بسم الله الرحمن الرحيم
( صباح , مساء . الخير )
كيفك يامحبي هوندا عساكم بخير , وشلون الاختبارات معاكم , ندخل بالموضوع أنا عندي أكورد 2010 فل كامل مخمل قبل كم يوم كنا جالسين عند واحد وعرض على لكزس 2009 فئه IS 300 الي يسميها بعض الناس الارنب وجيت
صراحه شكلها بالمره حلوووو وأحس أنها شبابيه وحقت وكشخه.
فكرت وحسبتها قلت لو أبيع سيارتي وأدور لي 2009 - 2008 نظيف صراحه مواصفات على كيفك ويكفيك أنها لكزس علما أن سيارتي مالي مطلعها ثلاثه أشهر وماشيه حوالي 8000 كيلو مأدري , ومافيها أي صدمه ولا شي بفضل الله ( ماشاء الله تبارك الله ) فمأدري وش تنصحوني يأخوان أنا والله محتارفي الثنتين , وأسف على الاطاله .
السلام عليكم ،،
أنا رأي تبقى على الأكورد أفضل لك بالتأكيد ،،
تبيع سيارتك الجديدة و تشتري سياره مستعمله 2008 أو 2009 !!
و اللكزس is 300 ضيقه جدا من الخلف ،
رأي لك خلك على سيارتك الحمد لله جديدة وكمان اللي معك فل كامل يعني ما شاء الله تبارك الله
والله يعطيك خيرها و يكفيك شرها ،، وتعوذ من الشيطان وخلي عنك اللكزس ،،
المفروض وكيل هوندا ابو هاشم يعطيني سيفيك هدية على هذا الرأي :d
والله اللكزس حلوه لآ كن الارنب هذاي ظيييقه مررره
والله هالارنب ماتسوى لو عندي كنوز الدنيا ماشتريها ضيفه جدا جدا لا من ورا ولامن قدام وغاليه على الفاضي !
يقول ابليس لله عز وجل
( وعزتك وجلالك لأغوينهم مادامت أرواحهم في أجسادهم )
ويقول الله تعالى
( وعزتي وجلالي لأغفرن لهم مادامو يستغفرونني )
استغفرك ربي واتوب اليك
شاشات ستيل كول قوقل اندرويد 3g - wifi - full hd للاكورد 2008 - 2012 تفضل بالدخول
زنـــون اللكــــزس 4300k 55w خصم 15% وشحن فيديكس مجانا لفترة محدودة
بع بع :d
يكفيك انها لكزس :d
واللي يقول ضيقه من ورى وش مركبك ورى عشان تقول ضيقه :d
اللي يركب سيارتك بالكثير 1 او 2 :d
بع بع
انا اشوف انك تستمر على سيارتك دامها جديدة وعلى يدك يكون افضل ,,,
استخر وشوف الي يناسبك
طيب ., ماقلت لنا ., بكم تزيده .,
وترا لكزس الارنوب انوااع اي نوع هي .,! و وشو موديلها .!
السلام عليكم ..
دام سيارتك طلعتها من الوكالة ، فخليها عندك ..
لكن اذا في بالك هاللكزس ..
تبدأ أسعارها من 75 ألف لموديلات 2007 وتوصل إلى 135 ألف لموديلات 2010
وكل على ممشاها ونظافتها ولونها ،،
ههههههههههههه وانت ايش دراك انه بيركب معاه 1 او 2المشاركة الأصلية كتبت بواسطة مجوووودي
عموما انا راي من رايك لكن لو كانت جديده ماياخذ مستعمل لو ايش افضله
ومن قال لك انها بس ضيقه اللي ورى ؟
حتى قدام ، انا جربت سواقتها ، وركبتي اليمين لاصقه في ديكور القير من الضيق ،
هذا وانا ضعيف :p ، تخيل اني متين وراكبها ، فأتوقع بخلي القير علاق :p < براا ،،
والله ياعزيزي
ماتحس انك راكب لكزس الا اذا جتك gs او Ls
:p
ونت استخر ربك وشف وش ترسى عليهـ
مع انه وجهت نظري شي مطلعهـ انت بيدك اصفااار
احسن من شي ماتدري وش وضعهـ
معليش اخوي اللكزس يا جي اس يا ال اس غيرهـ لاتدور ولاتاخذ اذا انكـ فعلا تبي تركب لكزس !!
خلكـ على الاكورد مطلعها على يدكـ وكالة احسن شي
بالتوفيق
التعديل الأخير تم بواسطة D.H.o.O.o.M ; 13-06-2010 الساعة 04:34 AM
خلك على قردك لايجيك أقرد منه<-- مالها دخل
انا من رأيي أنك ماتبيع الأكورد إلى لما تمل منها
ولاحق ان شاء الله على اللكزس , أما اذا ملززم عاد استخر ربك وتوكل ..
Thank you every bady يعطيكم العافيه جميعا , والله سألت وأستخرت وفي الاخير صرفت النظر عنها لعده اسباب ولهمهاء كثير يقولون أنها ضيقه مره وأتا ما دور على الضيق .
الضيق بالقبر ياصديقي :d
<< بالقوة يقنعه ..
بالتوفيق ياعزيزي
خير لك ان صرفت النظر عن اللكزس ! ^_^
كثير من الناس ترغب في سيارة فارهة وانا ارى ان اللكزس من السيارات الفارهة الجيده ( حسب الفئة )
لكن لو نظرنا من الناحية المالية نجد ان مبلغ السيارة كثير لك لا يستحق قيمتها الفعلية !
الموديل الذي اخترته انت بنفسك او وضعته كخيار , لا اجد فيه الميزه غير انه شبابي بشكل اكبر من ماهو عملي !!
لذلك ارى ان تبقى كما انت عليه حاليا ً , مع مرور الوقت سوف تجد شيء افضل ومع حلول عام بعد عام حتما ً ستجد الأفضل . *_^
لماذا تجعل من حياتك صعبه عليك وعلى غيرك !!
القبر إما ان يكون رياض من روضات الجنة
او
يكون حفره من حفر النار (حمانا الله منها)
فا بعملك الصالح يكون قبرك روضة من رياض الجنة جعلنا وإياكم منها
اما الآخر
وبعملك السيئات وان تموت على ذلك فإن القبر لن يصبح كما تمنيته الآن !!
لكن ربك الكريم ذو الجلال والأكرام فتح لنا ابواب التوبة
قال تعالى {إِنَّ الْحَسَنَاتِ يُذْهِبْنَ السَّـيِّئَاتِ ذَلِكَ ذِكْرَى لِلذَّاكِرِينَ}
أعمل صالحا ً وستجد ان الله قد غفر لك ماتقدم من ذنبك حتى لو كانت من جبال !
صاحب الموضوع صرف النظر عن السيارة , لذلك يغلق !
:(
ضوابط المشاركة
مواقع النشر (المفضلة)