك وجزاك الله خير على هالتنبيه المهم

بصراحة شغلة الفحص وأتفاق المعارض توني أنتبه لها وأقولها لك مرة ثانية جزاك الله خير

**kakashi-san** · 15-08-2009, 04:51 PM

ما سوينا ألا الواجب ..

وعسى بس ينتبهون اعضائنا ،

ولو تثبّتون الموضوع عشان يشوفه اكبر قد من الاعضاء ، تصيرون كويسين ،

**المباشر** · 15-08-2009, 05:57 PM

يثبت ياكويس حتى يأخذ حقه :d

**biker boy** · 15-08-2009, 06:22 PM

مشكور اخوي عالتنويه

واللي مايقدر عالوكاله اكيد كل واحد منا معامل ورشه اي مشكله يروح لهم ويرتاح لهم يعني لما تفحص موتر روح للورشه اللي تتعامل معها وافحصها وانتهينا

**أبان الطباع** · 15-08-2009, 07:38 PM

جزاك الله خير الجزاء
لكن لي سؤال : هل اتصلتم بالمشتري بعد ذلك؟

بكل الأحوال أرى أن يبقى هذا الموضوع مثبتاً للأبد، أو إلى أن يهدي الله كل أصحاب المعارض

**kakashi-san** · 15-08-2009, 08:34 PM

يعطيكــُم العافية ..

ابان : لدرجة أقول لك أن المشتري قال لي ترى صاحبك الاماراتي اللي باعك السيارة ترى يكذب عليك ،
لان السيارة ما فيها شيء ، لا فيها لا رفرف ولا باب ولا شيءْ ،

شلون لو أقول له ترى السيارة فيها وجهيّه ،

على العموم الله يبارك له ..

واِن شاء الله كل واحد ينتبه لما يشتري سيارة ..

**amer09** · 15-08-2009, 11:56 PM

مشكووور كاكاشي على التنبيه

والله يكفينا شرهم

**محمد بن عبد العزيز** · 16-08-2009, 12:15 AM

يعطيك العافيه ياكويس

والله صارت لي مواقف مع المعارض ايام الرنج بس خليها وعليها

بس.. احب اوضح للاعضاء

اذا رحت تفحص السياره عند الفحص الي قريب من المعارض ( فحص كمبيوتر)
تخسر 150 ريال وتروح عليك بس بسؤال واحد تقدر تخلي الـ150 ريال ماتروح

راح يسألك الفني يقول تشتري السياره .. والا ملك يعني بتفحصها علشان تجديد الاستماره

( انت قوله له السياره لي انا وانا ابروح للمرور علشان اجدد الاستماره )
(الاغلب هنود واتراك وفلبينيه) يعني بتمشي عليهم
:d

وبتمشي امورك

جربتها على ماركيز مهلوووووك ورايح فيها

وفيه صدوم الين قبل ومرشوش كامل وخرابات وبخااخااات
سألني قال بتشتري والا ملك

قلت لي ملك لي بس انا لازم اصلح الرفرف واصلح الحساس

قال الموتر ماعليه كلااااام اذا بتستعمل
غير كذا وكذا وكذا

اذا بتبيع ركب تجاري

__

يعني حتى مركز الفحص انتبه منهم

....

واذا بتشتري موتر شوف لك واحد له خبره بالسيارات وخبرته قويه

افضل لك .. علشان تشتري موتر(ن) ماتندم عليه

**ابوزكي** · 16-08-2009, 08:24 AM

وهذا الا لازم يصير ..
مافي على انك تاخذ معك واحد يعرف في السيارات صح ..
على شان ماتندم أبد ..
لأنك لو رحت بروحك وانت ماتعرف شي ..
بينصبو عليك ..

**SAND** · 16-08-2009, 12:34 PM

جزاك الله كل خير

اول مرة ادري انو في زي كذا نصب

**V6 2007** · 17-08-2009, 12:27 AM

جزااك الله خيـر اخووي
انا بعد صـار لي مثل هالموقف
ابن ..المشفر يوم فحصتها قال نظيفه بس
يبيلك غطا وجه بلوف وبواجي بس يعني كلها
ماراح تكلفك 150 ريـال
ويوم وديتهـا الوكاله طلعت جايتها صدمه مع البـاب الخلفي
وخسـرت 1550 ريـال
والجنوط طلعت صينيه بعد
الله لا يوفقهم بس

تحيتي

**d7oamy** · 21-08-2009, 10:22 AM

حسبي الله ونعم الوكيل

مشكور على المعلومه

**ابو همس** · 27-08-2009, 08:57 PM

شكرا علا هالنصيحه

**حبيب هنادي** · 27-08-2009, 10:29 PM

لا تخافـــ (( ما تمشي علينا ))

بعدين فيهــ جهاز يطلعــ السمكرهــ والرشــ (( يمدحونهـــ ))

او ودهـــ (( البريدي )) وفحــصـــ

**●• Ĵυṡт ḶΟиlẏ •●** · 11-09-2009, 08:27 AM

حسبي الله عليهم ..

ما ادري وين الذمه .. والضمير ..

ما اقول الا الله يكفينا شرهم ..

ويعطيك الف الف عافيه ع التنبيه ..

ماقصرت يالغالي .. الف شكر لك ..

كل الود ..

●• Ĵυṡт ḶΟиlẏ •●

**ي ح ق السـعوديـة 0 0 3** · 19-09-2009, 11:13 AM

الله يعطيك الف عافية على النصيحة
وحسبي الله الف مره على هل المعاارض(الي ماعندهم ذمه)
تحيااتيي..

**amz1975** · 21-09-2009, 03:59 AM

بارك الله فيك أخي
اذا ضاعت الأمانة فارتقب الساعة

**D.H.o.O.o.M** · 23-09-2009, 06:43 PM

وماخفى كان اعظم والي يقهر ويرفع بالظغط انهم يحلفون ويقسمون !!!

مافي مثل الجديد او مستعمل عن طريق واحد تعرفه ثقه

دمت بود يالغلا

**ع ب و 777** · 28-09-2009, 03:02 PM

لاحول ولاقوة إلا بالله

**اكورد 003** · 11-10-2009, 05:50 PM

حسبــــــــــــي عليهم

والله موجود يبلاهم باولادهم واموالهم والمصايب الي مالها عدد ومشكور وجزاك الله خير ..
يوجد عندي لوحه (م و س 3) الي يبيها يسوم ويبشر بعزه ؟